ايه رايكم نقيم هنا الصناعية زي مثلا ( المكيانيكي . كهربائي )

**mahmoudysf** · 30-06-2009 10:06 PM

المشاركة الأصلية كتبت بواسطة m_waheed

نيجي بقه لتاني واحد يا اخوانا وهو برده مكانيكي

الاسم محمد هاشم

بيكون موجود جنب ابو الحسن في الدقي

اتعاملت معاه مرتين
مميزاته

عنده ثقة زيادة في نفسه وده يدي انطباع انه متعجرف وده طبعا عيب خطير جدا خصوصا انه يعاملك اكنه معاه دكتوراه وفي الاخر يدوبك يفك الخط

الامانة مش جربته اصلا لكن الاستاذ محمد ممدوح بيقول عليه انه لاغبار عليه في موضوع الامانه ده

بالنسبة للمصنعية حراق جدا وده نتيجة طبيعية اللي فاكر انه الوحيد اللي رضع من امه طبيعي وده تعبيره هو مش تعبيري انا

التقييم النهائي من وجهة نظري 5 من 10 ولو اتصلح يبقي كويس

وطبعا محمد عبده برقبته

مستني ردودكم وتعليقات اساتذتنا وياريت تنفعل الموضوع اكتر

اول ما جبنا العربية سالت عن ميكانيكي لغاية ما روحت لمحمد هاشم
المهم شاف العربية وطلب شوية حاجات زى سيور وبوجيهات وكدة ودى كانت حاجات بسيطة صيانة عادية
المهم دخلنا على العفشة حكيتلها على اللي بيحص فى العفشة طلب منى شوية حاجات وجبتها وركب
طلعت اجرب النتيجة زي ماهي بعد ما كلفنى حوالي 500 جنية ملهمش لازمة وطبعا جاب اخرة خدنى لعفشجى جمبة وسابنى معاه ومشى المهم العفشجى دة طلع جرب معايا وقولتلة عملنا اية فى العفشة بس للامانة طلع استاذ وقالي عرفت سبب المشكلة رجعنا الورشة وقال لصبى فك كاوتشة الميزان ورحت جبتها ب8 جبية وركب والنتيجة ممتازة طب عايز كام 30 جنية ودة حقة طبعا ما انا لسة جايلله من عند مياكنيكى مكلفنى 500 جنية ملهمش لازمة ومعرفش اية سبب المشكلة
الملاحظات على محمد هاشم
1- مغرور شوية ومش ثقة بالنفس
2- يعتبر شاطر فى الميكانيكا رغم انو بيطلب تغيير على طول ما بيصلحش
3- من ناحية العفشة عادى مش متميز لانه كان شكله وحش لما خدنى لعفشجى بعد ما كلفنى على الفاضى
4- المصنعية غالية بدون سبب

**mmahermf** · 01-07-2009 08:44 AM

ميكانيكي اسمه سيد ثالث يمين بعد كوبري مسطرد شغال في التوكيل الصبح وهو بعد 6 بيكون في الورشة والشارع اسمه شارع الكاوتش على ناصيته محل عصير اسمه عباد الرحمن.

الراجل ده عاملته مرة أول ما جبت العربية وميزته انه شغال بنفسه والميزة دي ادت لعيب انك ممكن تمشي من عنده الساعة 1 أو 2 صباحا عادي جدا

شغله زي الفل وطبعا فاهم ومصنعيته زي محمد عبده ان لم يكن أقل شوية.

ميزة مهمة انه مش بتاع "ارمي وغير" على الفاضي والمليان ولما يقول نغير تحس انه بقولها وهو زعلان.

**abouzaid555** · 01-07-2009 09:17 AM

انا بصراحة باتعامل مع مركز خدمة الزرانى فى اسكندرية فى سيدى بشر شارع جمال عبد الناصر و مرتاح معاهم نفسيا بالنسبة للمصنعية تقريبا حنينة بس فعلا لو لقى حاجة بايظة بيقوللك غير على طول لانه عنده محل قطع غيار اصلى و لكن لو حس ان العربية مفيهاش حاجة او الموضوع بسيط و غير مؤثر ما بيفتحش فى اى شغل و خلاص و ما بياخدش حتى ثمن الكشف

**abzoabzo** · 01-07-2009 09:52 AM

والله يا جماعة انا بتعامل مع محمد هاشم لقربه من البيت

واتعاملت مع محمد عبده
2 ممتازين بس انا حاسس ان محمد عبده اسعاره 5 نجوم وده نتيجة للمكان و للضرائب والعمالة

