الموضوع: اللى محروق دمه يشارك..ما البديل للسيراتو؟

المشاركة الأصلية كتبت بواسطة y2y1500

وايه لزمته الفوج لايت مش سبب جوهرى انى ماشتريش السيتى لأنى اكيد مش هاسوقها فى عاصمة الضباب (لندن)
عموما دى اذواق فى الاول والاخر زى ما سبق وقولنا

يا استاذى العزيز انا مش هافضل عربيه عن عربيه عشان الفوج لايت

انا بس بادى مثال عن ابسط حاجه فى الكماليات ومستخسرين يحطوها فى العربيه

واعتقد انى وضحت فى المشاركه السابقه اسبابى لاختيار السيراتو عن غيرها

وأكيد مش بسبب الفوج لايت

المشاركة الأصلية كتبت بواسطة mohamed_momi88

بس انت مش شايف ان سعرها مغالي فيه شوية يعني المفروض يبقي اقل من كدة حوالي 15000 جنيه
لان برضة صربعه الناس عليها مخلي التوكيل يبيع و يشتري في الناس
العربيه حلوة و امكانياتها حلوة بس فيي رايي سعرها المفروض يقل و دة مش هيحصل الا لما التوكيل يتقرس من الناس شوية
يعني كام شكوي لحمايه المستهلك علي كام واحد يسحب الحجز التوكيل يتربي شوية
لان علي فكرة اللينيا سعرها نزل 20000 جنيه لان الناس مش مقبله عليها
و قيس علي كدة السوزوكي ال sx4

أقل من كدا 15 الف جنيه ؟

يعنى السيراتو تبدأ من 82 الف والهاى لاين تبقى ب 111 الف ؟

مستحيل طبعا

أولا مفيش أى سبب فى الدنيا يخلى الوكيل يعمل كدا

وأديك حضرتك قلت ان العربيات اللى مفيش عليها اقبال بترخص بال 15 وال 20 الف

لكن السيراتو ترخص ليه

دا الناس بتقطع بعضها عشان تستلم بسرعه ومن غير أوفر برايس وهى بالسعر الحالى اللى حضرتك شايف انه مبالغ فيه

عايزها ترخص 15 الف كمان ؟

ساعتها فى حاجتين هايحصلوا أكيد

أولا البلد كلها هاتقف والمرور هايقف من كتر السيراتو فى البلد ( انا شخصيا لو بقت بالسعر دا هانزل أحجز بكره )

ومش بعيد تقرأ فى الجرايد ان واحد قتل واحد عشان يسرق ورقة حجز السيراتو ويستلم قبليه




انا بصراحه مش شايف اى سبب يخليها ترخص

اللى المفروض يرخص العربيات اللى مبيبعش

واللى بيعتمد على اسم وماركه وينزل عربيه مفيهاش مميزات زى السيراتو وكمان ملهاش سوق ولا قطع غيار رخيصه واسعار صيانتها غاليه لا تناسب المستهلك المصرى أو بمعنى أصح أغلب المستهلكين

لو كل الوكلاء وفروا كل العوامل دى فى عربياتهم ساعتها محدش هايستغل المستهلك ويعمل اللى هو عايزه ويبيع بأوفر برايس

بس هو بيعمل كدا ليه ؟ عشان عارف ان فى اقبال

انما لو ليه منافسين كتير بيقدموا نفس المميزات

كلو هايبقى سواء والاسعار هاترخص والسوق يتظبط




اى حد شايف ان السيراتو سعرها مبالغ فيه عشان هى " كيا " أو " كورى " بصفه عامه يبقى مع احترامى ليه بيحكم بطريقه عنصريه حسب بلد الصناعه

العربيه دى لو كانت يابانى و أغلى كمان ماكنش حد اتكلم أو علق

وأكبر دليل على كدا اللانسر بوما

الشعب المصرى بقاله 6 سنين بيشترى فيها وبيعشقها ويبوس ترابها ويقولوا عليها جنيه دهب

ومع انها بنفس سعر السيراتو عمر ما حد قال انها غاليه ( عشان يابانى طبعا ) مع انها حاليا مقارنة بالسيراتو متجيش حاجه جنبها

