السلام عليكم و رحمة الله و بركاته
تحياتي لكل الأخوة الأفاضل المشاركون في الموضوع .
أحب بس أوضح نقطة مهمة قبل البدء
الأبنعاثات الخارجة من جميع أنواع البنزين واحدة و لا تفرق كثيرا و كلهم مضرين للبيئة . و الفرق هو نوعية الأوكتان المستخدم لرفع كفاءة الحرق حسب قدرة المحرك إن كان قديم و نسبة أنضغاطه صغيرة ........ أو جديد و نسبة أنضغاطه عالية .
النقطة التانية .
البترول المصري من النوع الثقيل أي أن المشتقات الخفيفة مثل البنزين و السولار هي أقل ما فيه و نجده المشتقات الأخرى مثل الزفت هي الأعلى .
و أيضا انتاج البترول المصري غير كافي للزيادة في عدد السيارات و عدد السكان السنوي .
و بالتالي الحكومة بتستورد بنزين مُكرر من الامارات و ليبيا لسد العجز .
كل أنواع البنزين ........ مُدعمة ..... و ليس 80 فقط .
هي الفكرة كلها كانت في موضوع أن فئة من السيارات القديمة هم من أصحاب الدخل المحدود و لذلك فكرت الحكومة في تثبيت سعره لحد مُعين حتى يستطيع أن يتحمل ثمنه أصحاب الدخول المحدودة .
و لكن كل أنواع البنزين عليها دعم ....
لأن لو مفيش دعم ممكن نلاقي ثمن البنزين الحقيقي وصل لستة جنيه و سبعة جنيه بدون دعم .
مُشكلة البيئة مش من نوع البنزين ....
مُشكلتنا في السيارات القديمة الخردة اللي مازالت ماشية في شوارع مصر و عمالة تخرج عوادم منيلة بنيلة و كمان تلاقي العربية ماشية معووجة ( شاسيه معووج ) و ما شاء الله ... تلاقي صاحبها بكام لحلوح ..... بيجدد الرخصة بكل سهولة ...... على العكس في الدول المتقدمة ..... اللي العربيات دي بتتكهن فيها .
فيه فعلا ناس بتكون شكلها مستريح ماديا وبلاقيها واقفة في طابور بنزين 80 !!!!
بس هو حُر ..... محدش يقدر يقوله ما تشتريش بنزين 80 علشان مُدعم !! ليه
لأن كل البنزين مُدعم أصلا ....
حل المشكلة ليس في تسعير البنزين أو تثبيت أسعار سلعة معينة
الحلول لازم تكون جذرية وتحل المشكلة حل نهائي و ليس حل مؤقت .
يعني مثلا
خفض الجمارك على السيارات الصغيرة و 1000 سم مكعب . و خفض ضرائب الترخيص عليها و تشجيع أستخدامها .
وضع ضرائب عالية جدا على السيارات الأعلى من 1600 سم مكعب
ليه واحد يروح يشتري عربية 3000 سم مكعب علشان يروح بها الشغل ؟؟؟؟
ده اللي نمسكه و نقوله ......... أدفع حق البنزين كله ....... و أديني ضرائب عالية أدام عايز تركب عربية بتشفط بنزين و تستهلك بنزين بتاع ثلاثة عربيات على الأقل لشخص واحد .
يعني زي أوروبا
بيعملوا أيه ؟؟؟؟
تخفيض حاد في الضرائب على السيارات الصغيرة و حتى 1300 سم مكعب .
و بعدين السيارات ما لغاية 1600 عليها فئة ضرائب متوسطة .
أما الفئة اللي أعلى من كدا ......... ضرائبها عالية و عليها كمان حاجة أسمها ضريبة تلويث البيئة ..... و كل لما تقدم العربية كل لما ضريبة تلويث البيئة تزيد بعكس بلدنا المحبوب مصر .
كل لما عربيتك تقدم و تكحكح ....... يقللولك الضريبة في رسالة منهم لك بتقولك ..... دمر البيئة براحتك يا معلم .
و الحلول الجذرية كتيرة ........... و تحيا ج ع ع .