**Morieno** · 01-07-2009 09:58 AM

المشاركة الأصلية كتبت بواسطة nasroo

طب مانت عندك واحد كويس اهو اومال بتسأل ليه عن حد تاني في حلوان

هو كويس جدا للأمانه بس انا كنت بشوف لو فى حد احسن
انا بصراحه جربته كتير فى الاكسنت الفقر اللى كانت معايا بس دلوقتى مش عارف ايه اخباره فى النوبيرا ربنا يبعدنا عن الميكانيكيا والكهربائية والعفشجيه واكيد السمكريه اللهم أمين

**m_waheed** · 01-07-2009 01:21 PM

المشاركة الأصلية كتبت بواسطة mahmoudysf

اول ما جبنا العربية سالت عن ميكانيكي لغاية ما روحت لمحمد هاشم
المهم شاف العربية وطلب شوية حاجات زى سيور وبوجيهات وكدة ودى كانت حاجات بسيطة صيانة عادية
المهم دخلنا على العفشة حكيتلها على اللي بيحص فى العفشة طلب منى شوية حاجات وجبتها وركب
طلعت اجرب النتيجة زي ماهي بعد ما كلفنى حوالي 500 جنية ملهمش لازمة وطبعا جاب اخرة خدنى لعفشجى جمبة وسابنى معاه ومشى المهم العفشجى دة طلع جرب معايا وقولتلة عملنا اية فى العفشة بس للامانة طلع استاذ وقالي عرفت سبب المشكلة رجعنا الورشة وقال لصبى فك كاوتشة الميزان ورحت جبتها ب8 جبية وركب والنتيجة ممتازة طب عايز كام 30 جنية ودة حقة طبعا ما انا لسة جايلله من عند مياكنيكى مكلفنى 500 جنية ملهمش لازمة ومعرفش اية سبب المشكلة
الملاحظات على محمد هاشم
1- مغرور شوية ومش ثقة بالنفس
2- يعتبر شاطر فى الميكانيكا رغم انو بيطلب تغيير على طول ما بيصلحش
3- من ناحية العفشة عادى مش متميز لانه كان شكله وحش لما خدنى لعفشجى بعد ما كلفنى على الفاضى
4- المصنعية غالية بدون سبب

موضوع انه مغرور انا فعلا بتفق معاك في الموضوع ده طيب واحنا ايه اللي جبرنا ان نخلي صنايعي يتنطط علينا

وانا فعلا حصلي موقف معاه من يومين انه كان عاوز يعمل جوان وش السلندر طلب 250 جنيه مصنعيه ايده بالإضافة ل 120 مصنعيه الخراط والحمد لله عملتها عند واحد تاني اخدت مصنعيته 130 جنية و 40 جنيه عند الخراط
شوفته الفرق كام
عشان كده فعلا نصيحة لو حد راح عند محمد هاشم ياخد باله كويس

**mahmoudysf** · 01-07-2009 01:31 PM

المشاركة الأصلية كتبت بواسطة m_waheed

موضوع انه مغرور انا فعلا بتفق معاك في الموضوع ده طيب واحنا ايه اللي جبرنا ان نخلي صنايعي يتنطط علينا

وانا فعلا حصلي موقف معاه من يومين انه كان عاوز يعمل جوان وش السلندر طلب 250 جنيه مصنعيه ايده بالإضافة ل 120 مصنعيه الخراط والحمد لله عملتها عند واحد تاني اخدت مصنعيته 130 جنية و 40 جنيه عند الخراط
شوفته الفرق كام
عشان كده فعلا نصيحة لو حد راح عند محمد هاشم ياخد باله كويس

تمام كدة بس اهم حاجة يكون شغل الميكانيكى والخراتط مرضى برضة

**ahmedfawzy14** · 01-07-2009 01:31 PM

من ايام الليجنزا وانا بتعامل مع مركز خدمة الامل للدايو فى الابراهيمية
اول يمين من شارع اللاجتيه من ناحية شارع ابو قير

مصنعيتهم معقولة جدا

يعنى لسه مغير طقم سيور وبلى شداد كاتية فى الفيرنا ب 60 جنيه عندهم

وعندهم كمان قطع غيار جديدة

بس عيبهم الوقت شوية
عشان علطول زحمة فممكن يقولك تعالا استلم الساعة خمسة
انا افهم انها 8 علطول

عندهم اجهزة حديثة وسكانر

وفى الكهربا بتعامل مع صنايعى فى وش نادى سبورتنج من ناحية شارع ابو قير
الشارع اللى على ناصيته معرض ابو الفتوح

صنايعى محترم ومصنعيته قليلة جدا
اسمه محمد

**megosoft** · 01-07-2009 01:39 PM

يا أستاذ m_waheed

طيب قول لينا مين الميكانيكي اللي عملت عنده وش السلندر بنص التمن ده- برضه عشان الفايده تعم قول عنوانه ورقم تليفونه- اكيد ح نستفيد
تحياتي ...