حصار التوك توك

**ecybrarian** · 17-10-2007 01:47 PM

سيبك انت يا ابو نورا. انا بصراحة عاجبني اسلوبك في الكتابة. انت قادر على تصوير ما تراه بالكلمات كأنني شايف ما تكتب. سبحان الله. هو انت كنت ناوي تطلع كاتب بس الدنيا لطشت معاك 8)

**tutankhamoun** · 17-10-2007 04:41 PM

المشاركة الأصلية كتبت بواسطة Heshaam

المشاركة الأصلية كتبت بواسطة Abonora

يعني 7 اصوات بتطالب باعدام التوك توك و3 متعاطفة معاه وديه نتيجة معبرة لان التوك توك فعلا سلبياتة اكتر من ايجابياتة بس كلنا متفقين انها مشكلة نظام مرورى اكثر من كونها مشكله توك توك

هو المفروض اللي يتعدم صانعو القانون ومطبقوه - إذا وجدوا.

كل دول العالم فيها أتوبيسات وميكروباصات وتكاتك وتريسيكلات وسيارات على مختلف الأشكال والأنواع بس مش كلهم عندهم نفس المشاكل ديه

كل ديه أدوات إحنا اللي ممكن نختار من بينها اللي يناسبنا وندع ما لا يناسبنا؛ واللي يناسبنا ده برضه نحدد كيفية الطريقة اللي نستفيد بها منه في ظل ظروفنا

يا أخي مفيش دول متقدمة فيها ميكروباص و توك توك و تريسكل كوسيلة مواصلات و الدول التي يتواجد بها هذه الأنواع من وسائل المواصلات هي الدول النامية ذات الكثافة السكانية المرتفعة و المتزايدة و التي لا يلاحقها تطور مماثل أو قلة في الثروات ....... و هذه الدول مثل مصر و الهند و تايلاند و الفلبين .... و غيرهم من الدول التي تتميز بالكثافة السكانية العالية .......... فمثلا في أوروبا وسائل المواصلات تتلخص في الآتي السيارات الخاصة ..... القطارات ... قطارات الأنفاق --المترو -- و الأتوبيسات ---- التاكسي ...... فقط لا غير
لا يوجد هذا العك إلا في الدول النامية و المتخلفة مثل مصر ...
ثم أن التوك توك هذا ليس آمن على الاطلاق ....... ووسيلة مواصلات بشعة الشكل و المنظر

**Heshaam** · 17-10-2007 05:15 PM

لغاية ما نصبح دولة متقدمة هنضطر آسفين إننا نتعايش مع التكاتك والميكروباصات وما شابهها

وإنما ده ما يمنعش إن إحنا نتصرف بنظام مع الوسائل الأقل تقدما ديه

التوك توك والتريسكل مثلا، أنا بشوفهم هنا في الفلبين - إحدى الدول النامية برضه - عملي جدا؛ ليهم أماكن إنتظار محددة عند مداخل المناطق السكنية وواقفين بنظام وكل واحد عليه لوحات معدنية معتمدة قدام وورا؛ وعمرك ما تشوفه على الطريق الرئيسي إلا إذا كانت لوحاته خاصة - وده قليل. فبالتالي في الحالة ديه إستخدامه ميزة وليس عيب وللغرض اللي صمم ليه أساسا

لو جينا لمصر؛ نجده مثالي جدا في المناطق الشعبية بحاراتها الضيقة والمناطق الريفية برضه اللي مينفعش فيها تاكسيات أو عربيات نقل جماعي.... إنما تلاقيه جنبك في الشوارع الرئيسية وطرق السفر من غير أي بيانات تميزه وراكبه أطفال واستهتار بحياة الناس - ركاب ومشاة على السواء - ده هو التخلف والعك بعينه.

وممكن نلاقي أمثلة كتير توضح إن المشكلة عندنا في مصر هي إزاي نستخدم المناسب لينا وبنظام مش في وجود الشئ نفسه - وهو ده قصدي.

**tmz9111** · 17-10-2007 05:17 PM

المشاركة الأصلية كتبت بواسطة casperinoo

هي مش مشكلة توك توك هي مشكلة نظام

**3mr Farrag** · 17-10-2007 05:36 PM

علي فكره ده لما يترخص هيبقي مصيبه اكتر
هتلاقي ماشي في الشوارع الرئيسيه .......و انا ساكن في فيصل و ما ادراك بهذا الخن مش مش الشارع......دانا بكسل انزل اروح في حته بسبب الشارع الزفت ده.....
و من اهم مميزاته الركنه صف عشرومايه......
و لا بقي سواقين الميكروباص الفولكس
اروش برنسات و نجوم في بلدك.....و يركبوا السوند السيستم الروش و يوعد يجري و يلزق في العربيات و حاجه زفــــــــــــــت....
و تقولو توك توك.......دي تبقي مهزله لو طلعت علي فيصل و الهرم
:twisted: :twisted: :twisted:

**P_R_I_N_C_E** · 17-10-2007 06:41 PM

المشاركة الأصلية كتبت بواسطة casperinoo

هي مش مشكلة توك توك هي مشكلة نظام

+1

**mtema99** · 17-10-2007 07:01 PM

لغاية ما نصبح دولة متقدمة هنضطر آسفين إننا نتعايش مع التكاتك والميكروباصات وما شابهها

NO WAY

**Akram** · 18-10-2007 11:48 AM

في المناطق الشعبية تلاقي التكاتك ماشين عكس و موقفين الشارع و لما تسألهم إنتوا ليه ماشيين عكس ليه , يقولك أمين الشرطة هيسحب التوك توك لو مشيت عدل يبقى مفيش غير إننا نمشي عكس و نلف قبل أمين الشرطة..
على فكرة هو جمع توك توك يبقى تكاتك و الا ايه :roll: