سخونة ذيادة فى العربية ممكن تكون من ايه ؟ الله يكرمكم

**mostafaelwan** · 30-06-2009 01:01 PM

ارجو الافاد لانى لسه راكب عربية جديد والخبره قليلة العربيع اول ما جبتها من شهر تقريبا مكنتش بحس بسخونه من عند الدوسات الان سخون عاليه جدا وبفتح الكبوت بلاقى الماتور سخن جدا رغم عدم مشى العربيه اكثر من 4/5 ك ارجو الافادة من اهل الخبرة العربيه 128

**abdouz** · 30-06-2009 01:27 PM

اولا تاكد من ان مروحة التبريد شغاله ومش بتفصل منك وانت ماشى كانت حصلت معايا من فترة..... لو المروحة تمام شوف ميكانيكى كويس يشوفلك الكربراتير ممكن يكون فى قصور فى التبريد
هى الحرارة عندك بتوصل لى كام وانت ماشى؟

**mostafaelwan** · 30-06-2009 02:42 PM

الحراره عندى بالمؤشر وليس بالارقام بس هو قريب من النصف والمروحة شغالة تمام وقوية الكربرتير لسه عاملهة تنضيف وبحط بنزين 90 بس انا عندى ذيادة فى مقياس الزيت ممكن يكون من ده السبب اشكرك على الاهتمام

**M.FOUAD** · 30-06-2009 02:47 PM

هو ما دام على النص مش خطر اوي دة عادي الجو حر بردة اكن بالنسبة للزيادة في الزيت لو زيادة كبيرة اوي ممكن تكون السبب فعلا

**mostafaelwan** · 30-06-2009 02:55 PM

بس ان مغير الزيت من شهر تقريبا والعربيه مامشيتشى كتير ولسه الموضع ده من يومين بس على العلم ان المقياس من وقت التغير كان عالى ممكن يكون الموضع ده من الريداتير؟

**M.FOUAD** · 30-06-2009 03:14 PM

ما دام المية مبتنقصش و المروحة شغالة و الراداتير مش مكتوم يبقى متشغلش دماغك بالراداتير

**aYaBooY** · 30-06-2009 03:21 PM

كل ديه اعراض طبيعية في الجو ده في الـ128 و هاتيجي عليك اوقات في 7 و 8 لو ركنت في الشمس مش هاتعرف تلمس الدركسيون
و موضوع انك لما بتفتح الكبوت تلاقي صهد عادي امال حضرتك متخيل ايه هاتلاقيه حوض مكيف
موضوع انك بتحس بسخونة على رجليك او عند الدواسات ده برده عادي مع رداءة تقفيل السيارة و عدم وجود عازل بين الموتور و بين جسم العربية
و وجود فتحات كتير بين الحوض _ مكان الموتور _ و الصالون كل ده بيخليك تحس بموضوع الحرارة ديه و علاجة عادتا مش بيجيب النتيجة الموازية للتمن الي هايدفع و الوقت الي هاتقضيه عند سمو الباشا السروجي
و الف مبروك العربية و متعدش تتخض عليها كل شوية اكيد في الجو المهبب ده لازم كل حاجة تسخن و طبعا لازم انت تحس بالسخونة المهم تكشف على المياه في القربة تكون ناقصة حوالي الربع و في الريداتير لحد الزور
كل يوم و برده مقاس الزيت مسموح يعلى منسوب الزيت فوق العلامة بحوالي 3-5 مم و ده عادي اكتر من كدة العربية ممكن تدخن من الشكمان
و وانت سايق تكون عينك على عداد الحرارة لو قرب من المنطقة الحمراء يفضل تقف و تبطل العربية شوية يعني لما يوصل للربع الاخير من المؤشر

**magyver** · 01-07-2009 04:49 AM

المشاركة الأصلية كتبت بواسطة aYaBooY

كل ديه اعراض طبيعية في الجو ده في الـ128 و هاتيجي عليك اوقات في 7 و 8 لو ركنت في الشمس مش هاتعرف تلمس الدركسيون
و موضوع انك لما بتفتح الكبوت تلاقي صهد عادي امال حضرتك متخيل ايه هاتلاقيه حوض مكيف
موضوع انك بتحس بسخونة على رجليك او عند الدواسات ده برده عادي مع رداءة تقفيل السيارة و عدم وجود عازل بين الموتور و بين جسم العربية
و وجود فتحات كتير بين الحوض _ مكان الموتور _ و الصالون كل ده بيخليك تحس بموضوع الحرارة ديه و علاجة عادتا مش بيجيب النتيجة الموازية للتمن الي هايدفع و الوقت الي هاتقضيه عند سمو الباشا السروجي
و الف مبروك العربية و متعدش تتخض عليها كل شوية اكيد في الجو المهبب ده لازم كل حاجة تسخن و طبعا لازم انت تحس بالسخونة المهم تكشف على المياه في القربة تكون ناقصة حوالي الربع و في الريداتير لحد الزور
كل يوم و برده مقاس الزيت مسموح يعلى منسوب الزيت فوق العلامة بحوالي 3-5 مم و ده عادي اكتر من كدة العربية ممكن تدخن من الشكمان
و وانت سايق تكون عينك على عداد الحرارة لو قرب من المنطقة الحمراء يفضل تقف و تبطل العربية شوية يعني لما يوصل للربع الاخير من المؤشر

اللة ينور ياجميييل

**abdouz** · 01-07-2009 03:35 PM

طبعا خبرة اخى ayabooy معلومات جامدة فى الحر والعربيات بس عايز اضيف معلومة ان الفيات عموما حرارة عند 90 درجة طبيعى وممكن تنزل شوية وترجع الى 90 بس الخطورة انها تعدى 95 هنا دة مش طبيعى ولازم تشوف الدنيا عند متخصص