اية الحل فى النور العالى

**tutankhamoun** · 30-06-2009 07:47 PM

من الآخر
شعب معندوش أخلاق و قمة الأنانية .......يلا نفسي يلا نفسي .
ده أختصار لحال الشعب في سنة 2009 ......... للآسف الشديد .
و أنا بعاني من نفس المشكلة دي و مشاكل تانية أقوى من كدا و كلها بتعتمد على وجود أخلاق و تفكير في الغير .
ربنا يرحمنا و يطلعنا منها على خير ..... علشان تقريبا جبت آخري و كل يوم بجيب آخري مع الناس الفضائية دي ....... شعب غريب .

**pro_samir** · 30-06-2009 08:44 PM

أنسب حل للموضوع دة هوا انك تركب زينون برضو سواء مع النور العالى أو منفصل ولما حد من العالم دى يقابلك نورة فى خلقتة علشان يخلى عندة دم ويحس هوا عامل اية فى البنى أدمين

واللى طالع فى دماغى من فترة بس مكسل اعملها الصراحة انى اركب كشاف نور عالى أو زينون فى الأزاز الخلفى علشان العالم اللى بتمشى فى طريق منور وفاتحة النور العالى ولا عمال يقلب عمال على بطال ، و حاليا اللى بيعمل معايا كدة بوقفة خالص مش بعدية حتى لو كان راكب دبابة مش عربية

فعلا مفيش حل غير كدة

**M.Osman** · 30-06-2009 09:44 PM

المشاركة الأصلية كتبت بواسطة moood

دى بقى الطبيعى بتاع الناس على فكره
هوه جهل منهم
المفترض تتعمل حامله ذكيه بتعريف الناس بطريقه السواقه
أو يختبروا الناس دى فى المرور بجد وأكيد هيسقطوا
على العموم كل واحد يحاول يعرف الناس المحيطه بيه لحد ما نلاقى حل تانى

حضرتك لا حملة ولا اي حاجة هتنفع..
انا مرة كنت راكب مع سواق تاكسي .. بالليل
بقوله انت مش منور النور لية يا اسطى ؟
يقوللي ما الدنيا منورة اهو يا استاذ
.. يا عم يهديك يرضيك .. لازم تنور النور عشان تكون واضح في المرايات و عند التقاطعات و عشان المشاة يكونوا شايفين عربيتك كويس ... إلخ
ولا كأني كلمته .. هو مقتنع ان طالما شايف يبقى خلاص مالوش لازمة..

الموضوع محتاج أجيال
و بصراحة حاجة تكسف انك تروح اي دولة من اللي مش مكملين 50 سنة على وش الدنيا و عارفين يستخدموا النور و إحنا فخورين باجدادنا و بس !!...

**thegoodhacker** · 30-06-2009 11:00 PM

المشاركة الأصلية كتبت بواسطة pro_samir

أنسب حل للموضوع دة هوا انك تركب زينون برضو سواء مع النور العالى أو منفصل ولما حد من العالم دى يقابلك نورة فى خلقتة علشان يخلى عندة دم ويحس هوا عامل اية فى البنى أدمين

انا عندي نور عالي و بس و بامشي باحترام مع الناس المحترمين اما لو بني ادم غير محترم و جاي في وشي و سايب النور العالي و مش مخليني اشوف كويس باعمل زيه علشان يبقي عمي بعمي....

**mahfouz1983** · 01-07-2009 12:47 AM

يا جماعه الطريق الي بيتكلم عليه من اخطر الطرق في مصر وكثرت فيه الحوادث والله العظيم 4 شباب جيراني علي نفس الطريق من يومن اتنين ماتو كلهم بسبب سؤ الطريق وغيرهم 4 كمان في نفس الحادثه حرام الي بيحصل في الطريق دا والله يغني 8 وكلهم من الشباب في يوم واحد زنبهم ايه انهم رايحن جمصه

**ehabbasha30** · 01-07-2009 11:02 AM

المشاركة الأصلية كتبت بواسطة pro_samir

أنسب حل للموضوع دة هوا انك تركب زينون برضو سواء مع النور العالى أو منفصل ولما حد من العالم دى يقابلك نورة فى خلقتة علشان يخلى عندة دم ويحس هوا عامل اية فى البنى أدمين

