نظرية فى الفرمله - دعوه للنقاش!

**zidaneelwaly** · 03-07-2009 12:40 AM

اه التالت بيجيب 120 في الافيو ازاي طيب ياريت ده من غير تكييف بجيب لغايت 90 ب التالت و العربيه صوتها بيبقا عالي جدا و الار بي ام لغايت 5 و لا انتو اصدقو بتجيبو 120 و هيا علي 7 ار بي ام ولا 8

**SeiffoZ** · 03-07-2009 01:10 AM

التالت إزاى يجيب 120!!!

إيه الإفترى ده حرام عليكم عربياتكم!!!
ده التالت عندى ماعداش ال70 فى حياته!!!

و التانى معداش ال50 فى حياته ..
و علطول بنقول الموتور صوته هادى!!

يخربيت الشد !! حرام عليكم بجد ... العربيات إشتكت!

ده انا على كده غلبان فى السواقة هههههههه

**mo7a_mo7a** · 03-07-2009 01:22 AM

يظهر ان حضرتك من القاهرة

في اسكندرية دي الطريقة المثلي للفرملة في المطر
وبيسموعا غير الاسكندرانية تسقيط نقلة
انما في اسكندرية دي الفرملة العادية

وبما اني من الاسكندرية
فمكنتش متصور ان في حد ميعرفهاش
لكن هي عموما بتسبب حمل شديد علي علبة التروس
لكن احيانا مبيبقاش في حل تاني
خصوصا في المطر
وليها اكتر من تكنيك في التنفيذ
ابسطهم
وانت ماشي علي الرابع مثلا دوس دبرياج وسنة فرامل وانقل للتاني وبعدين شيل رجلك من الدبرياج ودوس سنة بنزين علشان العربية متبطلش
حتلاقي العربية بيتمسك في الارض بشدة والعزم يزيد والسرعة تقل وتتجنب الانزلاق

**SeiffoZ** · 03-07-2009 02:26 PM

المشاركة الأصلية كتبت بواسطة motorizer

انا اللي فهمته من صاحب الموضوع إنه عايز يستخدم فرملة الموتور في المواقف الصعبة و الخطرة عشان يعزز فرملة الفرامل نفسها .

أعتقد إن ده عملياَ صعب لأن المواقف اللي زي دي بتبقي مبنية علي قرار بيتاخد في جزء من الثانية و بتنفذه في أقصي تقدير في خلال ثانية واحدة .. يعني الموضوع كله ثانية أو ثانيتين .. و فرملة الموتور مع ربكة إستخدام الفرامل نفسها هتاخد وقت أطول من كدة .. لذلك هي بيتم إستعمالها أساساَ في مواقف زي إن المطر يكون شديد و الأرض زلقة أو إن الفرامل سابت و عايز توقف العربية .

و أتمني مكونش فهمت غلط .

كلام حضرتك مضبوط ... بالدليل إن الفرامل و البنزين الرجل هى اللى بتستخدمهم ... مش الإيد ... و سرعة إستجابه الرجل أعلى بكتير ... (و فى طائرات الميج 17 كانت الصواريخ فى تطلق عن طريق القدم ) ...

أصل الموضوع ده هيفرق كتير لو تعرف تتقن الحركة دى ... أكيد فى حل غير إستخدام الفرامل فقط ...

**SeiffoZ** · 03-07-2009 02:28 PM

المشاركة الأصلية كتبت بواسطة mo7a_mo7a

يظهر ان حضرتك من القاهرة

في اسكندرية دي الطريقة المثلي للفرملة في المطر
وبيسموعا غير الاسكندرانية تسقيط نقلة
انما في اسكندرية دي الفرملة العادية

وبما اني من الاسكندرية
فمكنتش متصور ان في حد ميعرفهاش
لكن هي عموما بتسبب حمل شديد علي علبة التروس
لكن احيانا مبيبقاش في حل تاني
خصوصا في المطر
وليها اكتر من تكنيك في التنفيذ
ابسطهم
وانت ماشي علي الرابع مثلا دوس دبرياج وسنة فرامل وانقل للتاني وبعدين شيل رجلك من الدبرياج ودوس سنة بنزين علشان العربية متبطلش
حتلاقي العربية بيتمسك في الارض بشدة والعزم يزيد والسرعة تقل وتتجنب الانزلاق

كلام جيد ...

