نقل مديرة مستشفي بعد وفاة مريضة رفضت استقبالها ‏بسبب 500‏ جنيه

كفر الشيخ - بالرغم مما تعلنه وزارة الصحة عن رفع درجة الاستعداد في المستشفيات الحكومية لاستقبال اي حالات اشتباه في انفلونزا.
الطيور او الخنازير - ومن اهم اعراضها ارتفاع درجة الحرارة - رفضت مستشفي حميات كفر الشيخ استقبال مواطنة وصلت إليها وهي تعاني من ارتفاع شديد في درجة الحرارة.
وقرر الدكتور أسامة فريد وكيل وزارة الصحة بالمحافظة تعيين الدكتور سعيد خمخم مديرا جديدا لمستشفي الحميات بكفر الشيخ بدلا من
الدكتورة سوزان أبوالعباسي مديرة المستشفي والتي تم نقلها إلي إدارة الحميات بالمديرية.
وجاء القرار بسبب رفض مديرة المستشفي دخول المواطنة فائقة كامل مرقص التي وصلت إلى المستشفى تعاني من ارتفاع شديد في درجة الحرارة وصلت إلى 42‏ درجة.
ورفضت إدارة المستشفي دخول المريضة العناية المركزة إلا بعد دفع مبلغ‏500‏ جنيه ولم يكن هذا المبلغ متوافرا في وقتها مع أقاربها وتوفيت بعد عدة ساعات بسبب التهاب في المخ للإهمال في علاجها‏.‏
وطلب الدكتور أسامة من المدير الجديد توفير الرعاية الطبية الفائقة للمرضي بصرف النظر عن إمكاناتهم المالية وكذلك لحالات الاشتباه لمرضي إنفلونزا الطيور والخنازير ورفع درجة استعداد المستشفي خلال الفترة المقبلة لمواجهة أي تطورات‏.
المصدر http://www.masrawy.com/News/Egypt/Po.../hospital.aspx

ايه احساسك بعد لما تقرأ الخبر ده خصوصا انه تم في مستشفى حكومي
حسبي الله ونعم الوكيل

الله يلعنهم بجد !!!!

يعنى هى اتنقلت لمستشفى تانية ؟؟؟؟؟؟؟؟؟؟؟؟؟؟
طاب ماهى هتروح المستشفى التانية وبرضة هدخل الى معاة فلوس علشان يتعالج
المفروض انها تتحاكم اداريا بتهمة الامتناع عن اداء عملها
وجنائيا

ياترى العقوبة تبقى النقل بس؟وهتفضل برضه مديرة مستشفى بالغباء و المادية دى!!!
دى كان لازم تتعدم كفاية حسرة اهل المتوفيه!
حسبى الله و نعم الوكيل

يعني هما اللي قدروا عليه انهم ينقلوها!!!!!!! دي المفروض اقل حاجة تتسجن عشان تكون عبرة طيب لو كانت مستشفي خاص كانت عملت ايه؟ محسساني انها حتعلاجها علي حسابها ربنا يرحمنا بقي من الاشكال اللي معندهاش اي احساس او دم

حسبنا الله ونعم الوكيل
انا اتعرضت لنفس الوقف تقريبا
لقيت حالة اصابة فى حادثة وكان الولد واقع فى الشارع والعربية اللى خبطتة جريت
كنت فى القاهرة ........وديتة مستشفى المقاولين طلبوا الف جنية تامين قلتلهم مش معايا رفضوا دخول الحالة رغم ان الولد كان بيتالم جدا
كل اللى عملوة طلبوا اسعاف حكومى عشان ينقلة مستشفى مجانى
واتعمل ليا محضر عشان انا اللى جايبة واتهمونى انى انا اللى خبطتة
بس الحمد للة ربنا ستر وعدت على خير


مش ممكن اللى بيحصل دة
معتقدش ان فى بلد فى العالم كدة .... والله اعلم

اقتباس:

---

المشاركة الأصلية كتبت بواسطة mustang69

يعني هما اللي قدروا عليه انهم ينقلوها!!!!!!! دي المفروض اقل حاجة تتسجن عشان تكون عبرة طيب لو كانت مستشفي خاص كانت عملت ايه؟ محسساني انها حتعلاجها علي حسابها ربنا يرحمنا بقي من الاشكال اللي معندهاش اي احساس او دم

---

بكرة تحصل مع حد من اهلها او ابنائها عشان تعرف و تجرب مدى الحسرة البيحس بيها الاهل!اللهم امين

حسبنا الله ونعم الوكيل

نقل ؟
!!!!!!!!!!!!!

