إزاى أضبط الكاوتش!!!

**hsorogy** · 30-06-2009 07:57 PM

عايز رأيكو
أضبط كاوتش البرسونا على كام زى ماهو مكتوب على الورقةاللى عند باب السواق 31 قدام وى28 ورا
و للا أملاه نيتروجين ولو كده إزاى تظبيطه و على كام
ولو كاوتش فيه نيتروجين نام ينفع أضبطه هوا لحد ما آلاقى حد عنده نيتروجين

**Ayman_52** · 30-06-2009 08:05 PM

انا عامل الكاوتش عندى نيتروجين .... افضل كتير جدا عن الهوا ...

اولا مش محتاج كل يومين تبص عليه وتشوف ناقص ولا زايد

ثانيا مايحسسكش بنشوفية العفشه ... وبيقلله كتير

عيبه بقى ... انك مش هتلاقى فى كل مكان حد يضبطلك نيتروجين

وانا مضبطه عندى زى اللى مكتوب عالقايم (31 -28)

-----

ولو كاوتش نيتروجين زودته هوا عادى جدا ... بس دا هقلل من خواص النيتروجين شويا

وبعد فتره ابقى فضيه واملاه نيتروجين تانى

تحيـــــــــــــــاتـــى

**eslamashour2005** · 30-06-2009 08:36 PM

انا معايا جين تو اما ظيطت الكاوتش زي ما هو مكتوب 31 - 28 كانت العربية ناشفة جدا و سالت في الموضوع ده في التوكيل لقيت ان المشكلة في العجل السيلفرستون بتاع العربية ناشف جدا فلازم يتخفف ضغط الهوا جواه و بعد تجارب عديدة لقيت افضل مقاس 28 قدام و 25 ورا بالنسبة للهوا العادي (وبعدين اكتشفت فرق الكاوتش اما غيرت الكاوتش و ركبت برديجيستون طبعا حسيت بفرق رهيب في المطبات وو بعدين صوت العربية اللي انت بتسمعه و انت بتجري مش صوت الموتور ده صوت احتكاك العجل بالارض لاحظت انه اختفي خالص بعد تغيير العجل العربية فعلا صوتها هدي جدا )

**eslamashour2005** · 30-06-2009 08:39 PM

طبعا كلام الاخوة hsorogy و Ayman_52 زي الفل و النيتروجين افضل بكتير بصراحة نفسي اعمله بس المشكلة اني بسافر البلد كتير و مفيش هناك حد بتاع نيتروجين فده اللي مخليني اشتغل بالهوا العدي و خلاص علي اساس انوا متوفر في اي مكان

**hsorogy** · 30-06-2009 09:39 PM

أنا الكاوتش اللى جايه بى البرسونا عندى Good Eye‏
و شكرا لردكوا
يعنى النتروجين يضبط زى الهوا 31/ 28

**Ayman_52** · 30-06-2009 10:15 PM

بالضبط كده ....

مع انى قريت هنا حد كاتب ان الواحد لما يملى نيتروجين يققله عن الهوا بدرجتين؟؟؟؟؟

مش عارف ليه .... وسالت اكتر من واحد وقالى -لا- طبعا

---

حضرتك باردوا اتاكدلنا كده وانت بتملى النيتروجين

وشوف كده الكام توبيك دوول ... عن النيتروجين

هنــــــــــا

هنـــــــــا

--------
-صحيح ... لو هتملى من -بريدجيستون- نايل موتورز عامل عرض هناك-
--------

بس لازم يكون معاك استيكر

تحيـــــــــــــــاتـــى

**MuhammedSoliman** · 30-06-2009 11:51 PM

انا شغال نيتروجين وضابط زي ما ايمن قال وما فيش مشاكل خالص والنيتروجين على العموم بيبان فى المقاسات الكبير والعريضه أكتر
تحياتى للشباب اللى قالوا معلومات جمده

**Eng. Rafy Samy** · 02-07-2009 10:45 AM

المشاركة الأصلية كتبت بواسطة muhammedsoliman

انا شغال نيتروجين وضابط زي ما ايمن قال وما فيش مشاكل خالص والنيتروجين على العموم بيبان فى المقاسات الكبير والعريضه أكتر
تحياتى للشباب اللى قالوا معلومات جمده

د/ محمد
ممكن تقولي بتحض نيتروجين منين ...؟ وتكلفته كام ..؟
وعندي في الواجا المفروض اظبط على كام 28 ولا 30 ..؟
تحياتي

**MuhammedSoliman** · 02-07-2009 11:17 AM

المشاركة الأصلية كتبت بواسطة rafysamy

د/ محمد
ممكن تقولي بتحض نيتروجين منين ...؟ وتكلفته كام ..؟
وعندي في الواجا المفروض اظبط على كام 28 ولا 30 ..؟
تحياتي

أستاذى العزيز ممكن تملاه من عمرو الحظ اللى فى شارع بورسيعد فى نصه بالضبط على ايدك الشمال وانت نازل على سيدى جابر طبعا فى كذا محل بتوع كويش وجنوط هو اللى فى النص وهتلاقى المحل طبعا مكتوب عليه اسمه والفرده بتتملى بخمسه جنيه يعنى الطقم 20 جنيه هيجيب بوكس كده أحمر فى شفط وطرد هيفرغ الارع حجلات خالص ويرح معبى نيتروجين

بالنسبه بقا للضغط انا مش عارف الواجا نفس مقاس الجين تو ؟؟؟ بص على العموم هتلاقى مقاس الضغط بتاعها مكتوب فى الأغلب على العامود بتاع الباب على الكارته عن العتب ممكن حضرتك تتأكد منها

وتحياتى