عربية عربية ( قصدي سيارة عربية من المغرب )

**ahmed1981** · 11-10-2007 01:04 AM

أيام الكلية أحد الدكاترة في الميكانيكا قال لنا كلمة:
(الصناعة المصرية الخالصة هي عربية واحدة بعجلتين خلفيتين
والجزء الأمامي معلق على ظهر حمار أعزكم الله)

**wawoo** · 11-10-2007 04:22 AM

يا جماعة براحة انتو ما تصدقو جنازة و تشبعو فيها لطم , هى فين العربية دى , انا مش شايف غير صور بالكوميوتر , فين صور العربية المغربية الحقيقية , و يترى تمنها كام و اتباع منها كام , مش كل ما نشوف حاجة نجرى نلطم و نقول مصر مصر , اعرفو بس التفاصيل الاول و بعدين احكمو , احنا بنتكلم عن تصنيع سيارة مصرية انا و انت نقدر نشتريها , مش عربية متصممة على الكومبيوتر يمكن متعملش منها غير نموزج ولا اثنين , معظم مكونتها مستوردة و ثمنها فوق ال نص مليون دولار , و على فكرة فى مهندسين فى السعودية عملو عربيات بالمستوى دة برضو , دى كلها سيارات مبنية على اجزاء مستوردة و مكلفة للغاية , و اكيد الهيكل بيصنع فى الخارج ايضا و بتكلفة خرافية .

ياريت نشوف كدة صور حقيقية للسيارة و اختبرات لادئها و راى الخبراء فيها و عدد السيارات اللى اتباع منها و تكلفتها , مهو اصل الموضوع مش قفش كدة و كام صورة حلوة كدة و خلاص , مكنش حد غلب , و لو الشركة دى جمدة كدة معملتش لية سيارة تنافس البيجو 308 ولاالانسر ولا الكورولا .
ركزو بس شوية قبل ما تعقدو تجلدو فى نفسكو كدة .

**modux** · 11-10-2007 12:19 PM

حضرتك العربية دي لو دورت عليها شوية هتلاقيها بتتباع
و بتتعرض في معارض جنب اشهر الماركات
دور شوية علي النت و هتكتشف الحقيقة

و بعدين احنا حتي بنعرف نصنع عربية ماروتي !!!!!!

**wawoo** · 11-10-2007 06:59 PM

المشاركة الأصلية كتبت بواسطة modux

حضرتك العربية دي لو دورت عليها شوية هتلاقيها بتتباع
و بتتعرض في معارض جنب اشهر الماركات
دور شوية علي النت و هتكتشف الحقيقة

انا ارجو ان انت تكتشف الحقيقة فعلا ,انا دورت و وصلت للاتى , هى اة اتعرضت جمب اشهر المركات , بس دى كانت سيارة تجربية و مدخلتش الانتاج اصلا . وخد عندك
-الموتور من مرسيدس
-الهيكل مصنع فى المانيا
-الشاسية من سيارة لامبورجينى ديابلو موديل واحد و تسعين

يبق فين حضرتك بقى التصنيع دة االلى بتقول علية , يعنى من الاخر العربية متجمعة زيها زى اى عربية .
و لو بتتباع فعلا ياريت تقول سعرها كام لو سمحت و اقدر استلم امتى .
دى بس المعلومات اللى وصلتلها من خلال 10 دقائق على النت .

بالنسبة لمصر , نص العربيات اللى بتتباع فى السوق المصرى طلعة من مصانع مصرية و كذلك باقى وسائل النقل , طبعا حتقلى دة تجميع .
ياريت نبقى عندنا شوية ثقة شوية فى نفسنا و نحاول نطور بدل اسلوب جلد الذات دة اللى لا بيوادى ولا يجيب .
مصر فيها مواهب و كفئات كتيرة اضعاف اللى موجود فى اى دولة عربية ياريت بس قبل ما نتريق على مصر نشوف فعلا احنا نملك اية و ممكن نعمل اية .