| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 20 1 2 3 4 5 6 11 ... الأخيرةالأخيرة
النتائج 1 إلى 10 من 197

  1. #1

    الصورة الرمزية NaderNabil

    رقم العضوية : 45

    تاريخ التسجيل : 18Apr2007

    المشاركات : 5,565

    النوع : ذكر

    الاقامة : المعادي..أخر الشارع

    السيارة: Logan A/T-Yaris HB HL

    السيارة[2]: Astra J Cosmo

    دراجة بخارية: NO

    الحالة : NaderNabil غير متواجد حالياً

    افتراضي سكودا أوكتافيا a5...سيارة تستحق الاحترام! - Facebook Twitter whatsapp انشر الموضوع فى :

    hasad">

    [frame="7 80"]
    تم اختيار هذا الموضوع كافضل موضوع لشهر مايو 2009
    [/frame]

    هنتكلم انهارده عن السيارة سكودا أوكتافيا A5 ....مبدئيا العربية بقلها معانا سنة بالظبط و عاملة تقريبا 30000 كيلو
    Nile Motors
    الأول نتكلم عن سبب الحروف A5 ديه: ده الPlatform المتوسط أو الشاسيه المتوسط اللي طارحته Volks Auto Group (VAG) و ده اللي بيضم السيارات الاتية: , GOLF 5, Seat Toledo, Altea, Leon, AUDI A3, AUDI TT, EOS, JETTA ..و ده معناه انو العربيات دي كلها بتحمل نفس قاعدة العجلات و العفشة والشاسيه و المواتير و معظم الأجزاء و التجهيزات الكهربائية من الكومبيوتر للتكييف الالكتروني....الخ

    ملحوظة: أوكتافيا A4 بينطبق عليها نفس الكلام في اشتراكها بنفس الأشياء مع GOLF 4>>>> الى اخره......و بترجع أول قاعدة عجلات بهذا الرقم المسلسل (A1) الى GOLF 1 Rabbit و من ساعتها و هما ماشيين بنفس التسلسل....طولنا أوي في الحتة دي :D
    Nile Motors
    هبتدى أتكلم عن كل حاجة في العربية و يارب منساش حاجة:

    أولا: الشكل الخارجي:
    Nile Motors
    السيارة من فئة الHatchback و دي معلومة يمكن ناس كتير ماتعرفهاش...و ده بيبان في طريقة فتح الشنطة (مش الحتة الصاج بس..لكن الازاز كمان معاها)

    Nile Motors
    مقدمة أكثر من رائعة تتميز بالوقار و العزة بالنفس...يعني تحس أما تبصلها أنك بتبص علي واحد واثق و معتز بنفسه جدا
    الرفارف الأمامية طالعة لفوق و واخدة المنطقة اللي فوق المصابيح كلها و دي ميزة أمانية في حالة الحوادث الأمامية


    Nile Motors
    جانب السيارة يمثل حلقة الوصل بين المقدمة و الخلفية و ده يبان في الخط الممتد من المصابيح الأمامية للخلفية و هو أيضا معبر عن شخصية السيارة القوية
    أما المؤخرة فتمتاز بالعرض و تحس انها عندها عضلات
    Nile Motors


    وجود الجنوط بيفرق كتييير في شكل العربية و مظهرها و خصوصا الجنوط ال 16 و ما فوقها
    Nile Motors
    الصاج قوي جدا جدا جدا فوق الوصف و قفلة الأبواب فعلا ماشوفتش زيها غير في
    المرسيدس...بس فيها عيب ان لو الازاز مفتوح و قفلت الباب بيبقى صوتو عامل ذي ال 127 بتاعتي علشان الازاز بيبقي بيلوق جوة الباب.
    Nile Motors
    ثانيا: داخل السيارة:



    الحاجة اللي تلفت نظرك أول ماتقعد فيها هيا الخامات الممتازة اللي متصنع منها التابلوه و الأبواب و الكراسي و الارضيات
    Nile Motors
    و التبلوه متصنع من مواد امنة في حالة لو واحد خبط فيها (Crash Friendly Moulds)....