بس مش فى إطارات خاصة بالمطر؟؟ زى ما فى إطارات خاصة بالقيادة فى الثلج؟؟ ..

أكيد إستخدام الأسلوب ده من الفرمله هيضر العربية مع الوقت جامد زى محضرتك بتقول حمل على التروس ..

طب ليه مايستخدموش الإطارات دى؟؟؟

**د.أحمد سمير** · 03-07-2009 10:54 PM

المشاركة الأصلية كتبت بواسطة motorizer

انا اللي فهمته من صاحب الموضوع إنه عايز يستخدم فرملة الموتور في المواقف الصعبة و الخطرة عشان يعزز فرملة الفرامل نفسها .

أعتقد إن ده عملياَ صعب لأن المواقف اللي زي دي بتبقي مبنية علي قرار بيتاخد في جزء من الثانية و بتنفذه في أقصي تقدير في خلال ثانية واحدة .. يعني الموضوع كله ثانية أو ثانيتين .. و فرملة الموتور مع ربكة إستخدام الفرامل نفسها هتاخد وقت أطول من كدة .. لذلك هي بيتم إستعمالها أساساَ في مواقف زي إن المطر يكون شديد و الأرض زلقة أو إن الفرامل سابت و عايز توقف العربية .

و أتمني مكونش فهمت غلط .

كلامك صح يا محمود ..
لكن مع قدر كبير من الاحتراف ، وقدر أكبر من الوعي بمقدار الفرملة المطلوبة في المواقف الصعبة يمكن تعزيز استخدام الفرامل العادية بتسقيط النقلات بشكل سريع جداً ..
يعني لا قدر الله واحد ماشي على الدائري على سرعة 160 ولا 150 ، ولقى حادثة على بعد 100 إلى 150 متر .. لو داس فرامل مفاجئة ، وسقط للغيار التاني وشال رجله بسرعة من على الدبرياج وضرب فرامل جامدة مرة تانية هيلاقي العربية وقفت في حدود 60 متر ، والمتمرس بيقدر يعمل كدة من غير ما يكارك للفرامل علشان تمسك بسرعة رهيبة ..
أعتقد ده كمان ممكن يكون مقصود من التوبيك ..
على العموم تكنيك تسقيط النقلات محتاج تمرس عليه بشكل كبير ، ومعرفة كويسة بعربيتك ..
لازم تجربه عدة مرات علشان يبقى الموقف التلقائي عند حدوث الخطر ليستدعيه الذهن للجهاز الحركي لجسدك .. غير كدة مهما حصل في المواقف الصعبة مش هاتفكر ولا هاييجي على بالك تعمل حاجة غير هبشة الفرامل العفوية ..
تقبلوا جميعاً خالص مودتي

**eslam_wega** · 04-07-2009 02:51 AM

المشاركة الأصلية كتبت بواسطة relentless_mayhem

التالت إزاى يجيب 120!!!

إيه الإفترى ده حرام عليكم عربياتكم!!!
ده التالت عندى ماعداش ال70 فى حياته!!!

و التانى معداش ال50 فى حياته ..
و علطول بنقول الموتور صوته هادى!!

يخربيت الشد !! حرام عليكم بجد ... العربيات إشتكت!

ده انا على كده غلبان فى السواقة هههههههه

انا كان معايا ديهاتسوا ميرا فضلت معيا سنة وكانت بسوقها بالنظام دة
الاول 50 او 60
والتانى 80 - 85
والتلت 120
والرابع 140
الخامس بقا لو هتقفل وهى عدادها كان 160
وعمرها ما قالت حاجة
بالعكس العربية او ما جبتها كانت مكتومة شوية بس بعد كدا فتحت
وعلى فكرة الانسر بتجيب نفس الارقام دى وكمان الرينو كليو الى مع ولدى عشان دول التلاتة الى جربتهم
وكمان الارقام دى متعتبرش كبيرة الريس الهوندا ال 900 التالت بتاعة بيجيب 140 - 150 مستريح
بس الحق يقال السرعة فوق ال 140 قلق لان انت متعرفش ممكن حاجة تقطع عليك الطريق مرة واحدة او لا
ربنا يحفظ طريقنا كلنا

