الغى الجمارك وبسرعه

**ashraf229** · 30-06-2009 09:05 AM

حماية صناعة السيارات المحلية ازاي اذا كانت مش عارفة تنافس اصلا و غالية!!!!!!

تقدر تقولي الصني المصري بسعر الأوبترا و السيراتو القديمة ازاي و هما نفس الفئة بس دي مستوردة و دي محلي!!!

البيجو البارس ب 90 ألف جنيه ليه!!!!ما هي محلي!!!

الشيروكي في الخليج بدون جمارك شوف بكام و عندنا محلي ب 320 ألف أو أكتر!!!!!!!

المرسيدس البانوراما 500 بمليون و تلت ليه!!!!!!!!ما هي محلي!!!!!!!

المفروض العربية المحلي تكون عالأقل بسعر قريب من سعرها برة لأن الأسعار برة دي عليها هامش ربح كبير للوكلاء

انت بأسعارك اللي بتأذي عربيتك المحلية

الناس بتبص للسعر بعدين تشوف الجودة............

**ashraf229** · 30-06-2009 09:09 AM

بعدين انا ضد الضريبة المتزايدة اللي بيقول عليها.........

لأن مش من المنطقي ان العربية كل ما تقدم تدفع عليها أكتر!!!!

عمر ما حد هيشتريها منك مستعملة يعني أجيب منك لانسر مثلا مستعملة 4 سنين و أدفع عليها 15 ألف مثلا فوق سعرها ترخص!!!!!!

أبئى وفرت ايه!!!!!!وبعد سنة أدفعلي 18 ألف ولا حاجة!!!!!!!!!!!!!

كلام غير منطقي و غير عملي نهائيا

ممكن الجمارك تقل و الضرايب تزيد بس بالعكس بالتناقص مش بالزيادة السنوية

كأن الجمرك بالقسط

بس ابئى قابلني لو عرفت تمشي في مصر ساعتها على رجليك حتى.......

زحمة يا دنيا زحمة!!!!!!!!!!!!

**adventurer** · 30-06-2009 07:05 PM

السلام عليكم اشكر كل من شاركنى الرأى ومن عارضنى ولكن احب اوضح ان دعما ةللصناعه المحليه الضريبه عليها اقل بكتير من الضريبه على المستورد واللى عايز الدح ده من ناحيه من ناحيه اخرى الضريبه ممكن تكون ثابته لعدد معين من السنوات عشره مثلا وبعد كده تزيد علشان ميجيش يوم تبقى عربيه من الستينات ولسه ماشيه فى الطريق واجره كمان دى فكره علشان بلدنا بكره تبقى احلى ليه اشترى عربيه قديمه بعشرين الف جنيه 128 131 132 هوا انا بلاقى الفلوس والحكومه تنشط عمليه اعاده التدوير زى اوروبا الكل هناك بيسلم العربيه القديمه وبتتفك كل مكون على جنب ويعاد استخدامه ويكون تسليم العربيه مقابله تسهيل من قبل الحكومه فى ترخيص اخرى جديده او اعفاء لسنه او عدد سنين من الضريبه او اعفاء جزئى

**lancerevolution** · 01-07-2009 03:25 AM

المشاركة الأصلية كتبت بواسطة moh_kamal67

فيه حل احلى ، تكلفة التشغيل ، هوة احنا بندعم البنزين ليه ، نشيل الدعم من البنزين خالص ، تستعمل العربية كثير تدفع كثير ، وتغير العربية كل 3 او 4 سنين وتعيش ياعم بلا عمرات بلا ترقيع
ياسيدى خليهم يشيلوا الجمارك من على العربيات ويغلوا البنزين والنتيجة واحدة ، مين يصدق ان دعم البنزين وصل الى 57 مليار جنيه ميزانية سنة 2008 ، ليه هما بيحصلوا كام من الجمارك
لأ يشيلوا الدعم عن البنزين ويلغوا جمارك العربيات وهما الكسبانين ، ثم ان قطع الغيار عليها جمارك يعنى موش هايخسروا قوى
انا مع الغاء الجمارك نهائيا على العربيات وغلاء البنزين للسعر العالمى

كل الدعم رايح للبنزين 80 يا ريت يرفعوا سعره

**ashraf229** · 01-07-2009 09:05 AM

انا كمان معاك

زمان سمعت كلمة من واحد أعرفه قالي مدام احنا مش نافعين في مجال صناعة السيارات نحاول ننجح في مجال تجارة و تسويق السيارات
القصد ان السياسة دي هتنعش سوق الاستيراد و التجارة و البنوك و مراكز الخدمة و الصيانة و الدعاية و الأعلان و الأكسسوارت و الكماليات و غيرها كتييييييييير لو الناس بقت مرتاحة في عربيات جديدة ................

و نسيت طبعا البيئة علشان احنا عايزين نحافظ عالسحابة السودا (ايه حد ينكر ان الأسود لون شيك ده ملك الألوان يا أبني)..................

مش المهم انك تشغل ناس و توفر فرص عمل خلاص خلي المصانع تصنع قطع غيار و مكونات السيارات

و شيلوا الجمارك خلوا الناس تعرف تعيش و حتى لو البنزين غلي شوية كأنك بتدفع الجمرك بس بالقسط

ده الألمان السواح بيتعجبوا ان الميكروباص الفولكس لسه شغال في فيصل و الهرم !!!
الروس لو عرفوا اننا لسه بنركب الترامكو هيتنططوا عالعالم كله و هيقولك احنا احسن بلد صناعي
الاسبان عندهم فكرة ان الظياط (سيات) لسه بتمشي و بتقف على أكتوبر بالساعتين!!

عماااااااار يا مصر.......