عرض للطباعة
صباح الخير يا جماعة
دلوقتي أنا غيرت الفوانيس الأمامية لعربيتي (أوبل فكترا مو 99) وركبت فوانيس رينجات ، المهم الفوانيس دي فيها موضوع بايخ إن مافيهاش رجلاش! فلازم سمكري يضبط مكانها لأني بعد ماركبتها لقيت الضوء الخارج مش مضبوط ومتشتت، فى نفس الوقت أنا عايز أركب زينون، فمحتاج إني أروح لكهربائي وسمكري كويسن جنب بعض عشان يظبطوا القصة دي.
أي إقتراحات من جانبكم؟
ألف شكر مقدما وتحياتي.
انت مش محتاج سمكري او اي حاجه الموضوع بسيط و سهل و انا بفك الاكصدام بتاع العربيه بتاعتي بنفسي و بظبط النور بس هوا الموضوع محتاج شويه وقت . و طالما هتركب زينون يبقي تستني لما تركبه الاول و بعد كدا تظبط علشان متكررش الموضوع تاني و تضطر تفك الاكصدام علشان تظبط تاني و انت اعرف النور عامل ازاي يعني لو واطي مثلا حط تحت الصماويل اللي تحت كذا ورده لو عالي اعمل العكس فاهمني ازاي و اي حاجه انا تحت امرك
مبروك علي الفوانيس
جبتها بكام و منين ؟ و ياريت لو في صور ليها يبقي تمام قوي شكراا
أنا جبتها من عند (جو) ب 1050 وحاليا أنا مسافر للأسف بس لما أرجع إن شاء الله حأحطها على المنتدي. يعني حضرتك شايف إن حد ممكن يظبط الفوانيس وهو بيركب الزينون... مش كده؟ وهو فى جميع الأحوال - حسب ما عرفت - إني لازم حأفك الإكصدام والفوانيس والشبكة عشان أركب الزينون... عموما ربنا يسهل ... حأحاول أشوف منصور اللى ورا توكيل رابعة العدوية يعملهمللى.اقتباس:
المشاركة الأصلية كتبت بواسطة goofy_in_love
شكرا جزيلا على ردك.
تحياتي.
الفونيس دية ليها رجلاش فوق على الجنب وفى العلب بتاعت الفونيس هتلقى مفكات مخصوصة عشان الحكاية دية ومبروك على الفونيس
لا يا تامر ماجاش معاها أي مفكات. وعموما الريجلاش اللى بتقول عليه فى الجنب حأشوفه وأرد عليك ، والله يبارك فيك وعقبال ما تركب الجاجوار إن شاء الله.اقتباس:
المشاركة الأصلية كتبت بواسطة tamertamer
تحياتي.
ايه دا انا كمان عايز اركب جاجوار هههههههههههههههه
بص يا باشا اولا انت مش محتاج تفك لا الاكصدام و لا الفوانيس علشان تركب الزينون بس هتبقي محتاج تفك الكلام دا لو عايز تظبط النور دا لو مش عندك الرجلاش زي مانت بتقول و الموضوع سهل و بسيط مش معقد يعني ظبط انت بس كدا كام مفك علي كام بيبه و ابتدي براحه و هتلاقي الموضوع بسيط بس عايز شويه وقت و زي ما قلتلك انت اعرف نورك باليل محتاج ايه و ظبطه الصبح شويه فوق شويه تحت زي مانت عايز بالورد
اقتباس:
المشاركة الأصلية كتبت بواسطة goofy_in_love
ألف شكر ومبروك على عضو فعال.. عقبال الماسية إن شاء الله.
تحياتي.
الله يبارك فيك يا باشا
بالمناسبه انا مركب زينون عندي في العالي بس و لما ركبته محتجتش افك الاكصدام فانا بكلمك من خبره في الموضوع دا يعني بس لما حبيت اظبط النور لقيت الرجلاش مش شغال ففكيت الاكصدام بنفسي و ظبطت النور
انت لو محتاج حاجه احنا بنتقابل علي طول انا و تامر ممكن تبقي في مره نظبط نتقابل سوا و نعملهالك ان شاء الله
يا سيدي ربنا يخلليك ما تحرمش والله ، بس أنا خارج مصر حاليا وإن شاء الله حأرجع يوم 6 ولو فيه حاجة أكيد حأتصل بيكم عن طريق الخاص.اقتباس:
المشاركة الأصلية كتبت بواسطة goofy_in_love
بأكرر شكري يا جماعة وربنا يخلليكوا
تحياتي.
تامرنا يا باشا و كلنا هنا اخوات و ترجع بالسلامه
اقتباس:
المشاركة الأصلية كتبت بواسطة goofy_in_love
ألف شكر. ودايماً بالخير سباقين .
تحياتي.
ان اعرف ان فى جهاز بيظبط الفانوس فى التوكيل هو بيركب على الفانوس
الف مبروك على الفوانيس و ربنا يعنك على ضبطها صح