    عجلة القيادة حلوة جدا في مسكتها و خصوصا اللي فيها جلد طبيعي بتديك احساس بالفخامة و في نفس الوقت الرياضية...العدادات سهلة و واضحة و لونها أخضر و على فكرة بره الناس بيفضلوا لون عدادات السكودا أكتر من ال فولكس و الBMW عشان مريح للعين اثناء السفر باليل مسافات طويلة عكس البرتقالي و الأزرق المستفز بتاع Volks....
    Nile Motors
    يوجد شاشة بين ال RPM و السرعة عبارة عن منيو بيتقلب من الزراير اللي في دراع المساحة أو من الدركسيون في الموديل Elegance الشاشة دي بتعرض: متوسط استهلاك البنزين في ال100كم و البنزين اللي فيها يمشيك أد اية و المسافة اللي مشتها من أول الرحلة و الوقت اللي قديته فيها و درجة الحرارة الخارجية.
    Nile Motors
    يوجد بها مثبت سرعة و هو أكثر من رائع في المسافات الطويلة....و من خلال الازرار يمكنك زيادة و انقاص السرعة بدون استخدام الدواسات...و بيحس بالمطالع فاتلاقيه سقط الغيار لوحده و في المنازل بيعمل Engine Brake


    Nile Motors
    ننتقل للدولاب الأوسط هنلاقي شاشة كبيرة بتاعت الكاسيت (مش في كل الموديلات) فيها CD MP3 جودته مش بطالة لكن مش أحسن حاجة و الراديو استقباله ذي الزفت و ده عيب Common في العربية على مستوى العالم...
    Nile Motors
    طبعا الوكيل لازم يحط بصمته المصرية في العربية و شايل منها 4 سمعات ورا لأن هيا أصلا بتنزل ستاندارد ب 8 سمعات بره و الكاسيت فيه ميزه انك ممكن تظبطه يعلي الصوت اوتوماتيك كل ما السرعة تزيد عشان صوت الهوا و كدة

    التكيف ClimaTronic 2 Zones مكون من 6 سرعات و امكانية ظبط كل جانب ب درجة حرارة مختلفة و فيه مخرج للكراسي الي ورا...و كفائة التكيف أكثر من رائعة و فيه حساس بيشوف الشمس في انهي جانب من السيارة و يزود التبريد شوية فيه

    Nile Motors

    المخدع اللي فالنص فيه ميزة لذيذة انك ممكن تظبط ارتفاعه و تجيبه ورا و قدام براحتك.. ده غير انه ممكن تخليه يحفظ اي حاجة ساقعة جوه و فيه كمان وصلة AUX بالداخل

    فيها عيب Common و هو صوت تسريب هوا من الازاز ورا السواق و ده بيتحل بره بتغيير كاوتش الازاز بس في مصر لو قلت كده ممكن يحرمني من ركوب العربية اساسا :D :D

    عيب تاني هو صعوبة الرؤية الخلفية عشان الشنطة عالية قوي

    نتكلم عن وسع المنطقة الخلفية هنلاقي ان عيب ال A4 الأساسي تمت ازالته تماما و المنطقة الخلفية أصبحت واسعة جداااااا بس مفيش مخدع في النص غير في الElegance
    Nile Motors


    أما الشنطة الخلفية فحدث ولاحرج .....ايه يا جماعة الوسع الغبي ده؟؟؟ مش ممكن يكون فيه كدة....عارفين ان مساحة الشنطة هيا بالظبط مساحة ال S-class الجديدة؟؟؟ 560 ليتر بالتمام و الكمال...ده كمان من غير منطوي الكراسي اللي ممكن تتني 3\1 أو 3\2 منها ...و اللي مساعد كمان في وسع الشنطه هوه بقها الكبيييييير عشان الازاز كمان بيتفتح
    Nile Motors
    [img][img=http://img259.imageshack.us/img259/8829/004wd9.th.jpg][/img]

    ثالثا: المحرك:

    1.6L.
    102 HP/5600
    148 NM/3800
    Nile Motors
    أول ماتفتح الكبوت قلبك ينشرح بالمنظر ...مافيش أي سلوك أو خراطيم باينة و كله متداري ...غطاء بلاستيك شيك للموتور و حتي البطارية محطوطة في علبة بلاستيك متغطية...
    Nile Motors
    و فيه ميزه جميلة بردو ان كل شيئ تحت الكبوت معزول تماما عن الماء حتى الغطاء بتاع الECU مرسوم عليه انه Water Proof يعني مفيش خوف من الغسيل خالص و ده عن تجربة.
    Nile Motors
    حسيت بالانبساط أما بصيت علي بعض أجزاء الموتور و لاقيت علامة VW و AUDI و Seat عليهم...مع العلم ان قطع غيار هذا المحرك هيه نفسها بتاعت GOLF 4 و أوكتافيا A4 و دي موجودة بكثرة في مناطق كتير
    Nile Motors
    نيجي للأداء هنلاقي انه مش موتور رياضى أو عنبف خالص...يعني ماتنتظرش منه الشد و الجري و الحرق و ده بيرجع ان الفتيس 6 غيارات فا روح كل نقلة قصير و كمان تقل العربية علي الموتور ده ....صوته هادي جدا تحت ال 4000 RPM لكن بيعلي بعد كده

