ربنا يعينك ويشفيلك الوالدة
عرض للطباعة
ربنا يعينك ويشفيلك الوالدة
ربنا يعينك يا باشا ويقدرك تكملها
تصدق بالله انا مستلم الأرض في نفس المكان بعد مزلقان الزفت ده بقالي شهر ونص تقريبا ورحت شوفت الأرض مره واحده بس ساعة الاستلام وطبعا رزعتلي ال 3 كيلوا مشي في الصحرا انا ووالدي واخويا مآساه بكل معني الكلمه والله ياجماعه مهما نوصف مش هاتتخيلوا بشاعة الموقف هناك حتى ان العربيات مش بتقدرش تخش
المزلقان ده منحدر بشكل بشع لدرجه ان عربيه نقل محمله زلط كانت هاترجع بظهرها على كل اللي وراها
دا انا قلت اهدى شويه جايز بعد شهر ولا شهرينتكون الدنيا ظبطت شويه واعرف اوصل بالعربيه لحد جوا بس واضح ان مافيش امل
بس عارف على كلامك ده انا احسن حاجه اني ادي لمقاول ال 65 هو بقى يبني ويجيب العمال ويعمل كل حاجه وانا اروح استلم بدل الهم ووجع الدماغ ده
قال ابني بيتك قال فعلا اللي بيحصل ده حرام وسرقه ونصب علني الأرض في وسط الصحرا متباعالك متر الأرض ب 70 جنيه صحرا ياناس اللس طلعت مصطفى وغيره خدوها ببلاش عشان هما بيعملوا مشاريع للبلد ده غير تكلفة البنا اللي تقريبا مضروبه في الضعف كل ده لمصلحتنا طبعا
وهناك المهندسين بيقولوا الطريق مش هايتمهد قبل سنه على الأقل انا محتار والله ومش عارف اعمل ايه خاصة ان تكاليف البنا مش جاهزه معايا ومش هاتجهز الا مع انتهاء مهلة المرله الأولي
حسبنا الله ونعم الوكيل في كل مسئول اخترع الإختراع الغبي ده حسبنا الله ونعم الوكيل في كل موظف من موظفي الجهاز بيتعاملوا معانا كأنهم بيتفضلوا علينا فعلا معامله اقل ما يقال عنها طين
كل ده وانا لسه ما بدأتش أمال لما ابني بأه هايحصل ايه مش عارف
طب معلش حضرتك اية اللي يخليك تروح تاخد ارض في مكان بعيد زي دة؟ انت هاتدفع تعب ومصاريف اد اللي هاتستفيدة من المباني دي اضعاف مضاعفة
الصبر .. الصبر .
مفيش حلاوة من غير نار .. وكمان علشان تعرف وتتحاكي بعد كدة بالمكان كان عامل ازاي وقيمته غاليه قد ايه عندك
السلام عليكم و رحمة الله و بركاتهعلى فكرة انا بعرض عليك مشكلتى علشان اللى يشوف بلوة غيره تهون عليه بلوته.
احنا هنا فى مدينة دهب عندنا نفس المشروع الفاشل بتاع ابنى بيتك و قدمنا فى المشروع ده بس المحافظة تكرمت و قالت اننا مغتربين و مش من ابناء المدينة فمش من حقنا الانتفاع بالمشروع ده ؟؟؟؟
على العموم اشترينا المشروع من البدو بسعر 100 ألف جنيه و بعد ما اشترينا قامت المحافظة الموقرة لحد وقتنا الحالى بوقف التراخيص ......
يعنى سعادتك زود على كل اللى قلته مبلغ 100 ألف جنيه مع ايقاف التنفيذ + الخامات فى دهب (600 كم) + مفيش صنايعية.
على العموم الحمد لله على كل شئ.
