حد عنده معلومات عن بديل العمرات resource engine

**mohamed777** · 30-06-2009 07:02 PM

السلام عليكم ورحمة الله وبركاتة
ياشباب طبعاً اغلبنا سمعنا عن الزيت اللي يضاف الى زيت المحرك وبيعمل على تقليل الخلوصات اللي بتؤدى الى تفويت الزيت الى داخل غرف الاحتراق والمشهور باسم resource engine وبيكون بديل العمرات

ارجو من الاخوة المختصين اللي عندهم معلومات عن هذا الشىء ان يفيدونا برأيهم وهل الكلام ده صحيح ولا لا
واية المركات والانواع الموجوده فى السوق واسعارها اية بقدر الامكان
وجزاكم الله خيرا

**aYaBooY** · 01-07-2009 01:54 PM

انا كمـــــــــان في انتظار الردود

**abdouz** · 01-07-2009 03:11 PM

فعلا موضوع زيت الشنبر دة طرح من قبل داخل المنتدى ولكن مفيش حد اتكلم على الانواع والاسعار؟ بس حسب خبرتى المتوضعة اقدر اقول انه اجراء مؤقت ولكن لا تغنى عن العمرة فى اقرب وقت ومحتاجين حد خبرة فى الموضوع دة

**mohamed777** · 01-07-2009 05:35 PM

يا جماعة انا مش قصدى على زيت الشنبر
زيت الشنبر اللي انتم قصدكم علية عبارة عن زيت ديزل ثقيل اللزوجة
اما بديل العمرات اللي ان اقصدة فدة زيت بيضاف الى زيت المحرك وبية مواد معدنية بتكون زى المواد المصنع منها المحرك ومع الحرارة بتعمل على اعاده ترميم المحرك ومرة اخرى بالشمايز والشنابر فهو بديل للعمرة وليس حل مؤقت او مسكن

فية فرق بين زيت الشمبر والزيت اللي انا اقصده resource engine
ارجو من المختصين الافاده ومدى صلاحية مثل هذة المواد كبديل للعمرة
وجزاكم الله خيرا

**emamphoto** · 01-07-2009 06:27 PM

و الله يا افندم انا اتفرجت من فتره على فيديو في موقع يوتيوب عن هذا المستحضر و هو روسي الصنع و حاولت أدور على الفيديو تاني لكن مش لاقيه للأسف , لكن أعرف واحد استخدمه في عربيه أوكا و قالي إنه بيحسن الأداء بشكل ملحوظ لكن لازم تحطه تاني كل ماتغير زيت المحرك

**mohamed777** · 01-07-2009 07:30 PM

طيب حضرتك ما تعرفش النوع اللي استخدمة كان اية وبكام ومنين جابة؟؟؟؟؟؟؟؟؟
ياريت لو تعرف تبقى تقولنا وجزاك الله خيرا

**ahmed1981** · 02-07-2009 11:17 PM

أنا إستخدمته من مدة طويلة قبل ما ينزل مصر
وكنت شاريه من السعودية
والحقيقة هو ممكن يكون بيزود حبك الموتور اللي حالته معقولة حاجة بسيطة
صعب تلاحظها

لذلك أراه ليس بتك الجدوى المرغوبة منه ولا أنصح به