اية الحل فى النور العالى

**ehabbasha30** · 30-06-2009 04:25 PM

مش عارف ازاى الناس هتعرف اصول ومبادئ واخلاقيات القيادة الليلية
يعنى انا مركبتش الزينون مخصوص عشان مضايقش اللى قدامى
ومش برفع مستوى الاضاءة لنفس السبب
لكن بلاقى كل العكس من اللى جاى معاكس
وخصوصا خصوصا خصوصا طريق المنصورة جمصة واللى من المنصورة اكيد عارف الموضوع دة

اولا الطريق كحل بالليل مع ان الطريق لسة جديد وعواميد الانارة موجودة بس مش منورة
ثانيا الطريق ضيق جدا وخطير وفية شوية اخطاء فى التصميم ممكن تودى فى داهية لا قدر الله
ثالثا والاهم .... العربيات اللى فى وشك ضاربة النور العالى وماشى كأنة لوحدة فى صحرا....... مهما احكى محدش هيتخيل غير اللى شاف بنفسة
واخص بالذكر بتوع الزينون كل واحد فرحان بالجهاز الزينون وضاربة وكمان مولع الشبورة الزينون يعنى اربع لمبات زينون منورين فى وشك وانت ماشى فى شارع اسود من الظلام .. تفتكر ممكن تشوف الطريق ؟؟؟؟؟؟
ودى مش عربية واحدة ولا اتنين ولا عشرة ... دة اسلوب القيادة فى هذا الطريق
نادر جدا تلاقى واحد عندة زوق وبيفهم يكون منور النور الواطى او لو كان راجل قديم ومحترم ممكن تلاقية يقلب معاك النور عشان كل واحد يشوف قدامة ... والله لما الاقى حد كدة بدعيلة ربنا يكرمة ويسترلة طريقة ...
تخيلوا وصلت لكدة

ياترى اية الحل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

**Imhotep** · 30-06-2009 04:30 PM

على الدائرى و المحور و لان عربيتى عالية شوية فبيبقى مستوى رؤيتى اعلى من السور الفاصل بين الاتجاهين...... وفعلا عينك ما تشوف الا النور...... بعدى اجزاء كبيرة من الطريق وانا معمى من البهوات اللى جايين فى الاتجاه المقابل بزينونهم ببابا غنوجهم..... فعلا و لا ذوق و لا اخلاقيات..... حاجة تقرف و للاسف ملهاش حل لانك مش هتربى الناس دى من تانى لكن الامل فى قانون المرور الجديد اللى يخلى امثال هؤلاء يتلسعوا المخالفة التمام فيعرفوا ان الله حق...... ويراعوا ربنا و خلق الله التانيين من حواليهم.....

**ehabbasha30** · 30-06-2009 04:36 PM

مهما اتعرضت لموقف مشابة لكن لن تتخيل الطريق اللى بقوللك علية
ولو فى حد مستواة ضعيف او متوسط فى القيادة لازم هيعمل حادثة
دة طريق ملعون ... طول مانت ماشى تلاقى حوادث وعربيات مقلوبة مش ممكن ربنا يلطف

انا شابف ان الحل الوحيد هو انارة الطرق بالليل
لا تقوللى مقطورة ولا يحزنون

**Abdo_Eldesokey** · 30-06-2009 04:38 PM

المنصورة دلوقتى الطبيعى فيها بقى الزينون ... الي مش مركب زينون هوا الي مش طبيعى

ده حتى التاكسيات البيجو الـ 504 مركبة زينون

مرور سكة

**M.Osman** · 30-06-2009 05:25 PM

انا كنت عايز اكتب موضوع عن النور و جهل الناس كيفية إستخدامه.
بجد حاجة تزهق.
انا مش عارف امتى الناس هتفهم بقى ان النور العالي بيعمى و ان النور لازم يشتغل بالليل ... بجد مش عارف ؟

حسبي الله و نعم الوكيل في إللي إدالهم رخص و ركبهم عربيات.

