الموضوع: الكرباتير والانجكشن

الافضل في توفير البنزين هو الانجيكشن بيفرق في الادا حوالي 20-30 كيلو في الصفيحة عن الكاربراتير
موجود بس في الادا فوق 2004 لكن صيانتة صعبة شوية و محدش بيفهم فية زي الكاربراتير

اولاً العقل بيقول ان الانجكشن اوفر و انظف و اريح من الكربرتير....
اولا اوفر في الوقود .... عمر المحرك اطول(مواتير الانجكشن متوسط عمرها 160,000 مع المحافظه على الصيانه الدوريه و احتمال اكتر) اما الكربراتير اقل توفيراً... عمر اقصر (لو هتتنطط مش هتعدي 130,000).....
اما بالنسبه للادا دا موضوع شائك....
بالنسبه للصيانه الكربراتير اسهل و قطع غيار ارخص مييت مره.... و مبتاكلش بنزين.
المشكله هنا فيين؟؟؟ ان لادا عملت ناصحه و ركبت نظام الحقن الالكتروني على نفس الموتور القديم.
النتيجه الاتي (دا من بق ناااس كتير اوي في توكيل لادا و مهندسين والله):
اولا نفس العمر الافتراضي مع ارتفاع نفقات التشغيل (طبعا قطع غيار اغلي و مش اي حد بيصلحها)
ثانيا: صوت المكنه بغيض ... عمرك ما تحس انها انجكشن.
ثالثا: دا الاهم الانجكشن نازل روسي فقط و بتسحب بنزين اعلي (220 في الصفيحه بمقابل 260 للكربراتير) طبعا غير ان الروسي معروف انه بيسخن (المصري عداد الحراره عمره ما بيعدي المنطقه البيضاء الا في السريع فوق 100 اما الروسي العادي بتاعه المؤشر بيبقا في نص العداد اي المنطقه الخضراء).
لو بصيت هتلاقي الكربراتير احسن بالنسبه للأنجكشن و دا غير المنطق خالص هههه...
ودي الحقيقه عشان لادا كل اللي عملته اعادت احياء فقط لا تطوير....
رغم كل دا انا عاشق للادا
يا رب اكون افدت

[quote=x_gomgom;934795: دا الاهم الانجكشن نازل روسي فقط و بتسحب بنزين اعلي (220 في الصفيحه بمقابل 260 للكربراتير) طبعا غير ان الروسي معروف انه بيسخن (المصري عداد الحراره عمره ما بيعدي المنطقه البيضاء الا في السريع فوق 100 اما الروسي العادي بتاعه المؤشر بيبقا في نص العداد اي المنطقه الخضراء).
لو بصيت هتلاقي الكربراتير احسن بالنسبه للأنجكشن[/quote]
موضوع ان سحب ابنزين في الاتجيكشن اعلى في لادا صعب شوية دة عن تجربة على الاقل كانوا يوقفوا ينزلوها في الموديل اللي بعدة العربية فعلا بتوفر 20 كيلو في الصفيحة

هي بتعمل معاك كام في الصفيحه تقريباً؟؟؟
برجاء اللإفاده... و شكرا مقدما

لا انا معايا ال95 القديم بتعمل معايا 200 كيلو في وسط البلد و 260 على السريع لكن بالنسبة للانجيكشن كنا مسافرين الاسكندرية بعربية واحد زميلنا و عملت 300 كيلو في الصفيحة يومها و مكنتش مصدق الرقم دة في 2107 الانجيكشن فعلا موفر في لبنزين لكن صعب جدا في صيانتة و جايز لسة مظهرتش عيوبة في الادا عشان يعتبر نسبيا جديد في مصر

اشكركم جميعا على الردود

هي بالفعل كدا موفره جداً و دا رقم قياسي بالنسبه ل 1600....
بس حكايه صعوبه الصيانه دي مشكله....

كنت عايز أسئل عن اللادا الروسى الزيرو هل يوجد منها انجكشن وكاربراتير يعنى هل فى امكانية انى أختار ما بين الانجكشن أو الكاربراتير لانى أنا كنت عايز روسى زيرو كاربراتير يا ريت يا شباب أجد رد وافى عن الموضوع دة لانة مهم جدا وجزاكم الله خيرا