واللى طالع فى دماغى من فترة بس مكسل اعملها الصراحة انى اركب كشاف نور عالى أو زينون فى الأزاز الخلفى علشان العالم اللى بتمشى فى طريق منور وفاتحة النور العالى ولا عمال يقلب عمال على بطال ، و حاليا اللى بيعمل معايا كدة بوقفة خالص مش بعدية حتى لو كان راكب دبابة مش عربية

فعلا مفيش حل غير كدة

ناس كتير جدا قالولى كدة بس انا مستحرم برضو ... مش بحب أضايق الناس باللى بيضايقنى عشان محدش يدعى عليا دعوة.......... ولو ان الناس دى تستاهل اكتر من كدة
والله مرة ماشى فى وسط البلد ولقيت واحد ضارب العالى وماشى ..الظاهر كان لسة مركب الزينون جديد وفرحان بية
جيت جنبة قلتلة حرام عليك عينى اطفية عشان محدش يدعى عليك دعوة وحشة
بصلى كأنى رجل متخلف من كوكب تانى
قلتلة روح يا شيخ حسبى الله ونعم الوكيل فيك ومشيت .... المهم راقبتة فضل برضو منور العالى ولا كأن حد كلمة ........ منتهى البرود والتناحة

المشاركة الأصلية كتبت بواسطة moood

بس الواحد خايف يعميه و يلبسه فى حاجه ويبقى ذنبه فى رقبتى

بالظبط دة برضو تفكيرى ....وممكن حد يدعى عليك تيجى الدعوة لابسة فى الواحد واحنا مش ناقصين
المشكلة ان فى ناس عاملة كدة فعلا ومش هتصدق عاملاة فين .... فى الزجاج الخلفى عشان اللى جاى من وراة وضارب العالى.... تخيل التفكير المؤذى وصل لحد فين

المشاركة الأصلية كتبت بواسطة successcre8or

حضرتك لا حملة ولا اي حاجة هتنفع..
انا مرة كنت راكب مع سواق تاكسي .. بالليل
بقوله انت مش منور النور لية يا اسطى ؟
يقوللي ما الدنيا منورة اهو يا استاذ
.. يا عم يهديك يرضيك .. لازم تنور النور عشان تكون واضح في المرايات و عند التقاطعات و عشان المشاة يكونوا شايفين عربيتك كويس ... إلخ
ولا كأني كلمته .. هو مقتنع ان طالما شايف يبقى خلاص مالوش لازمة..
!...

راجل محترم وياريت كل الناس يكون عندها المخ دة
الناس هترتاح والعصبية هتقل والناس هتشوف قدامها كويس والكل هيرتاح

**ehabbasha30** · 01-07-2009 11:08 AM

المشاركة الأصلية كتبت بواسطة pro_samir

أنسب حل للموضوع دة هوا انك تركب زينون برضو سواء مع النور العالى أو منفصل ولما حد من العالم دى يقابلك نورة فى خلقتة علشان يخلى عندة دم ويحس هوا عامل اية فى البنى أدمين

واللى طالع فى دماغى من فترة بس مكسل اعملها الصراحة انى اركب كشاف نور عالى أو زينون فى الأزاز الخلفى علشان العالم اللى بتمشى فى طريق منور وفاتحة النور العالى ولا عمال يقلب عمال على بطال ، و حاليا اللى بيعمل معايا كدة بوقفة خالص مش بعدية حتى لو كان راكب دبابة مش عربية

فعلا مفيش حل غير كدة

والله فى ناس عاملاها فعلا
بس يا أخى حرام عشان حاجتين

اولا - مش هيبقى متوقع النور دة فاكيد اكيد هيسببلة عمى مؤقت لمدة ثوانى وساعتها ممكن تحصل كارثة وتكون انت السبب فيها
ثانيا- اكيد هيبقى فى عربيات تانية ماشية وراك ممكن تتأذى من النور دة
بلاش ... الطيب احسن ..... منهم لله وخلاص

عاوزين حل مش رد بالمثل

**nazaryia** · 08-07-2009 08:15 PM

انا ليه حاسس انكوا بتتكلموا عن طريق جمصه القديم
مفيه طريق جديد اللي بيطلعك علي الطريق الدولي ......الطريق اتجاه رايح حارتين و جاي حارتين صحيح مش كله منور بس مش هتلاقي حد جاي في وشك
سلم الله طريقكم و كفاكم شر سياراتكم