**SeiffoZ** · 04-07-2009 02:59 AM

المشاركة الأصلية كتبت بواسطة د.أحمد سمير

كلامك صح يا محمود ..
لكن مع قدر كبير من الاحتراف ، وقدر أكبر من الوعي بمقدار الفرملة المطلوبة في المواقف الصعبة يمكن تعزيز استخدام الفرامل العادية بتسقيط النقلات بشكل سريع جداً ..
يعني لا قدر الله واحد ماشي على الدائري على سرعة 160 ولا 150 ، ولقى حادثة على بعد 100 إلى 150 متر .. لو داس فرامل مفاجئة ، وسقط للغيار التاني وشال رجله بسرعة من على الدبرياج وضرب فرامل جامدة مرة تانية هيلاقي العربية وقفت في حدود 60 متر ، والمتمرس بيقدر يعمل كدة من غير ما يكارك للفرامل علشان تمسك بسرعة رهيبة ..
أعتقد ده كمان ممكن يكون مقصود من التوبيك ..
على العموم تكنيك تسقيط النقلات محتاج تمرس عليه بشكل كبير ، ومعرفة كويسة بعربيتك ..
لازم تجربه عدة مرات علشان يبقى الموقف التلقائي عند حدوث الخطر ليستدعيه الذهن للجهاز الحركي لجسدك .. غير كدة مهما حصل في المواقف الصعبة مش هاتفكر ولا هاييجي على بالك تعمل حاجة غير هبشة الفرامل العفوية ..
تقبلوا جميعاً خالص مودتي

تمام كده حضرتك فهمتنى !
بس تمرس و تمرين ... مش ده ممكن يكسر التروس؟؟؟

**د.أحمد سمير** · 04-07-2009 05:25 AM

كسر التروس بيحصل من التسقيط من نقلة عالية لنقلة واطية بشكل مباشر وسريع ..
يعني باختصار .. كل غيار ليه مدى بيتحمله ، وحسب مانت معود عربيتك هتلاقيها مطبعة على مدى لكل نقلة يعني لو قلنا التاني من 25 كم ساعة بيبقى على 2 آر بي إم لحد 60 كم ساعة بيبقى على 4 آر بي إم وده اللي عودت عربيتك عليه .. يعني لما بتعلى ولا بتنزل في حدود هذا المدى العربية لا بتكركر ولا بتسقف
يبقى ممكن تنزل من الرابع للتاني بسهولة مع الفرامل .. لأنه لو افترضنا إن مدى الرابع عندك من 75 يبقى لو الفرامل مسكت بشكل خفيف ده هايدخلك مدى الغيار التاني اللي أصلاً انت معوده على قبول سرعة 60 وطبيعي إن مؤشر السرعة هينزل بسرعة جداً لأن مفيش ضغط بنزين ، وطبعاً لو ساعدتها تاني بالفرامل هتلاقيها نزلت بشكل سريع إلى مدى الغيار الأول والتوقف ..

وده هو اللي كنت باقصده إنك محتاج تعرف عربيتك كويس ، وتتدرب على تسقيط النقلات في الحدود اللي انت معود العربية عليها في كل غيار علشان الفتيس مايتكسرش ..

تقبل خالص مودتي
لأننا لو افترضنا

-

الموضوع: نظرية فى الفرمله - دعوه للنقاش!

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

المسيحيين فى الاسلام مالهم و ما عليهم - دعوه مفتوحه للنقاش

تصورك للمرحله القادمه - دعوه مفتوحه للنقاش

ممكن تستغنى عن القايمه والمؤخر.دعوه للنقاش

دعوه للنقاش: مصطفي محمود من هو رجل عجيب(ام رجل علم متواضع)

الكلمات الدلالية لهذا الموضوع

المفضلات

المفضلات

ضوابط المشاركة