يوم السبت اللى فات كنت ماشى بسيارتى النوبيرا بالليل و انا متعود دائما ان عينى تكون على امبير الحرارة و فوجئت و انا ماشى ان لمبة الكمبيوتر (تشيك) نورت يس العربية كانت ماشية عادى و مكنتش عارف فيه ايه روحت باصيص على كل الامبيرات لاقيت امبير الحرارة وصل الى الاخر عند الاحمر رحت واقف على جنب و بطلت العربية و بعدين رحت فاتح الكبوت لاقيت دخان سخن خارج من اخر الكبوت و لما بصيت على المكان ده لاقيت جزء فبر كان واصل بين خرطومين كان مكسور و المية كلها فى الارض ...المهم رحت رابطهم ببعض اى كلام و دورت و زودت مية من الحنفية مع العلم انا كنت حاطيط مية موبيل المهم لاقيت الحرارة نزلت فى الطبيعى ورحت رايح عند الميكانيكى بتاعى و غيرلى الفبر المكسور وركب واحد جديد......
المشكلة بقى انى قلقان تكون السخونية بوظت وش سلندر او اى حاجة تانية ؟؟؟؟؟؟؟
ارجو من الاخوة الافاضل يقولولى ايه اللى ممكن يكون حصل بسبب السخونية و ممكن تكون اثرت على ايه و انا اعرف ازاى ان ده حصل ولا لأ... ربنا يستر انا لسة شارى السيارة من شهر و مش حمل اى مصاريف دلوقتى خالص