درويش: رسالة قصيرة على محمول سائق السيارة تعلمه بتسجيل مخالفة مرورية له فور ارتكابها

**mahfouz1983** · 29-06-2009 03:57 PM

ثمن الدكتور أحمد درويش وزير التنمية الادارية جهود الأجهزة المعنية بوزارة الداخلية فى حل المشكلة المرورية والحد من حوادث الطرق التى تحصد أرواح الاف المواطنين سنويا، مشيرا الى أن المشكلة المرورية أصبحت قضية أمن قومى تفرض نفسها على المجتمع المصرى.وأكد الدكتور درويش أن وزارة التنمية الإدارية تقدم المعونة والخدمات الاستشارية للعديد من الجهات والوزارات، ومن بينها وزارة الداخلية والإدارة العامة للمرور بهدف خلق منظومة مرورية متكاملة.
واستعرض وزير التنمية الادارية الجهود التى قامت بها وزارة الداخلية بالاشتراك مع الوزارة فى تطوير المنظومة المرورية، حيث بدأت الجهود بتركيب كاميرات مراقبة فى الميادين والطرق الرئيسية الهامة وربطها بغرفة عمليات مركزية، الأمر الذى ساعد على الوقوف على حالة تلك الميادين والطرق بشكل مستمر وتحديد نسبة السيولة المروية بها، بل وأيضا امكانية ارسال رسائل للواطنيين عبر أجهزة الآعلام المختلفة سواء الاذاعة أو التليفزيون بالمسارات البديلة فى حالة وجود كثافات أو حوادث مرروية ببعض الطرق.
وتابع درويش أنه يتم حاليا تحديث مركز بيانات المرور وإضافة وحدات تخزين جديدة لتغطية كافة الوحدات المرورية على مستوى الجمهورية، مما سيؤدى الى تحليل تلك البيانات ومعرفة أنواع المخالفات الأكثر حدوثا وأماكن ارتكابها والوقوف على أسبابها، وبالتالى وضع حلول لضمان عدم تكرارها.
وأعلن وزير التنمية الإدارية عن قرب إطلاق خدمة بالتعاون بين الوزارة ووزارة الداخلية وأحد شركات المحمول لرسال رسالة قصيرة لقائد المركبة على هاتف المحمول تعلمه بتسجيل مخالفة مرورية له فور ارتكابه لها ، مما سيشعر المواطنين بمدى صدقية رجال المرور ويمنع اللغط بالنسبة لتسجيل المخالفات المرورية، خاصة بعد بدء أجهزة وزارة الداخلية فى استخدام آلات وأجهزة حديثة لتسجيل المخالفات اليكترونيا.

**Imhotep** · 29-06-2009 04:38 PM

اه عشان العكننة تبقى فورى برضه مش تتأخر لغاية ما تدور انت عليها..... يالله تجزئة البلاء و لا وقوعه كله برضه.....

**M.almaghraby** · 29-06-2009 04:52 PM

والله موضوع الرسالة دا كويس

بس لو فيه تظلم

**احمد عز** · 29-06-2009 04:58 PM

انا اول ما اريت الخبر موت على روحى من الضحك فكرنى بكلمنى شكرا اما تعمل مخلفه حيبعتولى رساله وطبعا كله بحسابو

**الطنطاوي** · 29-06-2009 05:12 PM

فكرة كويسة

وموجودة في معظم بلاد العالم عن طريق الاشتراك في الخدمة

الخدمة ممتازة وأعتقد إنها هتقلل من الظلم اللي بيحصل على الناس من المرور

وكمان تدفع الواحد إنه يقلل من مخالفاته لما يلاقي المخالفات بتيجي له بمجرد تسجيلها

**amrico** · 29-06-2009 05:31 PM

وعشان اللي بيعرف يتصرف ويشيل المخالفات بطرقه الخاصة يخلصها فوري برضه
وعلى فكرة اتوقع اشتغالات كتير هاتحصل من الشباب على حس الموضوع ده وهاتلاقي رسايل من ارقام مجهولة وprivate بتشتغل الناس بالمخالفات

**ecybrarian** · 29-06-2009 10:27 PM

ماقلش سنة كام يتنفذ الكلام ده؟؟؟

**mido777** · 29-06-2009 11:10 PM

كلام حلو

بس وانت ماشى بالعربية وعملت مخالفه "كسر اشارة مثلا" حتجيلك رسالة ...
حتيجى تمسك التليفون علشان تشوفها حتلاقى جاتلك رسالة تانية فى نفس اللحظة "مخالفة استخدام المحمول "

وسلملى على قانون المرور

**M.Osman** · 30-06-2009 01:23 AM

..كلام فارغ..

ما ينظموا المرور الأول!!

قصدي.. ما يعملوا مرور زي دول العالم الأول

بيدوروا على حاجة يداروا بيها الفشل و خلاص

**speed demon666** · 30-06-2009 05:08 PM

الموضوع ده طبقوه في الامارات على حسب ما سمعت من واحد صاحبي جه في الشتا اللي فات , بس هو فعلا لازم الاول يعملو نظام و بعد كده يحطو الزيادات مش أي حاجه تيجي في دماغهم يعملوها و خلاص و أي عك في أي حته