الاخـــتيار الصعـــب فى زمن الاوتوماتيك .!!!!!!!!

**hamo2007** · 11-10-2007 08:04 AM

من زمان بعيد كانت الناس بتمشى على رجليها فقط .... ثم تطوروا وبدأوا يستعملوا الحيوانات فى الركوب ...وفى العصور الوسطى كانوا يستعيوا بالسجاجيد وكانت تسمى ببساط الريح... ثم سرعان ما بدأ الانسان يبتكر ويفكر فى طريقة اسرع للتنقل وبدأ عصر العجل والعربات البطيئة نوعا ما مثل الكرنك والمستعجلة وعربيات من ماركة الى يحب النبى يزق بس الانسان مفترى بطبيعته وعجبهوش الحال فصنع القطارات و االطيارات الى ان بدأت مرحلة مختلفة تماما عن الماضى وهى مرحلة العربات الاوتوماتيك وذلك لراحة البنى ادميين فهل فعلا الاوتو ماتيك اريح من الجيربوكس المنيوال ولا ايهما افضل . وده سؤال الحلقة النهاردة ايهما افضل المانيوال ولا الاوتوماتيك ؟ ولماذا ؟ و علل ؟ الاجابة بنعم او لا تتطلب شرح وافى والجوايز ستعلن بعد الاجابة وشكرا

بعد حصة التاريخ المريضة دى عضاء ساعدوا اخوكم قبل ما يدخل على الجغرافيا لانى بدأت اهيسس واهرتل واعمل حركات مش ولابد افيدونى افادكم الله

**hazem_khidr** · 11-10-2007 09:12 AM

سؤال مش سهل.
بالنسبالي لو ربنا كاتبلي اني اعيش مش حفكر اركب اوتوماتيك غير بعد سن ال 45 ولا حاجه علي ما اكون شبعت من النقل و السواقه اللي عمري ما زهقت منها في يوم و لا مليت منها ابدا.المانيوال بيحسسني اني انا برجلي بايدي و العربيه حاجه واحده و دا شعور بحبه جدا بفتقده كتير في الاتوماتيك

**hazem_khidr** · 11-10-2007 09:16 AM

حذف للتكرار

**dreslam** · 11-10-2007 11:54 AM

بس لو تعرف قيمته خاصه في يومين الزحمه دول ولما تخش شارع مليان ناس وتبقى ماشي بسرعه -10 كيلو انا ساعتها بقول لو كان معايا منيوال يبقى خشونه وغضروف في ركبتي:)

**hazem_khidr** · 11-10-2007 11:57 AM

بس لو تعرف قيمته خاصه في يومين الزحمه دول ولما تخش شارع مليان ناس وتبقى ماشي بسرعه -10 كيلو انا ساعتها بقول لو كان معايا منيوال يبقى خشونه وغضروف في ركبتي

ما انا علشان كده بقول بعد سن ال 45 يكون الواحد بدأ يعجز ويه بقي انما دلوقتي مش بيمثل ليا اي مشكله الحمد لله

**modux** · 11-10-2007 11:58 AM

اكيد مانيوال لحد 60 سنة

**yahyanaabil** · 11-10-2007 02:16 PM

حضرتك لو ساكن فى القاهره لازم تشترى اوتوماتيك بسبب الزحمه ز الاشارات
بس فى اسكندريه مفيش زحمه(بالنسبه للقاهرفهيه فاضيه جدا) وكمان الاشارات مش كتير وكمان المانيوال بيديك متعه السواقه

**محمد عبد العزيز** · 11-10-2007 02:29 PM

سؤال مش سهل.
بالنسبالي لو ربنا كاتبلي اني اعيش مش حفكر اركب اوتوماتيك غير بعد سن ال 45 ولا حاجه علي ما اكون شبعت من النقل و السواقه اللي عمري ما زهقت منها في يوم و لا مليت منها ابدا.المانيوال بيحسسني اني انا برجلي بايدي و العربيه حاجه واحده و دا شعور بحبه جدا بفتقده كتير في الاتوماتيك

كلام مظبوط انا افضل المانيوال

**وائل عطية** · 11-10-2007 02:36 PM

بصراحة وبعد تجربة طويلة مع المانيوال أقدر إني أقول " يغور " المانيوال :lol: (وآسف في اللفظ) طالما ساكن في القاهرة
فليسقط المانيوال..وليحيا الأوتوماتيك :lol:

**mohaismail** · 11-10-2007 05:36 PM

بصراحة انا معايا صنى مانيوال شاريها زبرو من 8 شهور وهبيعها واجيب سوبر صالون علشان الاوتوماتيك اريح كتير اوى

الموضوع: الاخـــتيار الصعـــب فى زمن الاوتوماتيك .!!!!!!!!

LinkBack

أدوات الموضوع

عرض

-

-

المواضيع المتشابهه

مقارنة بين الساجا الاوتوماتيك واللوجان الاتوماتيك و الــ byd الاوتوماتيك

ايه الفرق بين النيو سيراتو الLx الاوتوماتيك والنيو سيراتو ال Ex الاوتوماتيك

الفتيس الاوتوماتيك

زيت الاوتوماتيك

الماتركس الاوتوماتيك ولا الأكسنت الاوتوماتيك

الكلمات الدلالية لهذا الموضوع

المفضلات

المفضلات

ضوابط المشاركة