والله إحنا اللي بنخلي الوكلاء الحراميه يعملوا كده ... فين الكلام اللي كنا بنقوله وحملة خلوها تصدي
يلا ما علينا .. بس بجد إنتوا اللي تستاهلوا كده
عرض للطباعة
والله إحنا اللي بنخلي الوكلاء الحراميه يعملوا كده ... فين الكلام اللي كنا بنقوله وحملة خلوها تصدي
يلا ما علينا .. بس بجد إنتوا اللي تستاهلوا كده
يا جماعة أنا اتصلت بجهاز حماية المستهلك قالولى انهم غير مختصين بموضوع الأسعار لكنهم مختصين بموضوع التسليم بس أنا ماظنش انهم يقدروا يعملوا حاجة لأن للأسف ميعاد التسليم غير مدون على أمر الشراء (صياعة من الوكيل)
انا في نقط عايز اتكلم اوضحها :
1 - يوجد موقف غير شريف تماما من الوكيل أو بعض الأشخاص في منظومة عمل الوكيل و يجب التصدي له عن طريق ارسال فاكسات (سات) الى موظف كبير في المبيعات مش من الناس اللي بتاكل من التجار .
2 - ان كان الوكيل يرى على السيارة اقبال و انها تستحق الزيادة ...فلماذا لا يتعامل بشفافية و يحفظ شرفه التجاري و يقوم برفع السعر رسميا ...و تبقى العربية بقد كده و تنافس بقى بسعرها الجديد (انا الحقيقة شايف انها هاتنافس برضه بس مش دي النقطة) . النقطة ان التعامل يكون واضح و يليق بسمعة شركة كبيرة مرمغ مسؤلو مبيعاتها سمعتها الطيبة في الوحل لأول مرة.
يعنى العربية سعرها كذا ...و هاتستلم يوم كذا ...ومواصفاتها كذا ...و كوري ...و انت تشتري أو ماتشتريش ده يرجعلك
3 - الشركة بتلعب لعبة صغيرة عليها قوي ..انها تنزل العربية بسعر منافس ...و تبقى ميزة و اتخمت ان سعرها منافس فالزبون يحجز ..و يبيع عربيته أو يوضب اموره على العربية دي ...و بعدين ..نبيع ونشتري فيه بقى (ماهو بقى تحت ضرسنا) و نلبسهالو بالسعر اللي في بالنا .
4 - ماحدش يحجز عربية بدون تحديد تاريخ استلام ولو تقريبي في الوصل ...تحت أي ظرف ..لأنك مش هاتاخد بيه حاجة من غير تاريخ .
5 - حقيقة اراها رؤي العين ...العربية هاتغلى ..بشكل رسمي او من تحت الترابيزة لسببين : الأول ان العربية تستاهل . التاني الإقبال اللي ممكن يغلي توكتوك من 4000 جنيه الى 15000 جنيه لو حد فاكر
المهم ان اللي عاجباه العربية ...يشوفها ..تساوي السعر الجديد ولا لأ ...ماتساويش ..اسحب فلوسك وهات تيدا أو سيتي ..أو زود وهات حتة ياباني من اللي بتعيش و تعمر و سيبك من الكوري و الحاجات دي
6 - كلامي ليس دعوة للتهاون في الحق ..يعني ما يبقاش واحد حاجز من شهر 3 و نقوله معلش حصل خير خد فلوسك و روح
لأ ...جهاز حماية المستهلك
نفتح موضوع للسادة الأعضاء الحاجزين
و يصوروا وصولاتهم و نرفقها بفاكسات للجهاز (حتى لو بدون تاريخ هو يعني كان هبل ...مالعربية مرطرطة في المعارض)
ولو على الأقل اخواننا يستلموا و ادي وش الضيف
نعمل توعية للي عايز يحجز جديد بحكاية التاريخ دي ...أو نجيب خليجي ..أو بلاها سيراتو خالص ..ممكن بالتمن بتاعها تركب عربية استعمال نظيف شارك او ميجان او مازدا ولما تبقى العربية متاحة ابقى بيع التانية و مش هاتخسر كتير ...وممكت التانية تعجبك و تنسى السيراتو دي خالص
تحياتي
الاوفر برايس و صل 7000 جنيه .........حسبنا الله و نعم الوكيل.........مش عايز سيراتو!!!!
شكرا على المشاركه الجميله للأعضاء..أحمد سامى (هايل)
-يبقى كده نبدأ نرتب أفكارنا حتى الان
1- لا بد من أن الاعضاء اللى حيجزوا اى سياره (أى نوع) يتأكدوا من ان ايصال الاستلام مقيد به تاريخ تسليم السياره ولو تقريبى ..وذلك لحفاظ حقوقهم لدى جهاز حمايه المستهلك)
2- انت الاقوى مش الوكيل أو الموزع ( يعنى احنا اللى بنحرك السوق احنا القوى الشرائيه وبالتالى مفيش مشكله لو نحاول عند حجز السياره أخذ راى الاعضاء بالمنتدى على أحسن موزع فى التعامل وممكن بالتالى نستفيد ..وأعتقد ان لو فيه موزع محترم او اكثر حيستفيد هو كمان من رأى أعضاء المنتدى)..وانا حطرح أستفتاء لكل الاعضاء عمن هو الموزع أو التوكيل المثالى ...كل شهر ...وليه؟؟؟؟.
3- تفعيل حمله لا للاوفر برايس بشكل جدى ..ودى بأحياء ثقافه المجتمع (يعنى مثلا مفيش ابن بلد وجدع ذى الاعضاء بتوعنا يضحك عليه مثلا او يقول بمزاجى ..دى حتى تبقى عيبه ولا ايه :Ta_clap[1]:)..
فى انتظار مشاركتكم واراكم اللى أعتقد انها مهمه جدا لأن كل واحد فينا بيطرح فكره أو نصيحه بتفيدنا كلنا و ده أكتر حاجه عجبانى فى المنتدى..
بقول ايه ياحماعه انا بكره حكلم هوندا وححجز السيتى
هو ايه الكماليات اللى فى السيراتو ومش فى السيتى
السيتى فيها abs و airbags خامات داخليه انضف بكتير من السيراتو انا مش لاقى حاحه فى السيراتو مش موجوده فى السيتى لو انا غلطان حد يصححلى وعلى فكره انا بقارن سيراتو sx بالسيتى
هوندا سفيك مستعمله برقبتها انا فيه واحد مخلص واحده 2007 بحاله ممتازه ب 100 الف بس
ارجو انكم تيصوا بصة على الموضوع ده:
http://www.nilemotors.net/Nile/showthread.php?t=69441
ولكم تحياتي