والسلام عليكم

المشاركة الأصلية كتبت بواسطة mohamed_momi88

انا اساسا ضد ان الواحد يحط فلوسه فيعربيه شكلها منتهي خلاص زي اللنسر بومه يعني اللي عايز يجيبها يجيبها مستعمله لان البومه خلاص تكنولوجيا قديمه فمش هي اللي تتقارن بالسيراتو
السيراتو حلوة جداااااااااااا بس سعرها مغالي فيه جدااااااا يعني لما بتتقارن بالعربيات الجديدة اللي في نفس الفئة الاوروبي و بعض الياباني بصراحه الياباني و الاوربي بيكسب و مش بتكلم علي الاوبشنز لان اللي عايز اوبشنز يجيب m11 اسبيرانزا ((( ابو الفتوح دايما بيحقق الطموح )))) اللي اقصدة ان العربيه مش شوية اوبشنز جوة هي حاجة مهمه جدا بس مش الاساس
يعني لمقارنه بتبقي في الاساسيات يعني
1- 124 حصان عند كام rpm
2- معدل استهلاك البنزين اد ايه
3- عوامل الامان في العربيه لان يا فرحتي اوبشنز كتير و تحصل حادثه لاقدر الله اتعجن جوة العربيه
4- مصاريف صيانه اد ايه و قطع غيار تمنها كام و بتتغير كل اد ايه لان دة يفرق كتير
5- ثبات العربيه
يعني اللينيا و السوزوكي ال sx4 و الكوردوبا بيفرقوا 20000 عن سعر السيراتو اعتقد اني لو وفرتهم هيساعدوا كتير في مصاريف الصيانه و قطع الغيار الزيادة دة لو زيادة فعلا و هيعوضوا كتير برضة في اعادة البيع دة لو مشيت علي كلام حضراتكم و قلت ان اعادة بيع السيراتو كويسة مع انها لسة جديدة و محدش يعرف ايه اعادة البيع بتاعتها
و في نفس سعر السيراتو في الميجان و فيه البرافو برضة قريبه و اداء و تقفيل تاني خالصصصصصصصص
صدقوني السيراتو جميلةةةةةةةةة جدااااااااااااا بس غاليه جداااااااااااااا للاسف و دة نتيجه الاقبال علي الدعايه و الاعلان عنها لو التوكيل اتربي العربيه فعلا هترخص جامد
و انا خايف فعلا في المستقبل ان السعر ينزل جامد و تبقي اعادة البيع دي كابوس علي اللي اشتري

دة كان ردي في موضوعك الجامد الخاص بالمقارنه بين السيراتو و اللانسر بومه

انا من راي ان السيراتو تبتدي من 10000 و تنتهي عند 11000 بالكتير الموضوع مش محتاج كل الاصدارات لان برضة دة اسلوب دعايه رخيص انك تحط اوبشن زيادة و تنزله في فيرجن وحدة

طبعا انا معاك ان مش كل حاجه أوبشنز والا نشترى صينى

لكن السيراتو مش كدا خالص

السيراتو أوبشنز + جوده + عوامل نجاح كتير جدا

وبالنسبه لباقى النقط

1 - السيراتو 124 حصان عند 6300 Rpm

2 - معدل استهلاك البنزين : الصفيحه بتعمل حوالى 230 كم ودا استهلاك ممتاز بالنسبه ل 1600

3 - عوامل الأمان : 2 ايرباج وفرامل Abs وحاصله على 4 نجوم فى اختبارات الأمان

ونفس التقييم دا ( 4 نجوم ) هو تقييم ( هوندا سيفيك - لانسر شارك - مازدا 3 - نيسان تيدا - سوزوكى SX4 )

4 - مصاريف صيانه وقطع غيار أرخص من الأوروبى وممكن تكون بتتغير قبل الأوروبى بس دا ميبررش الاسعار المضاعفه لقطع الغيار الأوروبى

5 - ثبات العربيه ممتاز بشهادة ملاكها وكل من جربها وفى منهم ناس كانت راكبه قبلها عربيات المانى

- الفرق بين اللينيا - SX4 - كوردوبا والسيراتو مش 20 الف خالص

ومتنساش ان ال 3 عربيات اسعارهم الحاليه عروض مش سعر رسمى

يعنى فى اى لحظه لما ينزل موديل 2010 هايكون بأسعار أغلى

غير ان اللينيا مفيش منها اوتوماتيك والسوزوكى كمالياتها قليله لكن حلوه على سعرها الحالى ( 107 ) والكوردوبا ب 115 يعنى مش أرخص ولا حاجه

- اعادة البيع للسيراتو هاتكون عاليه زى غيرها من العربيات المنتشره حاليا فى نفس الفئه ( النترا - بوما )

- الميجان والبرافو عربيات ممتازه لكن فى فئه سعريه مختلفه

- ماتخافش خالص على موضوع انخفاض اسعار السيراتو فى المستقبل لان دا شئ مستحيل