فكرة للعيد لو عجبتك ادعيلي
كل سنة وانتم طيبين واذكر نفسي واياكم بحضور خطبة العيد بعد الصلاة لانها سنة واجبة عن الرسول
مش نصلي ونمشي وننسى الخطبة
والافضل الصلاة في الساحات المكشوفة
انا بصلي في مسجد الصديق اللي في شيراتون وبايمنا الشيخ مصطفى حسني ربنا يبارك فيه وهو اللي صلى بينا ختم القران في التراويح وكان المسجد والساحات مفيهاش مش اقل من 3/4 مليون على الاقل
اللي شاف المنظر هو اللي هايعرف
زيه زي محمد جبريل في عمرو ابن العاص تماما
ولو عند حماتي بصلى في جامع الشيخ غراب او الشيخ كشك رحمه الله
ولو عند والدتي مسجد الفتح في الخلفاوي الشيخ بشير المحلاوي بتاع قناة الناس ربنا يبارك في عمرة
يا ريت كل واحد يكتب هو بيصلي فين وبيحضر الخطبة ولا لاء
---------------------
فكرة الموضوع بقى حاول تشتري هدية صغيرة ولو باكو بسكوت او علب بسكوت مش هاتكمل 5 او ستة جنيهات من اي سوبر ماركت وتفرقها على الاطفال في الشوارع خاصة الاطفال اللي شكلهم فقير
باكو بسكوت او بلونة او زمارة او طرطور او اي حاجة تفرحة وتعرفة ان فيه عيد
ولو تعرف حد يتيم روح زوره وخد هدية لعيالة وعيد عليه بس لو ام العيال موجودة خد معاك زوجتك ولا اختك عشان ما تدخلش عليهم وانت اجنبي عنهم وتقول كريم اللي قاللي
:lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol:
ولو ما تعرفش عدي على اي دار ايتام وهاتلهم شوية فاكهة ولا كيس بلالين وامسح على شعر اليتيم بايدك
عشان باذن الله هاتخد بعد كل شعرة تمسح عليها حسنة
-----------
زمان كنا بنتجمع ونشتري الحاجات دي جملة من الموسكي بلالين وزمامير ووشوش وبسكويت ونعبيهم في اكياس سيلوفان شفافة شكلها شيك
وبعد الصلاة والخطبة نديها للعيال الفقراء اللي واقفين في الشوارع يبصوا بحسرة لاخواتك وولادك انهم لابسين هدوم العيد وهما مش لابسين جديد
معلش اني طولت بس بالله عليكم ما تنسونيش من صالح دعائكم لو الفكرة عجبتكم
اخوكم في الله
كريم منير
(يوم لا ينفع مال ولا بنون*الا من اتى الله بقلب سليم)