نقل بس ؟
بجد مفيش مستشفيات في مصر اساساً

لاحول ولا قوة الا بالله
هى الناس دى مش بتحس معنههومش قلب مفيش احساس بالام الناس ومفيش تقدير لظروفهم

ربنا ينتقم منها
لكن النقل مش عقوبة كافية دى كانت لازم تترفد على اقل تقدير

نقل؟
يشيلوها على نقالة ان شاء الله
اشكال ضالة عاوزة الحرق

المشكلة في اللوائح الحاكمة على هذه المديرة وغيرها
هي تم تقديمها ككبش فداء لمن وضع هذه اللوائح وعشان كده تم نقلها بس ولم توقع عليها عقوية أكبر عشان يسكتوها ويرضوا الرأي العام في نفس الوقت وكأن المشكلة كانت في المديرة

وإن كان المفروض هي تتصرف زي ما بنشوف ناس محترمة بتعرف تتصرف في المواضيع دي
بس هي خافت من المسؤولية

ولو كل واحد في موقع المسؤولية اتصرف بإيجابية الدنيا حتتغير

النوعية دي من المسؤولين بيبقوا فرحانين بالمنصب والشكل الاجتماعي وزيادة المرتب والدنيا تولع بعد كده

اقتباس:

---

المشاركة الأصلية كتبت بواسطة أبو صلاح

ايه احساسك بعد لما تقرأ الخبر ده خصوصا انه تم في مستشفى حكومي
حسبي الله ونعم الوكيل

---

احساسي
حسبي الله ونعم الوكيل في اللي خلا البلد كده

مش عارفه ليه فيه مصريين فقدوا احساسهم ومشاعرهم الانسانية للدرجة دي
ده لو حيوان بيتعذب من الالم وفي ايدينا نرحمه المفروض منتأخرش عنه

مرة وانا في ابوظبي كانت اقامتي منتهية في البطاقة الصحية ولسه بعمل اجراءات التجديد رفضوا يستقبلوني في الطواريء
مجرد م قلتلهم اني بئالي اسبوعين باخد علاج غلط كتبه دكتور عندكم الدنيا اتقلبت ودخلوني فورا مع ان الموضوع مكنش خطير
لكن الفرق في الاحساس بالمسئوليه مش زي عندنا مفيش ادنى احساس
وحسبي الله ونعم الوكيل

اقتباس:

---

واتعمل ليا محضر عشان انا اللى جايبة واتهمونى انى انا اللى خبطتة

---

عشان كده مبقيتش أقف فى أى حادث ...ممكن أكلم 122 وبرضه بيحققوا معايا اسمك ايه وشغال فيين وانت فيين والتليفون بإسمك ولا بإسم ميين وكلام فاضى من ده يكون المصاب راح على مالواحد يجاوب.
بس لو المصاب مات كان هيبقى فيها س ج ن يا جميل بس ربنا بيستر (الحمد لله)
المشكله يا جماعه مش فى الدكتوره المشكله فى اللوائح إلى ممكن تتطبق عليها لو دخلت الست دى من غير فلوس أكيد كان عندها سبب.
بس ده مش مبرر للى حصل ابد ابدا بس انا بحب أحط نفسى مكان الطرف التانى .

ياعنى انا كنت بقف فى اى حادث واحاول اسئل لو أقدر أعمل حاجه.لحد فى مره واحد قريبى حاصله موقف من دول وراح الظابط الموجود فى الحادث وقفه وقاله خد الشاب ده معاك المستشفى وخد منه رخصته وقاله انا الظابط فلان.
المهم قريبى خد الواد أقرب مستشفى وأول ما دخل لاقى أمين شرطه ولا عسكرى وهوب راح ماسكه وإلا مصمم انه هوه إلى خبط الواد
والواد مغمى عليه مابيردش.المهم عامله محضر وقريبى يقلهم الظابط فلان والموضوع وهما ولا هما هنا.
وقعد يجى اسبوع دايخ على الظابط والقسم كل شويه يبعتله واحد فى الشغل وكان موقف .....سئ للغايه.
واتارى الباشا الظابط راح مأموريه مش عارف فين وطنش أخينا ولا أكينه يعرفه.والواد بعد ما فاق ميعرفش ميين إلى خبطه ولا حاجه.بس الحمد لله قريبى لاقى الظابط والموضوع إتحل بس بعد ما دمه نشف وكان ممكن تحصله مشكله كبيره.
ومن ساعتها وانا باتصل بالنجده فقط لا غير ولو الموضوع متأزم جدا أركن بعيد وانزل جرى تانى ومنهم لله إلى كانوا السبب

الصراحة لو كان ده حصل مع حد قريب لى
كان العقاب من جنس العمل
من قتل يقتل
بس