عرض للطباعة
السلام عليكم
كنت بفكر أغير و اجيب بيجو موديل تاني زي 405 او 307 ، فكنت بفكر و اشوف عربيتي البيجو 305 لو تتباع ، تتباع بكام دلوقتي ؟
مع العلم أنها متظبطه كدهان و كفرش و كموتور ، و العربيه مصروف عليها مش لأنها وحشه ، و لكن كترفيه ليا ، و مع العلم انه متغيرلها بطارية جديد ، و مارش ، و مساعدين فرنسي أصلي ، و متغير لها قطع غيار اصلي فرنسي جديده
11 او 13 الف
11 متهيقلى
لو مش محتاجه اي مصاريف يبقى من 13 ال 15
ياااااااااااه بس !! ، ده انا شاريها من 4 شهور ب 16 ألف و صارف عليها حتي 21-23 ألف جنيه علي ما أتذكر !! :d
قدامي عربيه 80 فبريكه بس عايزه شوية شغل في حدود 5 الاف جنيه
العربيه دي علي 7 الاف جنيه
لو جبت 13 هوقفك مع صاحبها وهيا بتتشد و تختار الي يعجبك لون الفرش ولون البويه لو عايز تغيره واي حاجه حابب تعملها وهيا بتتشد بالمره هتتعمل
والعربيه هتطلع عروسه
ياااه هي الأسعار نزلت للدرجه دي ، ده انا كنت بفكر بس مش اكيد يعني اني ممكن ابيع العربيه ، بس لو اتباعت علي الأسعار دي هخسر كتير اوي
بس أكيد حضرتك زي ما اتصدمت بالسعر اللي جاي لعربيتك هتتفاجئ بالسعر اللي هتشتري بيه الـ 405
وربنا يوفقك .
ممكن تعرض لنا صورها
العربية موديل كام ولونها ايه؟
العربيه موديل 79 ، لونها نبيتي غامق ، مدهونه جديد ميتالك فرن ، من شهر 2 اللي فات
الصور ان شاء الله هبقي ارفعلها صور ،
بخصوص السعر فانا متعجب اوي من سعرها كده !! ،
متستغربش احنا اصلا فى بلد العجائباقتباس:
المشاركة الأصلية كتبت بواسطة p305
انت بتقول من 4 شهور و هتخسر فيها حوالى 3 ألاف أو فى الحدود دىاقتباس:
المشاركة الأصلية كتبت بواسطة p305
عايز أقولك أن اليوم الواحد بيفرق فى عملية البيع و الشرا
أحسنلك خليها معاك لأنها عربية محترمة و سعرها مناسب و لو فكرت تبيعها صدقنى هتبيعها بالكتير أوى بـ13 مهما كانت التعديلات إلى فيها
و رزقك بقى على الله
صديقى العزيز
عايز أعرف منك أسعار قطع الغيار الجديد للعربية 305 وهل موجود ولا لأ ولو موجودة اشتريها منين.
لأنى اسمع من ناس كتير ان قطع غيارها عزيزة أوى ، وكنت بفكر اشتريها بس كتير نصحونى اشوف حاج تانية
من رائى العربية دى احسن من فلوسها ... حرام تبيع العربية دى بالسعر ده
بردوا ال 504 سعرها نزل جاااااااااااااامد بس هنعمل ايه هى احسن من الفلوس ...
هات عربية تانية يا باشا وربنا يوفقك فيها .... بس خلى العربية دى معاك
يا ريت صور للعربية عشان نشوف