حكايتي مع المصرية للسيارات لقسيط المستعمل
دي حكايتي مع المصرية للسيارات مشروع تقسيط المستعمل قولت اروح شركة المصرية السيارات المستعملة عشان
بدور علي عربية فوق سنة 2000 اللي عملوه في العبور
المهم روحت يوم الجمعة الطهر في عز الحر وبعد لفة كبيرة وصلت لجمعية احمد عرابي للبوابة 5 لقيت الامن بتاع الكارتة بيقولي داخل المصرية للسيارات تدفع كارتة 5 جنيه مع اني الكارتة العادية اتنين جنيه دي اول النصبة وزي مابيقولوا اول القصيدة كفر ..
المهم دفعنا وعدينا وطول مانت ماشي هاتشوف اعلانات واسهم تدلك علي الطريق والاعلانات مكتوب عليها ( مزرعة احمد ريان مالك المصرية للسيارات ومع الوقت بدات الامور توضح بانها مزرعة وعملوها مشروع سبوبة يعني
وصلنا للبوابة بسلام الحمدلله والساعة بقت 12 الطهر لقينا زحمة حوالي 15 واحد وناس بتزعق ومحدش بيدخل وشخص واضح انه هو المسئول او الكبير يعني واتنين معاه شكلهم علاقات عامة
فا سألت احنا مش هاندخل ليه رد الشخص المسئول الكبير ( وواضح من كلامه انه محترم وبينفذ التعليمات بس ) اني عشان تدخل لازم تكون مسجل قبل كده وتكون هاتبيع عربيتك وهما يشتروها منك وبعدين تيجي في ايام تانية عشان تشتري المستعمل الموجود ) فا انا قولت بس مش ده الكلام اللي في الجرنان قالي يبقي انت مش قريت الاعلان كويس بس والناس دي كلها مش قرت برضه الاعلان معقولة ولا هو نصب وخلاص قولوا كده من الاول عشان مش نيجي المشوار ده كله في عز الحر ويطلع علي الفاضي رد واحد من الاتنين اللي معاه واللي وشكله عايش في الدور مووووووووت وحسسني انه المسئول الاول والاخير عن مصر كلها :36_1_2[1]: يعني انتوا عاوزين الراجل ( يقصد احمد الريان ) يشتري مرزعة ب 20 ولا 30 مليون عشان تيجوا لحد هنا ( يقصد البايع والمشتري ) وتسلموا علي بعض وبعدين تمشوا قولتله والله الراجل اشتري المزرعة ولا مأجرها مفروش مش شغلنا احنا شغلنا اني انتوا تنزلوا اعلان صح بطلوا بقي شغل ال 3 ورقات ده وتجيبوا الناس علي الفاضي وكانت هاتقلب بخناقة ومشينا كلنا واحنا علي اخرنا وبنسب ونلعن فيهم :whtauwant:
