-
ده يتوقف على هاترجع الساعة كام .. لو هاترجع قبل الساعة 3
تاخد طريق مصر الاسماعيلية في اتجاه العودة حتى تقابل كوبري الهايكستب
تلف من تحت الكوبري في اتجاه الذهاب مرة أخرى
بعد حوالي 2.5 هاتخش يمين من عند موقف العاشر وخلي بالك الدخلة مش واضحة لكن هاتميزها بقرب كوبري المشاه العلوي .. ووجود ميكروباصات كثيرة جداً .. هتحس إنك داخل موقف الميكروباص مش مهم .. هو ده المدخل الحقيقي .. وهتكمل في طريقك إلى الدائري بسهولة ..
في حل تاني لو جاي قبل الساعة 2 .. اتبع الوصفة السابقة واطلع كوبري الهايكستب .. ولف من أول يو تيرن بعد الكوبري (هتلاقيه بعيد شوية ) .. وبعدين كمل بجوار سور المطار وكمل تاني من جنب مطلع الكوبري وخش الشارع اللي في مواجهتك (هتلاقي إعلانات عن توكيل مودرن موتورز بتاع نيسان وسوزوكي ) امشي في هذا الشارع بحرص شديد لأنه اتجاهين .. في النهاية هتلاقي نفسك على الطريق الدائري أمام محطة أحمد جلال في اتجاه العودة ..
لو جاي بعد الساعة 3 مفيش قدامك غير طريق واحد هيكلفك 18 كم زيادة للأسف .. وهو إنك تنزل نفق العبور كأنك رايح الاسماعيلية .. (حوالي 10 كم ) ثم تدخل دخلة مدينة الشروق لتقطعها عرضاً( حوالي 8 كم ) هتلاقي نفسك على طريق السويس .. كمل فيه لحد الكمين بعد الكمين باتنين كم هتلاقي الدائري بقى فوقك .. حضن يمين بحرص وبعد ما تبقى تحت الدائري هتلاقي المطلع على يمينك مباشرة اطلع وكمل على الدائري .. هتلاقي نفسك على بعد 3 كم من نفق التجمع الأول ..
نصيحة أخوية : هتلاقي حد يقولك خش الدائري ولف وارجع .. متعملهاش .. ليه
لأن أول منزل هيقابلك (مدينة السلام ) هايرجعك تاني لطريق الإسماعيلية ومش هايرجعك الدائري
وتاني منزل (مؤسسة الزكاة ) بعد حوالي 4 كم زي الزفت مكسر ومدشدش وحالته حال .. ده غير إنك هتشيل زحمة موقف العاشر ومدينة السلام على الدائري كمان ..
وتوصل بالسلامة
-
متشكر جدا:_Alshmokh22[1]::ask:,
انا قدرت افهم مدخل الدائرى من عند موقف العاشر و تقريبا هو ده
http://i40.tinypic.com/2zoym4j.jpg
و الطريق التانى بتاع سور المطار بردو جمعته من على جوجل.
بس كنت عايز اعرف بس حضرتك نصحتنى بالمواعيد دى علشان ايه؟! لو علشان الزحمه هل هى محتمله؟!
اصل انا عندى استحمل الزحمه بس اخد طريق ميتوهش!
Content Relevant URLs by
vBSEO 3.6.0 PL2