    نسب التخفيض بتاعة الفتيس أكثر من رائعة لو كنت من محبي السرعة لان سرعة 120 بتكون علي 2700 RPM و 175 كانت علي 4100 RPM و متسمعلوش صوت خالص ايا كانت السرعة
    Nile Motors
    الفتيس ستيبترونيك جميل و مفيد في بعض الأوقات زي منطقة الملفات بتاعة العين السخنة عشان بتبقى محتاج استجابة أعلي و كمان عشان استجابة دواسة البنزين بطيئة نظرا انها اليكترونية مش بسلك
    استهلاك البنزين ممتاز التانك 55 لتر بيعمل بالظبط 720-740 كيلو يعني الصفيحة بتعمل حوالي 280-300 كيلو
    احنا روحنا الغردقة و كان متوسط السرعة 150 و محملة 4 ركاب بالشنط اخدت بالظبط 70 لتر في ال 1000 كيلو
    Nile Motors
    خلاصة المحرك: أداء غير رياضي لكنه هاديء و اقتصادي و مناسب لغير محبي الشد و الحرق...

    رابعا: الأمان:
    Nile Motors
    كما ذكرت سابقا الصاج الخارجي و الاكصدمات قوية جدا و بتتحمل التريحات و الخبطات البسيطة بشكل كبير و ده عن تجارب كثيرة...



    جسم السيارة كما هو الاتجاه حديثا تدمير من الخارج و حماية للداخل... في التوكيل شوفت حوادث بشعة من الأمام و الخلف و انقلاب و العربية من جوه كانت محمية تماما
    السيارة ادت كويس جدا في اختبارات EURO NCAP و جابت 4 نجوم
    Nile Motors

    Nile Motors
    ثبات فوق الوصف و متحس باي حاجة مهما كانت سرعتك يعني ال 175 كانت عاملة ذى ال 50 في ال 127 بتعتي :lol: :lol: :lol:
    Nile Motors
    فرامل قوية ABS معززه ب EBD و ASR و MSR و فيه ESP بس في الElegance بس..

    ده طبعا غير ال 4 Airbags و Pretension Seatbeltsو ال Elegance فيها 8 Airbags
    Nile Motors
    فيها TPM(Tire Pressure Monitor) بيراقب مستوى الضغط في الأطارات و ينبهك اذا كان فيه نقص فى الهوا.

    التوكيل:
    Nile Motors
    مبدائيا وقت ماروحنا المعرض في المقطم أنا زهلت من حسن الأستقبال و الترحاب... مسوؤل المبيعات في قمة الذوق و الأدب و الاحترام...مدير المعرض بنفسه كلمنا وحنا بنرخص بيشوفنا عايزين حاجة...و كلمنا بعدها بفترة يطمن على الوالد و على العربية.
    Nile Motors
    مركز الخدمة يعيبه ان هو الوحيد بتاع التوكيل و ديق جدا مش متحمل الزيادة الرهيبة في اعداد السيارات...سمعنا عن مركز جديد هيتفتح على الداائري....المعاملة هناك كويسة واللي بتقوللوهم عليه في العربية بيعملوه بس أسعار المصنعيات غالية شوية ...و قطع الغيار أسعرها معقولة...مش عارف الناس بتقول كلام غريب عن التوكيل ليه.
    Nile Motors
    المنافسين:
    Nile Motors
    احتيجات والدي كانت عربية عائلية كبيرة و تناسب منصبه كمدير Executive Car يعني و كان قدمنا الاتتي:
    Nile Motors Nile Motors
    OPEL Vectra : سيارة فخمة بس يعبها ديق المساحة الخلفية و الشنطة اللي أد بتاعة اللانسر و المانيوال و كبيره على الفاضي من بره
    Nile Motors
    VW JETTA : من جوه كنزه و الشنطه تقريبا هيه هيه مع اختلاف الباب بتاعهاو كمان سعرها العالي و شكلها مكنش عاجبنا و التوكيل الفاشل

