معظم الالوان عليها عده ملاحظات
الفضى ملحوظه واحده وهى انه منتشر
يبقى الفضى يكسب
تحياتى
عرض للطباعة
معظم الالوان عليها عده ملاحظات
الفضى ملحوظه واحده وهى انه منتشر
يبقى الفضى يكسب
تحياتى
ربنا يسهل إن شاء الله و مش عارف بجد أقوللك إيه يا محب فى موضوع الاستلام ده شكلى كده هرتكب جريمة فى التوكيل.
كنت هناك إمبارح أنا وأيمن و زميل من المنتدى حاجز جين 2 و قابلنا الأستاذ محسن قعد يحاول بشتى الطرق المشروعة و الغير مشروعة إنه يخلينا نأجل استلامنا للدفعة بتاعة آخر 8 و قعد يلعب بقى على الوتر الحساس لكل واحد فينا أنا موضوع اللون و يعيش عليا و يقوللى ممكن ينزل لون جديد أحسن ده غير اللون اللى انت عايزه أصلا و يقول زميلى ده غالبا هتبقى موديل 2010 و أحسن لك شهر واحد يكسبك سنة فرق موديلات و قعد يلعب فى دماغنا بتاع نصف ساعة لما لاقانى مش متأثر بالموضوع و كمان ببوظ تأثيره على زميلى اللى كان معايا ابتدى بقى اتجاه تانى و قعد يغرينا بإن العربيات بتاعة موديل 2010 ممكن يبقى فيها شوية تغيير و هينزل فيها الفيس ليفت و كمان و احتمال يرجعوا فيها مثبت السرعة و حتى لما قلتله على فكرة أنا مانيوال و انتوا أصلا ما كنتوش منزلين مثبت فى المانيوال رد و قاللى ما تعرفش التغيير ممكن يوصل لفين.
المهم كلام بيع و خلاص و لما حبينا نسأله تانى عن ميعاد وصول العربيات للتأكيد رد من 15 ل 20 الشهر ده اللى كان بيقول من 10 ل 15 و بعدين لما جه أيمن و أستاذ أسامة رد عليهم و قاللهم تانى من 10 ل 15. أنا بجد مش عارف آخرة الموضوع ده إيه بس حقيقى ابتديت أتعصب
شكرا لسؤالك يا محب و معلش إنى طولت عليك بس زى ماتقول كنت مكبوت و نفسى أفضفض
لون جامد جدا أستخير وأتوكل على الله
اللون السيلفر جاااامد جدا
معلش يا جيسو ان شاء الله تستلم قريب جدا و كل تاخيرة فيها خيرة
و انتا علي فكرة حتيجي معانا المقابلة حتي لو ماستلمتش