أرجو المساعدة لأهل الخبرة بشدة ؟؟؟؟

**wildeagle** · 29-06-2009 01:40 PM

أخواني الأعزاء :
محتاج مساعدتكم و رأيكم في موضوع سيارتي اللي أشترتها السنة اللي فاتت هيا سيراتو ex 2008 و عملت بيها حوالي 3000 كيلو متر فقط ثم تركتها في الجراج و سافرت و أنا انشاء الله راجع الشهر الجاي ، ممكن حد يجاوبني على شوية أستفسارات ، و جزاكم الله كل خير :-

1. هل هناك داعي لتغيير الإطارات نظراً لأنها متوقفة لمدة عام متواصل على الأرض بدون أي حركة ؟
2. هل يتم تدوير السيارة مرة واحدة و لا يجب سحبها إلى البنزينة لتغيير الزيت و الفلتر قبل السير بها و لا متفرقش لو دورتها و مشيت بيها على التوكيل ؟؟
3. هل بعد كل هذه المدة يكون الزيت و مياه التبريد ناقص و يجب زيادتهم قبل السير بالسيارة ؟
4. هل يتم تغيير البطارية و لا مجرد شحنها و هل في هذا الموقف تخضع للضمان أم لا ؟؟
5. هل السيارة كونها متوقفة لمدة عام بدون تشغيل عند حدوث مشاكل في أي أجزاء السيارة مثل السيور و رولمان البلي و خلافة نتيجة عدم الحركة تخضع للضمان أو لا ؟؟

أنا في انتظار أجوبتكم و أسف على الإطالة

لكم منى أطيب التحيات و جزيل الشكر
محمد

**hadino** · 29-06-2009 04:28 PM

اهم حاجة تغير زيت قبل ادارة محرك السيارة مهم جدا جدا

**wildeagle** · 29-06-2009 04:40 PM

المشاركة الأصلية كتبت بواسطة hadino

اهم حاجة تغير زيت قبل ادارة محرك السيارة مهم جدا جدا

مشكوووور على سرعة الإستجابة ، بس أغير زيت قبل ما أدور المحرك إزاي في الجراج ؟؟؟ و لا ممكن أدورها لغاية التوكيل أو أي محطة خدمة قريبة و اغيره

**wildeagle** · 30-06-2009 01:12 AM

أيه يا جماعة ؟؟؟؟ 49 زيارة و محدش عنده معلومة يقولها للدرجة دي الموضوع صعب ؟؟

**ahmed_su** · 30-06-2009 02:59 AM

- اولا ترجع بالسلامة

-ثانيا هناك بعض الخطوات لرفع السيارة لفترة زمنية معينىة انا مش عارف انت اتبعتها ام لا ؟!!

عموما الزيت له فترة سواء بعدد الكيلومترات المقطوعة او فترة زمنية (سنة) ايهم اقرب

ولن يحدث اى شىء اذا ادرت السيارة وذهبت بها الى محطة الخدمة لتغير الزيت (مش محتاجة سحب ولا حاجة)

قبل الادارة شيك على منسوب ماء التبريد ومستوى الزيت وسائل الفرامل

وزيت الباور وهو اجراء احترازى وانا اعتقد بنسبة كبيرة جدا انك سوف تجدهم فى مستواهم الطبيعى

البطارية وده المتوقع ان تكون قامت بالتفريغ الذاتى يعنى فضيت ... حضرتك هتفكها من العربية

وتوديها لاى كهربائى سيارات نضيف يحطها على تونجر الشحن حوالى 8 ساعات

وترجع تدور عربيتك بيها واطلع غير الزيت .... وبنسبة كبيرة ايضا السيور اكيد ماحصلهاش حاجة

انا اتوقع فقط اذا ما كنتش رافع العربية على قواعد والسيارة متوقفة على عجلها ان لم يكن الهواء تسرب منها ان يكون الاطار اكتسب شكل

مقوس من ثقل العربية اما اذا كان محتفظ بالهواء فاكيد مش هيحصلوه حاجة لان العمر المتوقع للاطار حوالى 5 سنوات

الموضوع فى منتهى البساطة ومش محتاج قلق ولا سحب السيارة وخلافه

وانا معاك فى اى استفسار.

**mohamed ali** · 30-06-2009 10:28 PM

انا حالتى كانت زيك بالضبط وكلامي بناء علي اتصال بالتوكيل وتجربه
انا كنت حاطط خشب تحت العربيه فا ماكانش فيه اي مشكله في الاطارات حتي الضغط كان مضبوط
بالنسبه للبطاريه فالمفروض انها تشتغل علي حد كلام التوكيل انا كنت اتصرفت في البطاريه وعلي فكرة بطاريه السيراتو 55 امبير و معكوسه تمنها في التوكيل 1100حنيه انا اشترتها ب 380 ج وكورى ماركة اطلس
بلنسبة للسيور والحجات التانيه مفيش اى مشاكل ان شاء الله بس اهم حاجه بص علي مستوي الزيت والمياه ودور عربيتك واتكل علي الله بس اول مشوار تعمله لازم تروح التوكيل علشان تغيير الزيت وتعمل الصيانه بالمره مش شرط انك تكون كملت ال5000
ممكن تمشى بالعربيه عادي من غير ما تغير الزيت يعني لحد التوكيل مثلا بس ما تعملشى بيها 1000 كم دا كلام مهندس الصيانه لى
ترجع بالسلامه ان شاء الله واى استفسار انا تحت امرمك

**wildeagle** · 30-06-2009 11:48 PM

المشاركة الأصلية كتبت بواسطة mohamed ali

انا حالتى كانت زيك بالضبط وكلامي بناء علي اتصال بالتوكيل وتجربه
انا كنت حاطط خشب تحت العربيه فا ماكانش فيه اي مشكله في الاطارات حتي الضغط كان مضبوط
بالنسبه للبطاريه فالمفروض انها تشتغل علي حد كلام التوكيل انا كنت اتصرفت في البطاريه وعلي فكرة بطاريه السيراتو 55 امبير و معكوسه تمنها في التوكيل 1100حنيه انا اشترتها ب 380 ج وكورى ماركة اطلس
بلنسبة للسيور والحجات التانيه مفيش اى مشاكل ان شاء الله بس اهم حاجه بص علي مستوي الزيت والمياه ودور عربيتك واتكل علي الله بس اول مشوار تعمله لازم تروح التوكيل علشان تغيير الزيت وتعمل الصيانه بالمره مش شرط انك تكون كملت ال5000
ممكن تمشى بالعربيه عادي من غير ما تغير الزيت يعني لحد التوكيل مثلا بس ما تعملشى بيها 1000 كم دا كلام مهندس الصيانه لى
ترجع بالسلامه ان شاء الله واى استفسار انا تحت امرمك

الف شكر أ / محمد على ردك و ربنا يسهل انشاء الله أول ما انزل مصر اطلع على التوكيل ،،، و أي طلبات من هنا أنا في الخدمة ، و مرة تانية شكراً جزيلاً