    Toyota Avensis : سيارة جديره بالاحترام لكن بالنسبة لنا عيوبها كانت شكل المنطقة الخلفية و المانيوال
    Nile Motors
    Octavia A5 : اكتر عربية ريحتنا من ناحية الشكل و الكماليات و السعر و الاعتمادية و كنا في أوروبا التاكسيات كتير اوي منها كان بيبقى ال A5 و ال Avensis فا ده ريحنا أكتر
    Nile Motors

    خليجي ولا توكيل؟؟؟؟:
    Nile Motors
    السيارات الخليجي يميزها رخص تمنها بالنسبة للتوكيل و زيادة الكماليات في نفس الوقت...يعني احنا لو كنا زودنا بتاع 10000 جنيه كنا خدنا ال Elegance الخليجي اللي هي اساسا معديه ال 200000 مع العلم ان احنا دافعين 178000
    Nile Motors
    لكن هناك فروق بين الاتنين أولهم العفشة في المصري السيارة اعلي حوالي 2-3 سم و ده حلو جدا للطرق بتاعتنا و عمرنا ما حكنا في أي مطب...بس الخليجي هتلاقي قصاده نعومة و ثبات أكتر بس مش الفرق الفظيع يعني...
    Nile Motors
    حاجة كمان موجودة في المصري و هي التصفيح أسفل المحرك ...من تحت ماتقدارش تشوف الموتور من التصفيح.
    Nile Motors
    التوكيل ما بيقبلش اي عربيات خليجي لكن فيه أكتر من مركز خدمة ليهم من ضمنهم كارتك...
    احنا حبنا نريح دمغنا و اشترينا من التوكيل علطول
    Nile Motors
    و علفكره مسوؤل المبيعات كان قال ان العربيات ال Elegance سعر اعادة البيع بتاعها بيبقي قليل عشان الأوبشنز اللي فيها بتبقى رفاهية زياده عن اللزوم و مش مطلوبة اوي..
    Nile Motors
    -----------------------------------------------------------
    انا طولت أويييييييييييي مش عارف كده ليه...انا نقلتلكم التجربة كاملة من الألف للياء خلال المده اللي العربية معانا فبها...
    Nile Motors
    يارب أكون أفدتكم و أكون وضحت حاجات متعلقة بالعربية أكتر...و ياجماعة اللي عنده أي استفسار متعلق بالعربية يسأل علطططووووول ...أنا تحت الأمر

    تم التثبيت بمعرفة الإدارة


  2. #2

    الصورة الرمزية fahd_628

    رقم العضوية : 475

    تاريخ التسجيل : 05May2007

    المشاركات : 8,407

    النوع : ذكر

    الاقامة : الأسكندرية

    السيارة: I30 & Megane estate

    السيارة[2]: E36 Coupe 328i

    دراجة بخارية: .

    الحالة : fahd_628 غير متواجد حالياً

    افتراضي -

    الف الف شكر يا باشا على الموضوع الجامد دة و هى فعلا عربية محترمة جدا

    الحمد لله
    [sor2]http://farm3.static.flickr.com/2639/3939929853_4547d6e150.jpg[/sor2]


  3. #3

    الصورة الرمزية اسلام المصرى

    رقم العضوية : 635

    تاريخ التسجيل : 13May2007

    المشاركات : 1,714

    الاقامة : الحمد لله مصر

    الحالة : اسلام المصرى غير متواجد حالياً

    افتراضي -

    ربنا يخليك لينا يا أستاذ نبيل تسلم ايدك :) موضوع رائع و تغطية شاملة عن العربية. أنا العربية ديه معجب بيها جدا و لو كان معايا تمنها كنت جبتها بدون تردد و بدون مقارنة ما بينها و ما بين أى عربية تانية بنفس التمن! الحمد لله.
    طريقة فتح الشنطة بتاعتها جامدة جدا أنا اول مرة شوفتها بتتفتح بالطريقة ديه أنبهرت :D فكرة جديدة :D
    سيارة فعلا جديرة بالأحترام! شكرا جزيلا على مجهودك و وقتك و ماتحرمناش من مواضيعك الجميلة و المفيدة ديه. ربنا يكفيك شر الطريق.

