طيب ياجماعة رشحولي فلم ينفع لعائلة انها تدخله ومعاهم اطفال بدون اي إحراج
عرض للطباعة
طيب ياجماعة رشحولي فلم ينفع لعائلة انها تدخله ومعاهم اطفال بدون اي إحراج
الافلام دلوقتي نوعين
1- كوميدي بهبل وعبط واستخفاف بالاخرين وبلا هدف او فائدة
2- افلام فيها شوية خلاعة واباحية لجذب الجمهور وبرده بلا هدف
وفي كلا الحالتين هما المستفيدين بتخسر وقتك وفلوسك وتاخد ذنوب
انا مقاطع الافلام المصرية كلها .
كان اخر فيلم دخلته بدون رقابة و شكرا على كدا كــــــفـــــــايــــة افلام مصرية .
الافلام الكوميدية عبارة عن شوية بهلونات بيعملوا اى حاجة علشان الناس تضحك و خلاص و احمد حلمى لو معملش اعلان عن فيلمه الجديد برده الناس هتدخله و هى مغمضة عنيها يا كدا يا ميبقاش الشعب ده مصري .
فى مصر الناس بتدخل السينما علشان الممثل مش الفيلم .
فيلم احمد عز
جامد جدا
تدخله مع خطبتك \ زوجتك \اطفالك مفيهوش مواقف جارجة وقصة مدروسة والعبط اللى موجود فى الافلام العربى
من مدمن افلام سيبك من الافلام الكسر اللى حضرتك ادبست فيها
بدل فاقد فيلم رائع بجد وجميل واحمد عز دايما بيقدم افلام جميلة الفيلم قصته قدمت بنفس التيمة من قبل فى السينما لكن معالجته مختلفه
دكان شحاتة فيلم ابعد ما يكون عن الاغراء وعن كل اللى اتقال عنه واى حد اتكلم عنه مثل هذا الكلام ماشفش الفيلم وماشى ورا الفرقعة الاعلامية
الفرح مشوفتوش وماتعودتش احكم على اى فيلم ماشوفتوش
بوبوس مشوفتش حتى اعلانه
بس لولا اختلاف الاراء لبارت السلع
الحلو ميكملش يا اما تضحك من غير هدف زى عمر وسلمى يا اما نكد زى الفرح يااما اكشن واكيد برده من غير موضوع ولا هدف للفيلم زى ابراهيم الابيض اما بوبوس انا مش حتكلم عليه علشان اكيد كل الشاف الفيلم مش عارف يقول ايه
فيلم بوبوس لم يحقق ايرادات غير 300 الف فى اربع ايام !!
اقتباس:
- 300 ألف جنيه .. هذا هو متوسط إيرادات فيلم عادل إمام الجديد (بوبوس) خلال الأيام الاربعة الماضية وذلك بعد أن كان متوسط ايرادات أفلام عادل إمام يتجاوز ضعف بل وضعفي هذا الرقم خلال الأيام الأولى للعرض.الغريب في الأمر حقاً أننا حينما سعينا للتعرف على أسباب هذا التراجع الغريب في إيرادات الفيلم - والتي من المؤكد ستتسبب في رفعه من عدد كبير من دور العرض خلال الفترة القادمة - فوجئنا بالموزعين والقائمين على دور العرض السينمائي يتفقون على أن هذا التراجع في إيرادات الفيلم لم يكن بمثابة المفاجأة بالنسبة لهم خاصة وأن غالبية من شاهدوا الفيلم من الجمهور خرجوا من دور العرض غير راضين عن مستواه، بالإضافة إلى تعرضه لهجوم قاسى من قبل كل النقاد منذ بدأ عرضه وهو ما لم يتعرض له عادل إمام منذ سنوات طويلة حيث اتفق الجميع على أن عادل إمام عاد في هذا الفيلم لنفس الحركات التى اعتاد عليها في بعض الأفلام التى قدمها فى حقبة التسعينات وأدت الى اهتزاز عرشه وقتها مثل الألفاظ الخادشة للحياء العام وضرب الممثلات وفتيات الكومبارس على مؤخراتهن وغير هذا من الأشياء الأخرى بجانب عدم تقديم الفيلم لقصة أو موضوع جديد أو مختلف وغير هذا من أوجه الهجوم الأخرى.
الفيلم تأليف يوسف معاطي وإخراج وائل احسان وشارك في بطولته يسرا وأشرف عبدالباقي ومي كساب ورجاء الجداوي وعادل مصطفى متولي.
انا مستغرب من حاجة !! من كل المداخلات السابقة يتضح الاجماع على ذوق الاعضاء فى اختيار نوعية الافلام , طب ليه القائمين على السينما بيقولوا الجمهور عايز كدة.
ولا دة نوع من انواع التسويق للافلام!!
انا عن نفسى مستحيل ادخل فيلم للمدعو عادل امام لان كل افلامة تقريبا لا تخلو من قلة الادب و الوقاحة , وفعلا اغلب الافلام الفترة دى بتركز على العشوائيات وعلى اوحش ما فيها , طب زمان كانو بيجيبوا فى الافلام مناطق عشوائية كتير لكن شتان ما بين عرض زمان والان على سبيل المثال كل الاسلحة البيضاء موجودة من زمان لكن كان اقصى حاجة ممكن نشوفها فى فيلم واد يضرب بسكينة وكمان مش بالعنف اللى شايفينو دلوقت - كانت الناس حنينة على بعض حتى فى الانتقام - لكن كمية الدم والعنف والكراهية و البلطجة وقلة الادب دى مش فاهم لزومها اية.
طب فى سيناريوهات هادفة او على الاقل الناس تتفرج على الفيلم فى السينما وتطلع مبسوطة زى معظم افلام احمد حلمى و كريم عبد العزيز و احمد عز .
هل ممكن نعمل مقاطعة للسينما يمكن يقدموا حاجات كويسة
مجرد فضفضة
تحياتى