عرض للطباعة
بسم الله الرحمن الرحيم
انا كنت نازل رايح سايبر امبارح وفجاة لقيت كل السيبرات (جمع سيبر)
مقفولة ولما سالت قالولى المصنفات جاية وهاتاخد الحاجات الى عندنا لو فتحنا المحلات
وانا كنت حاطط فى دماغى انى اعمل مشروع سيبر بس لما شفت المنظر الموضوع تراجع شوية
بس انا عاوز اسال هما بتوع المصنفات دول بيجوا يدوروا على اية بالظبط واية المخالف ؟
هم بدور على البرامج المنسوخة و خصوصاً الوندوز و الحل بسيط ان شاء الله
تصريح مصنفات من وزارة الثقافة تقريباً بيكلف 300 جنية كل سنة و كل سنة وانت طيب
وانت طيب وشكرا على الرد السريعاقتباس:
تصريح مصنفات من وزارة الثقافة تقريباً بيكلف 300 جنية كل سنة و كل سنة وانت طيب
والتصريح دة علشان اخدة لازم يكون عندى وندوز وبرامج اصلية ولا ممكن برامج منسوخة ويطلعولى التصريح عليها ؟
يعنى التصريح دة لو انا جبتة اول ما المصنفات تيجى اوريهم التصريح دة ويمشوا ولا اية ؟ وشكرااااا
بص بتوع المصنفات بييجوا بعربية نص نقل ويشيلوا الي يقدروا عليه
ومهما مشيت عدل ورخصت كل حاجة عندك في السيبر ... بردوا هيطلعولك القطط الفطسانة
كنت من كام أسبوع في شركة الكومبيوتر الي بتعامل معاها لقيتهم قافلين باب الشركة والأنوار ، فسألتهم فيه إيه ؟؟
قالوا المصنفات نازلين ، قلتله طب وانت عندك إيه مخالف ، حاجة الكومبيوتر كلها Trademarks
قالى هما بيخشوا الشركة يقلك انت مشغل الجهاز ده ليه على الفاضى ويدفعك غرامة ، الشاشة دي جايبها منين وياخدها
من الآخر بلطجة وقلة أدب
التصريح ده اول خطوه
وده شئ لابد منه
من غيره ها يتعمل لك محضر اداره محل بدون ترخيص وده حكمه سجن وغرامه تصل الى 5000 جنيه ويتم مصادره الاجهزه
وكمان خللى بالك من توافر تراخيص الويندوز للاجهزه لان لو معاك ترخيص اداره ومافيش رخصه ويندوز برده مصادره وغرامه
والجديد ان امن الدوله احيانا بتلزم السايبرات بعمل سجل للرواد وفيه بياناتهم وده صداغ
نصيحه لوجه الله المشروع ده فاشل وكله مشاكل وعائده بقى ضعيف ياريت تشوف غيره
وكمان محلات البلاى ستايشن بينطبق عليها نفس الشروط
شكرا على الردووووووووووود وانا شيلت الموضوع دة خالص لانة كلة مشاكل بجد يعنى ييجى واحد اخلية يكتب اسمة وحضور وغياب دة الكلية ارحم شكرا ليكم على سرعة الرد
اقتباس:
المشاركة الأصلية كتبت بواسطة abdo_eldesokey
هي وصلت لكده؟؟؟؟؟
يعني ايه مشغل الجهاز عالفاضي ؟؟؟؟؟؟؟؟؟؟؟
اقتباس:
المشاركة الأصلية كتبت بواسطة ak1981
أمال انت فاكر البلد سايبة
لا ياباشا الحكومة مش نايمة على ودانها
يبقى أكيد نايمه على جانبها اليمين ههههههاقتباس:
لا ياباشا الحكومة مش نايمة على ودانها
لازم تراخيص وندوز وسجل زوار وعداد كهربا تجارى وتليفون تجارى وبرامج أصليه أو تراخيص البرامج دى وممنوع الرايتر وممنوع طباعه الورق ....وحاجات كلها قرف فى قرف.
ولو عندك ده كله أكيد هيطلعلك حاجه جديده
الحكومة عامله لكل مواطن عفريت علشان يخاف منه وما يلعبش بديله:khd:
يعنى لو عديت من المصنفات
مش هتعدى من التموين ( يعنى فواتير وسلع مجهولة المصدر ولو معلومة المصدر تبقى مش مختومة ولو مختومة تبقى بلد المنشأ مش متكوبة على السلعة من بره او جوه وحوارات كتييييييييير )
لو عديت من التموين يبقى مش هتعدى من المرافق ( ابسط حاجه يقولك اشغال طريق عام )
لو عديت من المرافق مش هتعدى من الضرايب ولا أمن الدولة ولا الصحة
وووووووووووووووووووو
حضرتك فاضى ولا نكمل هههههههههههه
اقتباس:
المشاركة الأصلية كتبت بواسطة abdo_eldesokey
حسبي الله و نعم الوكيل
المصنفات و المرافق = مشاهد من الظلم
بتوع التموين = بتوع المنصفات = أي مفتشين = رشاوى
هايتلكك على أي حاجة علشان يخرج بحاجة من المحل بتاعك ...... و هم أساتذة .
يعني حتى لو أنت ماشي 100 % سليم ...... يقولك أبجني علشان ما أضايقكش و بيطلبوا الفلوس عيني عينك ........
و تحيا ج ع ع
يعني ايه ؟؟؟؟؟؟؟؟؟؟اقتباس:
المشاركة الأصلية كتبت بواسطة tutankhamoun