    قال الله تعالى: http://www.kalemat.org/gfx/braket_r.gif وَلَنَبلُوَنّكُم بِشَىءٍ مِنَ الخَوفِ وَالجُوعِ وَنَقصٍ مِنَ الأموَالِ وَالأَنفُسِ وَالثّمَراتِ وَبَشِرِ الصّابِرينَ http://www.kalemat.org/gfx/braket_l.gif
    [البقرة:155] ويكون هذا الصبر بحبس اللسان عن الشكوى إلى غير الله تعالى، والقلب عن التسخط والجزع.


  4. #4

    الصورة الرمزية hazem_khidr

    رقم العضوية : 168

    تاريخ التسجيل : 24Apr2007

    المشاركات : 7,982

    الاقامة : المحله الكبري

    الحالة : hazem_khidr غير متواجد حالياً

    افتراضي -

    موضوع جميل و رائع فعلا و استعراض شيق للسياره مع ابراز المميزاات و العيوب.
    تحيه ليك يا نادر باشا و علي موضوعك المتحضر و الوافي


  5. #5

    الصورة الرمزية Sharky

    رقم العضوية : 143

    تاريخ التسجيل : 24Apr2007

    المشاركات : 17,378

    النوع : ذكر

    الاقامة : Nasr City

    السيارة: Toyota Yaris 2007

    السيارة[2]: Nissan Juke 2013

    الحالة : Sharky غير متواجد حالياً

    افتراضي -

    مجهود رائع يا نادر


  6. #6

    الصورة الرمزية modux

    رقم العضوية : 263

    تاريخ التسجيل : 26Apr2007

    المشاركات : 1,689

    الاقامة : heliopolis

    الحالة : modux غير متواجد حالياً

    افتراضي -

    موضوع تحفة انا كنت بكرهها
    بس حبيتها اوييييييي من طريقة العرض


  7. #7

    الصورة الرمزية M_Abdallah

    رقم العضوية : 757

    تاريخ التسجيل : 22May2007

    المشاركات : 781

    النوع : ذكر

    الاقامة : الزقازيق-مدينة العبور

    السيارة: fiat 128

    السيارة[2]: elantra 2011

    دراجة بخارية: لا يوجد

    الحالة : M_Abdallah غير متواجد حالياً

    افتراضي -

    موضوع جميل أوي وشامل كل حاجة.










    _____________
    محمد عبدالله


  8. #8

    الصورة الرمزية Abu Aly

    رقم العضوية : 2441

    تاريخ التسجيل : 03Oct2007

    المشاركات : 316

    الاقامة : Cairo

    الحالة : Abu Aly غير متواجد حالياً

    افتراضي -

    شكرا استاذ نادر على الشرح الجميل الوافى .. ياريت تكمل جميلك و تدينى فكره عن A4 مانيوال لو عندك فكره و مقارنتها
    ب A5 مانيوال .. اكيد A5 متطوره اكتر لكن هل تستاهل فرق السعر اللى يقرب من 30000 ؟
    فى التوكيل قالوا ان موتور A4هو موتور Jetta و موتور A5 هو موتور PASSAT صحيح ؟ و هل ال options
    متفارب ام تزيد بكتير A5 ؟؟
    و لو عندك فكره عن العربيه Roomster كموتور و هل هى ايضا متينه و قويه كالاوكتافيا ام نوعيه مختلفه ..
    مع الشكر


  9. #9

    الصورة الرمزية NaderNabil

    رقم العضوية : 45

    تاريخ التسجيل : 18Apr2007

    المشاركات : 5,565

    النوع : ذكر

    الاقامة : المعادي..أخر الشارع

    السيارة: Logan A/T-Yaris HB HL

    السيارة[2]: Astra J Cosmo

    دراجة بخارية: NO

    الحالة : NaderNabil غير متواجد حالياً

    افتراضي -

    أولا كموتور: ال A4 لا تفرق شيئ عن ال A5 هوه هوه 102 حصان 148 نيوتن متر
    و هذا الموتور مشترك مع الJetta وGOLF4,5 بس ملهوش دعوة بالباسات عشان بتاعها FSI 115 حصان

    من ناحية الفرق فهقولك ايون تستاهل الفلوس الفرق...هتلاقي تطوير شامل في المقصورة والخامات و الوسع و معدلات الأمان و الفخامة...بصراحة أما ركبت ال A4 حسيت بالفقر الشديد للتابلوه والكراسي و القعدة جمب ال A5.. عشان كده و أنت واثق ال A5 تستاهل الفرق ده
    الرومستر واخده نفس الموتور ال 102 حصان...من جوه أعدتها شيك و واسعة و من بره غريبة بس مميزه...و أعتقد انها هتكون بنفس كفاءة الأوكتافيا...جرب تدور عالنت علي الريفيوس بتاعتها


