لا يافندم .. مفيش لغة رسمية للمنتدى .... الممنوع بس لغة الفرانكو ارابيك :3_3_102[1]:
لكم الenglish عادى :colsmil:
عرض للطباعة
بالنسبة للجولف 5 ... انا اشتريتها من حوالى شهرين ب159 الف بعد تخفيض 10 تلاف موديل 2009 ...
فأعتقد دى بردوو 2009
مش مشكلة يمكن دا كان في منتدى تاني
بس على العموم مفروض الواحد يحترم الآخرين الي كلهم بيشاركوا بلغة واحدة لأن ممكن يكون واحد بيقول معلومة مفيدة حد تاني محتاجها بس المعلومة دي بالإنجليزي والحد التاني مبيعرفش انجليزي
وبعدين موضوع الإنجليزي ده ممل ومفروض إن احنا نحب لغتنا أكتر من كده
لو احنا مقدرناش لغتنا يبقى احنا الي بأيدينا بنمسح حضارتنا وتراثنا
معتقدش اني غلطان
السلام عليكم
اولا مبروك على الجولف!
بما ان حضرتك سابقتني و اشترات قابلي...اه رائيك في العربيه؟؟
في اي عيوب واضحه....؟
ملهاش مشاكل مع البنزين ال92؟؟ و بتعمل اد اه في الصفيحه؟؟
أعتقد أن البنزين 92 ملوش مشكلة مع العربية لأنها 8 صباب والموتور مش fsi
الموتور بتاعها هو الموجود في الباساتالعادة والجيتا والأوكتافيا
البنزين 95 حيديك أداء أفضل بس مفيش مشكلة مع البنزين 92 أهم حاجة متسمعش كلام الي شغالين في محطة البنزين بخصوص رافع الأوكتان لأن ملوش أدنى تأثير!!
دا هجص
الله يبارك فيك يا باشاا ...
الحقيقة العربية حتى الان بلا عيوب نهائى .. ولا الهوا
... بجد قوة تقفيل وخامات خرافية .. وعفشة مش ناعمة اوى ولا ناشفة اوى بس طبعا الثباااات .. وهممم .. باخد ملفات على 140 و150 ولا كأنى بعمل حاجة ...
عيبها الوحيد الوحيد ... قلة الكماليات ... مفيش جنوط (طاسات 15/195 ) ولا فتحة سقف ... ولا فوجات ... ولا حتى multifunction steering wheel
... بس انا الكماليات مش مهمة اوى عندى ... اهم حاجة العربية والقوة والمتانة ..
والجولف رأئدة فى الناحية دى ..
العربية ملهاش اى مشاكل مع البنزين 92 نهائى .. ساعات كمان بحط90 ومش يتقول لأ ...
ربنا يوفقك .. العربية جميلة جدا وتصلح لشاب او عائلة او رجل عجوز كمان ...
ومتقتلقش من موضوع شكل قديم دا ... الجديد طبعا افضل بمراحل كموتور وكماليات وفتيس dsg وشكل كمان ... بس اغلى ب70 الف :_Alshmokh22[1]: ...
فخلينا فدى احسن :colsmil:
بلاش بنزين 90 لأن المواصفات بنزين 95 والحد الأدنى 92
عادة الصنايعية هما الي بيقولوا الكلام ده بس منطقياً ده غلط لأن كل بنزين ليه خاصية احتراق مختلفة
عن نفسي في عربيتي جربت الحكاية دي وحسيت ان العربية إن العربية مبرجلة
الإحساس الحقيقي حسيت إن البنزين 92 طغى على البنزين 95 والعربية بقى صوتها عالي لما أجي أكبسلها بنزين
عن نفسي معتقدش إن ده مفيد
وبعدين مهو الي معاه يعمل خليط يا إما يحط 92 كله يا إما يحط 95 كله بس لو فاكر إن 95 على 92 حيخلي البنزين 93.5 فدا طبعاً مش صح
إضافات رفع الأوكتان من الطولويت وده رقم الأوكتان بتاعه 114 ورافع الأوكتان عديم الفائدة مع البنزين النقي زي 92 ومبيرفعش الأوكتان غير كسور عشرية بسيطة
هو فعال بس على البنزين 80 بيرفعه يخليه 87
بصراحة انا شايف بعد ما سعرها نزل ل150 انها كدا ممتازة جدا , اولا الجديدة ب 220 و كدا فرق 70 الف بحالهم , ثانيا انا فى رايى الشخصى شكل 5 احلى من 6 (و دى اذواق) , ثالثا الجولف مش محتاجة سؤال حضرتك تتوكل على الله و تشتريها و نباركلك قريب , العربية كلمة ممتازة متوصفهاش و ان سعر 150 دا تحفة عليها فعلا , بالنسبة للموديل فاللى اعرفه ان ال passat (اللى ب 200 الف) و ال golf ال station (اللى ب 170 الف) موديل 2008 بس مش عارف الصراحة الجولف العادية 2008 و لا 2009