انفلونزا الخنازير....!

**Mido80** · 30-06-2009 12:34 PM

السلام عليكم جميعاً. انا عارف اني طلباتي كتير وقارفكم معايا بس هاعمل اية عشمي فيكم بلا حدود. ان شاء الله انا نازل انا واسرتي نقضي اجازة في مصر (حولي شهر) وعاوز اتفسح واحياناً الواحد بيحب ياكل برة البيت بس انا مرعوب من موضوع لحم الخنازير اللي ممكن تكون متواجدة في اي مطعم من المطاعم اللي ممكن نروحها. عشان كدة ارجو منكم الاتي:-

1- افضل الاماكن اللي ممكن نروحها انا والاسرة للفسح والمتعة والسهر لاني هنا زهقت من روتين الحياة الممل يعني عاوز انتقم. لمجرد الساعة ما تبقي 10 مساءاً تلاقي البلد فاضية والناس نامت عشان شغلها والمدارس وخلافة
2- اسماء واماكن المطاعم النظيفة اللي بتعمل مشاوي واكلات مصرية محترمة وكمان يكون موقعها كويس وممتع (ياريت لو علي النيل) ومش ممكن تغش في الاكل اللي بيقدموة او يخلطو اللحوم بلحم خنزير
3- لو حبيت اشتري ملابس (جينز - تي شيرتات...الخ) وين اروح

اشكركم جداً علي سعة صدركم واسف للازعاج

**ehabbasha30** · 30-06-2009 02:27 PM

اقوللك بس بشرط ..........تعزمنى معاك
ماشى ؟؟؟؟؟؟؟؟؟

الف هنا وشفا عليك انت والاسرة وترجع بالسلامة
مصر مليانة مطاعم كتير جدا وصعب اوى اوى حد يحصرهالك
انزل انت بس ومتقلقش خااااالص

**أبو إياد** · 30-06-2009 02:51 PM

بص بقا ياعم ميدو انت تاخد العربيه بالسواق وتريح دماغك من وجع القلب ده

**islamnabil** · 30-06-2009 03:24 PM

اتفضل حضرتك الموقع ده دليل شامل عن المطاعم و اماكن السهرات في مصر
http://www.yallabina.com
بس انا شخصيا ماقدرش اضمنلك حاجة
اما بالنسبة للهدوم :
ياراجل حد يسيب قطر و يجي يشتري من مصر
الحاجة اللي موجودة هنا هيا هيا اللي عندك بس هنا سعرها الضعف

**PoweRPassioN** · 30-06-2009 05:16 PM

مش دايما يا اسلام حاجات وحاجات
------------
اجازه سعيده يا ميدو

**WaleeD-ZidaN** · 30-06-2009 06:57 PM

الفسح على النيل و الاهرامات و السفر طبعا

الأكل
اضمن حاجة البيتزا المارجريتا او السى فود دى وجهة نظرى الشخصية
عن نفسى مضمنش اى مطعم خالص
الهدوم فدى اذواق طبعا
و اجازة سعيدة يا باشا

**Mido80** · 01-07-2009 07:20 AM

المشاركة الأصلية كتبت بواسطة jisso82

أجازة سعيدة ليك و للأسرة إن شاء الله
بس ليا سؤال بسيط إيه علاقة العنوان اللى حضرتك كاتبه بالموضوع (باستثناء الجزئية الخاصة ب انا مرعوب من موضوع لحم الخنازير اللي ممكن تكون متواجدة في اي مطعم من المطاعم اللي ممكن نروحها)

انا فعلا خلطت موضوعين في بعض بس فكرة الموضوع الرئيسية كانت هل هناك امكانية للاصابة بانفلونزا الخنازير بسبب تناول اكل في المطاعم لانها من المحتمل تكون بتقدم لحم خنزير.

اما بقية الموضوع، فالكلام كان بدون ترتيب يعني مجموعة افكار تلاحقت في رأسي وانا بكتب الموضوع الاساسي فكتبتها بالاضافة الي انني ما حبيتش اكتب موضوعات كتير منعا للازعاج...فقلت خليهم كلهم مع بعض..بس يا سيدي