سياسة تحطيم الامال وانتهاك الامل
ويقولك انتماء ووطنية
وتشرب من نيلها وبتاع بامارة ايه
الواحد يضحى بنفسه علشان شوية تيت وولاد تيت
ان مع العسر يسرا
اصبر و احتسب و استرجع
عسي أن تكرهوا شيئا ويجعل الله فيه خيرا كثيرا
و أبشر بالفرج القريب
مذكرات يوم الثلاثاء
الساعة 7 صباحا نزلت روحت الموقع علشان اوصل العمال
كل مواد البناء اللى دافع ثمنها منزلتش
الخلاطة مش موجوده
الساعة 10 بدأت الدنيا تتحرك
ذهبت لشغلى فى شارع السودان ومنه الى الهرم ومنه الى الموقع مره اخرى الساعة5 ونبدأ الحكاية
انا رايح ومتأكد ان الناس خلصت وهايقولوا الكلمه المقرفة المعتاد اسمعها - فين الشاى بتاعنا
فوجئت ان القواعد اتصب منها 40% فقط
ايه يا جماعة ايه اللى حصل؟؟؟؟ اصل المون جت متأخره يا بشمندس
طيب شدوا حليكم شوية
المون ناقصة يا بشمهندس !!!!!!!!!!!!!!! نعم
انا عارف انه بيتنصب عليه فى 20% من المون وعليه بأشترى المون ازيد 30% يبقى ايه الحكايه؟؟؟؟ على العموم ماشى
الساعة 6 احاول اجيب مون منفعش عايز اسمنت
المهم اتصرفت وجبت الاسمنت طن الا ربع
شوية الميه خلصت يا بشمهندس وعايزين اسمنت تانى
الله يخرب بيتكو اجيب منين الساعة 7 اسمنت وميه
المهم يا بشمهندس تتصرف وبالمره هات نص متر زلط
انا اسف مش هاقدر اقول كان ردى ايه
المهم روحت على اقرب شونة اسمنت مفيش ولا حد فيها والحمد لله اخدت الاسمنت من غير اذن الراجل - ايوة سرقة
والزلط اخدته من جارى اللى مش موجود - فعلا سرقة
والميه اخدتها من جارى التانى اللى هايصب بكرة الصبح - عرفنا انها سرقة
غدا ان شاء الله الساعة 7 صباحا هارد الحاجة ديه للناس ولازم هاعرفهم انا عملت ايه - وكان ايه السبب
بالنسبة للأسمنت نقلته على ظهرى مسافة تقريبه 400 متر فى قلب الرملة - يا ريت حد يجرب يشيل 50 كيلو مسافة 400 متر فى اى طريق ويحكى لى احساسه ايه
بالنسبة للمية نقلتها من تانك جارى الى التانك الخاص بى على بعد مسافة 100 متر عن طريق 2 جركن حمولة الجركن 20 لتر ده طبعا والعمال بتتفرج عليه
صعبت على واحد فيهم وهو اللى نقل الزلط
المهم خلصت الفرح ده الساعة كام؟؟؟؟؟؟؟؟؟؟ الساعة 9:00 مساءا وانا خارج والحمد لله دوست على خشبة فيها 3 مسامير والحمد لله دخلوا فى رجلى كما ينبغى
فى حاجة غريبة جدا حصلت وانا خارج كنت ماشى لواحد فى الصحراء والظلام (فاكرين ضعف النظر اللى كلمتكم عليه) توهت كذا مره ووقعت كذا مره - الغريبة ان كل لما اقابل حد كان بيبعد عنى بسرعه ومش بيبص لى حتى//// بالاضافة ان فعلا الظلام الدامس بالاضافة لبعض العمال المقيمين فى الموقع اللى تقريبا لا يزيدوا عن 20 واحد فى الموقع بالكامل النار اللى بيولعوها حولوا المكان لمقبره كبييييييييرة - كئيبة - مقرفة //// كل شوية كان نظرى يروح ناحية العمران والانوار وفجأه الاقى نفسى بقع فى حفره أو باخبط فى تلة رمل - سبحان الله حاولوا تفهموا المعنى
فاكرين المعلم بطيخة اللى تعب وخلنا نروح كلنا بدرى وقال هايعوضها لى - الراجل عمل الواجب وطلب منى ضعف اليومية على اساس انها سهرة
والله العظيم انا عندى شقتى وعندى زوجتى وأولادى والحمد لله ربنا سترنى - نفسى اعرف انا باعمل كده فى نفسى ليييييييييييييه؟
اختى صرفت اكتر من 50000 لحد دلوقتى ولسة فى الدور الارضى ويادوب بنيته وقسمت من جوة وبس وركبت النجارة وبس
ومش ناوية تعمل اى حاجة تانية غير انها تشطب من برة عشان الشكل الخارجى وبس
ده قمة الاستهتار حتى المياة اللى بيستعملوا فى البناء كانوا بيشتروها من العرب العربية ب 200 جنيه
والمفروض دلوقتى يعملوا السباكة يدوروا عالبلاعات العمومية يقولولهم فى الجهاز واحنا مالنا احنا كنا عاملينها وتلاقى العرب ردموا عليها اعملوها انتوا على حسابكوا
حرام بجد اللى بيتعمل فى الناس ده