  10. #10

    الصورة الرمزية Chicco

    رقم العضوية : 1375

    تاريخ التسجيل : 08Jul2007

    المشاركات : 2,957

    الحالة : Chicco غير متواجد حالياً

    افتراضي -

    hasad">

    ألف شكر يا باشا تقييم موضوعي و محترف ربنا يحافظلكم عليها من كل سوء إسمحلي بنقطتين
    - تصميم الشنطة الخلفية بيسموه liftback لتفريقه عن الhatchback ( جولف)
    - كان معايا فيليشيا 95 و كنت بحب العربية دي جدا بس التوكيل زهقني في حياتي.... ما رحتلوش و لا مرة بعد ما خلص الضمان. يا ريت حضرتك تتابعنا بأخباره أول بأول لعل و عسي يكون إتغير
    بكرر شكري



 
صفحة 1 من 20 1 2 3 4 5 6 11 ... الأخيرةالأخيرة

المواضيع المتشابهه

  1. ‏ ‏a113‏ فرامل تستحق الاحترام ‏
    بواسطة elmoski في المنتدى سبـــيرانزا
    مشاركات: 9
    آخر مشاركة: 29-11-2011, 06:20 PM
  2. فعلا الالنترا تستحق الاحترام...
    بواسطة tarekabosdera في المنتدى هيــونــداى
    مشاركات: 43
    آخر مشاركة: 07-10-2009, 07:20 PM
  3. النيو سيراتو سياره تستحق الاحترام فعلا
    بواسطة abo samra في المنتدى كـــــيا
    مشاركات: 34
    آخر مشاركة: 07-10-2009, 10:22 AM
  4. السيده دي تستحق الاحترام - سيدة التمبرا
    بواسطة Drift_Lover في المنتدى المنتــــــدى الاجتمــاعى
    مشاركات: 14
    آخر مشاركة: 23-05-2009, 09:21 PM

الكلمات الدلالية لهذا الموضوع

127, 1600, 20, 2006, 2007, 2008, 2009, 40, 400, 50, a3, a5سيارة, abs, لانسر, ميجان, أحسن, airbags, ميكانيكى, مرسيدس, مركز, مركز الخدمة, مركز خدمة, مشاكل, مصر, أسعار, مع, معلومات, معرض, من, مواتير, منازل, مواصفات, أوتوماتيك, موتور, موديل, أوكتافيا, أوكتافيا a4, مقارنة, bluetooth, bmw, اللانسر, اللي, المرسيدس, الاحترام, الاسكندرية, التأمين, التو, البنزين, التوكيل, الي, الجديدة, الحرارة, الشمس, الشامل, الصيانة, السرعة, السعودية, الشنطة, الضمان, الكنبة, اداء, اختبار, احنا, اصلاح, استهلاك البنزين, اسعار, اسعار قطع الغيار, اوبل, اوبل فيكترا, اوبشن, اوتوماتيك, باسات, تاكسى, ثبات, تيريوس, بيع, بدون, elegance, تراك, engine, تريوس, تسليم, تسليم فورى, تستحق, esp, تغيير, بنزين, توكيل, توكيل سكودا, تقييم, تكييف, تكيف, font, golf, golf 5, جماعة, خليجي, حادثة, خاص, دى, خدمة, حرارة, حساس, جولف, حوادث, جنوط, جنط, jetta, lanos, manual, رائع, رياضية, nile, ريس, رشاشات, صاج, octavia, شاهين, سيارات, سيارة, زيرو, شرح, سرعة, opel, سعة, سعر, صوت, شنطة, سكودا, passat, rpm, seat, sensor, skoda, toyota, عليهم, غالية, عايز, عجلات, عداد, عدادات, غيار, عدة, عيوب, عربية, عرض, عفشة, عن, غطاء, vectra, volks, water proof, فتحة السقف, فتيس, في, فيكترا, فرامل, فرش, فرش جلد, فروق, فرق, فولكس, فئة, هل, هاتشباك, هي, هيونداي, هنا, ناشفة, نيو, ورش, وصف, نور, وكيل, طريقة, قلب, قطع, قطع الغيار, قطع غيار, كل, كماليات, كاسيت, كاوتش, كبوت, كورولا

عرض سحابة الكلمة الدلالية

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2