طبعا كلنا شفنا الصورة دى فى وسائل إعلامية مختلفة من زمان و لحد دلوقتى و كلنا برده عارفين قصة الرحلة العظيمة اللى غيرت تاريخ البشرية مش من حيث النتائج طبعا بس من حيث إمكانية حدوثها أصلا و هى صعود الإنسان إلى القمر بس الرابط اللى تحت ده فيه تقرير بالصور لو صح تبقى دى أكبر كدبة حصلت فى التاريخ و طبعا أنا مش بقر بصحة الكلام بس عايز رأى الأعضاء و تعليقهم على الموضوع
أكذوبة السير على القمر
http://www.msatta.com/moon.html
موضوع حقيقة ام كذب رحلة ابوللو من الموضوعات الجدلية التى اخذت حيزا لا بأس به من الثقافة البشرية ، مثله مثل موضوعات جدلية كثيرة كمخلوق روزويل الفضائى و محارق الهولوكوست و حقيقة موت إلفيس بريسلى واشياء اخرى مشابهة
ده رابط لموضوع انا كنت كتبته عن هذه الجدليات المتعددة ومن ضمنها موضوع ابولو
http://sab3awyat.blogspot.com/2009/0...post_6732.html
واسمح لى اقتبس منه هذة الفقرة:
"توجد كثير من الأمور التى يعتبرها الغالبية الساحقة من البشر امورا مسلما بها ، ومع ذلك نجد من يجادل فى حقيقتها ويقدم اسانيد قوية جدا تنقى ما نعتبره جميعا من الحقائق ،وهذة امثلة لهذة الجدليات العالمية:
1- توجد فئة من الناس تصر تماما على أن الامريكان لم يصلوا الى القمر ويقدمون ادلة قوية جدا على ان صور الأمريكان على القمر كلها متفبركة ، وتقوم ادلتهم بالأساس على نقد اتجاهات النور والظل وبعض التفاصيل الموجودة فى صور بعثات القمر والتى يقيمونها دليلا على ان هذة الصور مأخوذة فى استوديو ،والعملية كلها كانت تمثيلية لاثبات التفوق على تكنولوجيا الفضاء الروسية التى سبقت الامريكان فى تلك الحقبة بارسال اول كائنات حية الى الفضاء واول رجل الى الفضاء واول قمر صناعى، وجدالهم مع باقى البشر الذين يصدقون قصة ان الأمريكان وصلوا الى القمر جدال طويل ومسلى جدا"
يا عم دى ناس تعبانة و كدابة و ضحكت على العالم كله..... قمر ايه و بتاع ايه...... ههههههههههه
هو حد ينفع يمشى على القمر اصلا.......هههههههههههه....... سيبك انت احنا اللى جامدين اوى...... احنا اجدع ناس........ههههههههههه
شوية ملاحظات على الماشى :
1-" إن الفضاء ينتشر به آشعة قاتلة ومميتة لنا هي آشعة Van Allen والتي يعتقد أنها تصدر من الشمس والنجوم"
الكلام ده مش دقيق , و Van Allen ده عالم اكتشف حزام من الاشعاعات حول الارض , و زيه زى اى اشعاع فى الدنيا لو الانسان اتعرض له كتير حيبتدى يمرض و يموت فى النهاية , و التاثير الاكبر بيبقى على المعدات و الاجهزة الالكترونية زى ما بيحصل مع ال Solar Flares
2- الصور بتاعة التسمم الاشعاعى , واضح انهم اسيويين , و تقديرى الشخصى ان دى صور ضحايا الحرب العالمية التانيه مش رواد فضاء
3- ببحث سريع على الانترنت , لقيت كذا درجة حرارة , من -233 الى 123 , -233 الى 253
و الله اعلم يمكن لو دورت تانى الاقى درجات تانية
4- فيلم Capricorn One انتاج 1978 مش الستينات
انا اخر مرة شفت التسجيل بتاع الهبوط القمرى من اكتر من 10 سنين , حادور عليه و احط اللينك برضو عشان الناس تستفيد
كله بيمثل على كله
و يا ريت لو حد عنده خلفية يقولنا مين هو محمد سمير عطا ؟؟؟
الموقع بتاعه مافيهوش اى بيانات مفيده عشان القارئ يعرف هو مين و خلفيته العلميه ايه
و بيقول انه مسجل حاجة و ستين ابتكار و اختراع و اللينك بتاع الابتكارات دى مش شغال ( تدوس و لا كأنك عملت حاجة )
وعلى الانترنت ملقتش اى حاجة ليها قيمة اكتر من اللى فى الموقع بتاعه ( يالعربى و الانجليزى )
و بالمناسبة هو اللى عامل الكتاب بتاع قوم عاد اللى بنوا الهرم
حقيقه ام خيال
هما كده كده سابقين
ب30 ............... 40
قول 50 سنه ضوئيه
لو كانو قدرو يضحكو على العالم من 50 سنه
ويقنعو الدنيا كلها انهم طلعو القمر على خلاف الحقيقه
او لو كانو عملو كده فعلا
فى الحالتين
هما عندهم خطه
وعندهم القدره على التنفيذ