تخيلوا معايا كدا...
طريق سريع بالليل
واحد جاهل منور النور العالى وراك ( او الأبيض اللي فاكره زينون و مبسوط بيه ) و جاهل تاني وراك مش منور نور خالص ..
بالله عليكم... مش انتوا اتعلمتوا ان حدقة العين بتتسع و تتضيق ؟
طيب..
ما واحد ضارب عالي بيعمي و التاني جاي طافي النور ( او منور النقطتين اللي بينقطوني دول ) و مش شايفه ..
يا ناس اعمل اية في الناس دي ؟
انزل اكلم كل واحد و اعلمه ؟
و الله مش هيقتنع برضه..

هو جهل.

**magyver** · 30-06-2009 05:38 PM

اها
انا مجربة باماااانة حااااجة ملهااش وصف الا اللي هايجربها

**MoToRiZeR** · 30-06-2009 05:56 PM

أكتر واحد بيستفزني اللي يقلب نور ورايا عشان يعدي .. و بعدين يعلق العالي لحد ما يعدي قال يعني بيحذرني !

طب ما يا غبي انا هشوف الطريق و أعديك إزاي !

انا يومياَ بروح البيت مصدع بسبب النور العالي .. و الله يا جماعة عالدائري أبقي شايف من بعيد ضوء كبير جداَ .. كتلة ضوء متحركة كدة ولا كأنها نيزك و في الأخر يطلع واحد بزينون

**amrico** · 30-06-2009 05:58 PM

المشاركة الأصلية كتبت بواسطة ehabbasha30

مهما اتعرضت لموقف مشابة لكن لن تتخيل الطريق اللى بقوللك علية
ولو فى حد مستواة ضعيف او متوسط فى القيادة لازم هيعمل حادثة
دة طريق ملعون ... طول مانت ماشى تلاقى حوادث وعربيات مقلوبة مش ممكن ربنا يلطف

انا شابف ان الحل الوحيد هو انارة الطرق بالليل
لا تقوللى مقطورة ولا يحزنون

في حل مش عارف هايمشي مع حضرتك ولا لأ
حاول تتجنب انك تمشي على الطريق ده بالليل وبجد المشي على الطريق دا بالليل قمة التهلكة

**ehabbasha30** · 30-06-2009 06:09 PM

غير انى مش بحب السواقة فى الحر والزحمة... للاسف ظروفى مش بتسمحلى غير انى اسوق بالليل
ولو قدامى الاختيارين بختار السواقة بالليل
لكن بالنسبة للطريق دة بالذات بحاول امشى علية اما قبل المغرب على طول او بعد الساعة 2 بالليل عشان تكون العربيات قلت شوية لكن مش دايما بقدر على الوقت دة

بس دة مش حل ........احنا بندفع مستحقات البلد بالكامل وبالغصب او بالرضا بندفعها .. لية مناخدش حقوقنا كاملة زى انارة الطرق مثلا ...... متهيألى الموضوع مش كبير اوى
دة فية فلوس بتتنعزق بالملايين فى الهوا .... من ضمن المصاريف انارة الطرق
والله العظيم والله العظيم احيانا كتير اوى بلاقى عواميد منورة الصبح ومطفية بالليل

**MoOoD** · 30-06-2009 07:37 PM

دى بقى الطبيعى بتاع الناس على فكره
هوه جهل منهم
المفترض تتعمل حامله ذكيه بتعريف الناس بطريقه السواقه
أو يختبروا الناس دى فى المرور بجد وأكيد هيسقطوا
على العموم كل واحد يحاول يعرف الناس المحيطه بيه لحد ما نلاقى حل تانى

الموضوع: اية الحل فى النور العالى

LinkBack

أدوات الموضوع

عرض

اية الحل فى النور العالى - انشر الموضوع فى :

-

-

-

-

-

-

-

المواضيع المتشابهه

النور العالى

النور العالى

النور العالى

النور العالى بيضرب فوق !!!! ):

النور العالى

الكلمات الدلالية لهذا الموضوع

المفضلات

المفضلات

ضوابط المشاركة