عند ارتكابك مخالفة ايهما تفضل: سحب الرخصة ام دفع المخالفة فورى؟
عرض للطباعة
عند ارتكابك مخالفة ايهما تفضل: سحب الرخصة ام دفع المخالفة فورى؟
الدفع الفورى - علشان العطله وقله القيمه والطوابير
انا عن نفسى بحب انى اهين قرشى و لا اهين نفسى مع اخواننا اياهم......
هيا دفع المخالفة فوري احسن طبعا
بس لو الواحد مش معاة وقتها فلوس تكمل هايضطر يديهم الرخص:_Alshmokh11:
متنسوش الاستطلاع يا جماعة..... لغاية دلوقتى احنا 3 مؤيدين للدفع الفورى بس انا بس اللى جاوبت فى الاستطلاع....
انا عن نفسى بدفع العشريين جنية المطبقة رشوة يعنى عشان ولا ياخد الرخص ولا ادفع غرامة لانة مش هيستفيد من دفعى للغرامة لكن هيستفيد اكثر بلعشريين جنية وربنا يخلى أمناء الشرطة ويرحمك يا عم سيد:stink[1]::stink[1]:
الاستطلاع كان المفروض يبقى كدة
سحب الرخصة
الدفع فورى
دفع رشوة
انت لو ليك وسطة فى المرور ومش اى وسطة سيب الرخص وكلم وستطك هتجيب الرخصة انما لو ملكش ادفع
لو هادفع مخالفة لازم نكون بوصل عشان اضمن انها مراحتش في جيب حد
بس والله برضه مش هاكون متأكد انها اتوردت للخازنة
ندفع طبعافورا لان كده كده هندفع
الدفع الفورى سيد الأخلاق
نفسي نعمل زي برة لو في مخالفة يديك وصل تدفع الغرامة في مدة معيبنة وليكن اسبوع ولو فات المعياد تدفع زيادة (غرامة تأخير مثلا)
ماهو كده الفلوس هتدفع هتدفع بدل ما يعذبوا الناس والطوابير والشباك اللي يفتح ساعه والموظف يهرب والحاجات اللي عارفنها
بصراحة انا مش شايف ان دول "اخواتنا" زي ما حضرتك كاتباقتباس:
انا عن نفسى بحب انى اهين قرشى و لا اهين نفسى مع اخواننا اياهم......
و بصراحة انا بكرههم كلهم (بكل فئاتهم و رتبهم و اجهزتهم) من كل قلبي ...
و كل يوم بدعي عليهم.
ادفع و اقصر
بس بعد مااتصرف و اغلب خالصصصص
الدفع الفورى و عن تجربة
أنا والدى ظابط بالمعاش أول مرة رخصتى اتسحبت قلت أكلمه هيجيبهالى من غير حاجة صحيح ما دفعتش المخالفة فى النهاية بس قعدت 3 أسابيع لحد ما جبت الرخصة عشان البهوات ضيعوهاو هما بيبعتوها على المرور بتاعى و 3 أسابيع بيدورا راحت غلط على مرور إبه
اكيد الدفع الفورى
+111111111111اقتباس:
هيا دفع المخالفة فوري احسن طبعا
بس لو الواحد مش معاة وقتها فلوس تكمل هايضطر يديهم الرخص:_alshmokh11:
الدفع الفورى أرحم من الطوابير وقلة القبمة مع ناس ملهاش قيمة
الدفع الفورى
دفع فورى بلا قلة قيمة فى البحث عن الرخصة فى مراحيض المرور ومكاتبه.
لو معاك واسطه خلاص اشطه اوي ياخودها يومين يشبع بيها و انا هاعرف اجيبها ازاي من غير شحططته و فلوس كتير و طوابير
بس لو معاكشي واسطه ادفع فوري و خلاص
الدفع طبعا..........
ابعد عن المرور و غنيله........
بس ما يكونش موت و خراب ديار يعني دفع مخالفة و عليها شاي لل(أمين) أللي مش عارف مسمينه امين بأمارة ايه!!!!
المفروض يغيروا الأسم ده خالص!!!!
اختيار ثالث خارج الاستطلاع و هو : أحترم نفسى و ألتزم بالقانون , وده هايجنبنى الدفع الفورى أو سحب الرخصة ..
لو وقع المحظور - أفضل الاختيار الثانى , أحلى المرين و هو الدفع الفورى و ده برده علشان أحترم آدميتى ..
اعمل 3 اربع رخص بدل فاقد
وخبيهم في المحفظة
ولو سحب قيادة
ياخدها و مع الف سلامة
القرار في الموضوع ده باخده بناءا على المكان اللي حصلت فيه المخالفة أو "التلكيكة"
يعنى لو أنا في منطقة نفوذ " في واسطة" باخلي الباشا يسحب الرخصة لآني باجبها تاني يوم
لو في وسط الصحراء اثناء السفر و كده يبقى لابد من الدفع بس طبعا بسمع الباشا كلمتين حلوين و خصوصا لو في تلكيك
طب انا حظي بقي في المرتين اللي اتسحبت رخصتي مع ظباط الاتنين مقدم وبينشنو معايا
ولا رشوة بتنفع ولا حاجة
وفي اخر مرة المبلغ مكملش كانت غرامة الرادار 150 ومعايا 135 لما كنت هتنقط
وقلتلو ممعييش غيرهم قللي سحب رخص يافندم وابقي ادفعيهم علي راحتك
وفي الاخر الرخصة جتللي لحد عندي ومدفعتش غرامة d;
دفع رشوة