اقتباس المشاركة الأصلية كتبت بواسطة ehab77 مشاهدة المشاركة
انا كنت عايز اعرف يااستاذ ممدوح ايه اللى يخلينى اشترى جديد 375ج ؟؟؟؟
اللى انا فهمته انه فكرت عمل العلايا انها بترفع العربية زى السوست بالظبط.
وطالما ان الواحد حيرفع العربية 2سم حيبقى مفيش ضرر على المساعدين او علب الشاسية او فى راحة الركاب ( زى ماقال محمد عبده شخصيا )
انا مقتنع ان السوست اللى عندى تعبت من جراء اللى كنت بعمله فيها ( كنت بحمل 3 اشخاص على الكنبه وبشيل شوال اسمنت وجبس فى الشنطة ...الخ ايام ماكنت بجهز الشقة بتاعتى) لكن انا مستحرم اجيب سوست 375ج وانا لسه دافع حوالى 1000ج فى المساعدين والبطاحات وبيض الدركسيون والمصنعية.
ممكن تقنعنى برايك
وجزاك الله خيرا
وشكرا
طيب و هى السوست وطيت اصلا ليه؟؟؟

لانها فقدت جزء من قوتها و بالتالى مبقتش قادرة ترفع العربية للوضع الطبيعى بتاعها... لما انت تركب علايات يبقى انت بتعالج العرض مش المرض... لو القصة ارتفاع و بس يبقى شيل السوست و حط مكانها قالبين طوب و العربية عمرها ما حتوطى تانى

الفكرة هى رد فعل السوستة لما تدخل ملف او تاخد مطب... لو السوستة مش بالقوة المطلوبة حيزيد تمايل العربية فى الملفات و حيبقى فيه فرصة اكبر ان توازن العربية يختل

القصة مش ارتفاع و بس... القصة اداء... و طالما السوستة وطيت يبقى السوتة بقت ضعيفة و مش حتقدر تؤدى الشغل المطلوب منها

MMamdouh