المعادى - مدينه العبور ؟!

**NFS** · 30-06-2009 02:45 AM

ياريت يا جماعه حد يفدنى ضرورى فى الطريق من المعادى لمدينه العبور ضرورى رايح مشوار مهم هناك يوم الاربعاء.
انا عارف انى هاخد اوتوستراد فى دائرى فى اتجه السويس و شفت الطريق على google earth بس حاسس انى هتوه ممكن حد يشرحلى علامات بس افرق بيها امتى هسيب الدائرى؟! و هو المشوار يتوه ولا ايه ؟! و هياخد وقت اد ايه بالعربيه ؟!

شكراٌ

**NFS** · 30-06-2009 03:23 AM

سوق العبور عند صنيه شركه امون

**Terrible_DaRsH** · 30-06-2009 03:43 AM

هقولك على الطريق اللى اعرفه و اكيد فى افضل منه .

انت تاخد الاوتوستراد لاخررررره و تكمل على طريق المنصة و تعدى عباس العقاد و اول مكرم و النادى الاهلى و تكمل على طووول .

هتطلع على اخر صلاح سالم تلف و تطلع كوبرى الهايكستب و تنزل و تفضل ماشي على طول , هتعدى على موقف العاشر و السلام و منطقة التجنيد بعدها ب 2 كيلو هتلاقى سوق العبور على شمالك .

و ممكن من الدائري كمان بس انا مليش فى الدائري بصراحة خصوصا ان فى نزلة للدائري قبل سوق العبور ب 4 كيلو او اقل بس المشوار هياخد وقت كبير جدا على فكرة .

**NFS** · 30-06-2009 05:34 AM

الفففففففففف شكر لحضرتك يا باشا, بس الصراحه انا مش متخيل الوصفه بتاعت حضرتك علشان نادرا لما بروح مدينه نصر و اخرى سيتى ستارز, فخايف لحسن اتوه فيها و بعدين ده اول يوم تدريب و مش عايز اروح متاخر, انا بنسبه لى عارف طريق الدائرى بس مش عارف النزله و خايف تتوه منى تبقى حوسه.

**ahmedhilmy** · 30-06-2009 06:07 AM

المشاركة الأصلية كتبت بواسطة Terrible_DaRsH

هقولك على الطريق اللى اعرفه و اكيد فى افضل منه .

انت تاخد الاوتوستراد لاخررررره و تكمل على طريق المنصة و تعدى عباس العقاد و اول مكرم و النادى الاهلى و تكمل على طووول .

هتطلع على اخر صلاح سالم تلف و تطلع كوبرى الهايكستب و تنزل و تفضل ماشي على طول , هتعدى على موقف العاشر و السلام و منطقة التجنيد بعدها ب 2 كيلو هتلاقى سوق العبور على شمالك .

و ممكن من الدائري كمان بس انا مليش فى الدائري بصراحة خصوصا ان فى نزلة للدائري قبل سوق العبور ب 4 كيلو او اقل بس المشوار هياخد وقت كبير جدا على فكرة .

الطريق كده تمام

**NFS** · 30-06-2009 06:10 AM

طب حضرتك متعرفش هلاقى اليافطه الى عند النزله بتاعت الدائرى مكتوب عليه ايه؟! يعنى طريق ايه ؟!

**Terrible_DaRsH** · 30-06-2009 06:32 AM

النزلة بتاعت الدائري عند موقف العاشر بالظبط ( طريق مصر \ اسماعيلية ) مش عارف اسمها بالظبط والله لانى مبستخدمش الدائري .

**NFS** · 30-06-2009 06:39 AM

الفف شكر, هو ده الى كنت عايز ياعنى وانا على الدائرى انزل نزله طريق مصر اسماعليه بعديها بكام كيلو يبقى سوق العبور على شمالى, الله يباركلك, جزاك الله خير.

**د.أحمد سمير** · 30-06-2009 07:16 AM

بص نزلة طريق الإسماعيلية من الدائري مميزة جداً
أولاً الطريق عندها بيضيق جداً وبيرجع لحاله قبل التجديد
ثانياً بعد نزلة السويس هتلاقي يمينك صحرا .. أول ما تلاقي مبنى وبوابة مكتوب عليها محطة أحمد جلال العسكرية يبقى النزلة بعد كيلو متر واحد
وخللي بالك وانت بتنزل علشان النزلة ملفها جامد وأوارها مكسرة من العربيات النقل اللي بتتقلب من فوقها ..
وتوصل بالسلامة

**NFS** · 30-06-2009 08:23 AM

متشكر جدا على رد حضرتك, معلش هتقل على حضرتك بس و انا راجع اخد طريق مصر اسماعليه الاتجاه التانى و فى بعد كده u turn و مدخل للدائرى اتجاه كارفور ولا طريق الرجوع حاجه تانيه ؟!؟