حسبي الله ونعم الوكيل =======المصريه للسيارات

**meeedooo** · 30-06-2009 10:06 PM

انا رحت يوم السبت وبعد ما طلع عيني لحد ما لقيت المكان الى بالمناسبه بعيد جدا و كان فعلا عباره عن مزرعه ومش هئولوكو على ريحة المكان كانت عامله ازاي ....
المهم بعد ما وصلت بالسلامه لقيت الامن بيقولي ان شرا المستعمل مش النهارده خالص وانه النهارده للاستبدال بس وبيع المستعمل من الاثنين للخميس من 12 للساعه 8 مساء مش ذي ماقالو ا في الجرايد ....
اداني نمره موبيل و قالي دي خدمه العملاء اتصل بيهم و روحت البيت و حسبيا الله ونعم الوكيل و معلش هبقا اكملكوا ايه المهازل الي دارت لما كلمتهم تاني يوم ...

**Imhotep** · 30-06-2009 10:12 PM

اول ما شفت الاعلان افتكرت على طول انى لا اثق بالمصرية للسيارات على الاطلاق و اديك انت اهه بتأكد اللى انا حسيته...... معلش على المشوار العلقة......

**khaledfox** · 01-07-2009 08:24 AM

حاجه تكسف والله
معلش

**compuland** · 01-07-2009 08:52 AM

الموضوع ده بيفكرنى بنكته قديمه
هوا مافيش فراخ بس ايه رأيك فى النظام

**Elnahrawi** · 01-07-2009 12:21 PM

جهاز حماية المستهلك
http://www.cpa.gov.eg/filling-complain.htm

المفروض الناس تكون إيجابية وتتقدم بشكاوى

**aymoon1974** · 02-07-2009 04:43 PM

محتاجيم نعرف منك ايه اللى بيحصل هناك
ومعلشى هينوبك ثواب فينا لما نعرف التفاصيل

**meeedooo** · 03-07-2009 11:04 AM

سمحوني يا جماعه على التأخير اكملكوا بقه الحوار و المهازل الي دارت في المكالمه الى قمت بيها مع خدمة العملاء ....
اتصلت برقم الموبيل بتاع خدمة العملاء ردت عليا واحده سألتها عن مواعيد العمل عندهم اكدتلي كلام موظف الامن... المهم دخلت في الموضوع و سألتها عن شرا و تقسيط المستعمل قالتلي تدفع 40 % من تمن العربيه و تقسط الباقي= طب يا ستي على كام سنه مش عارفه !!!! طب الفايده كام برده مش عارفه !!!!
اصل همه لسه محددوش النظام و مجربوش على حد .... طب ازاي مش عرفين تقسيط المستعمل هيبقة ازاي و بقالكوا اسبوعين هرينا في الجرايد لا تعليق ...
المهم البنت ادتني رقم موبيل حد من ال direct sales عندهم و قالتلي استفسر منهم على موضوع تقسيط المستعمل اتصلت بالنمره ردت علي انسه تانيه وقالتلي ان المقدم 50% مش 40% زي ما اتقالي قبل كده و ان اقصي مده للسداد 3 سنوات و الفايدة 9.9% من بنك CIB و عرفت منها ان الموضوع لسه ممشيش اوي لانه همه لسه عملين ال deal مع ال CIB و انه هو اساسا مش بيقسط مستعمل بس ده deal معاهم همه بس و على فكره انا موظف في بنك برده ففاهم ده معناه ايه ...
بقيت الحجات عاديه زي تقسيط الزيرو يعني حظر بيع -مصاريف اداريه .....الخ
المشكله بجد انه المدة قصيره اوي 3 سنين تخلي القسط يبقى كبير و ان تحس فعلا انه محدش فاهم حاجه.
معلش انا طوات عليكوا بس انا فعلا دمي محروق من المشوار و البهدله في الحر و طبعا ريحة المكان القذره .
حسبي الله ونعم الوكيل

**egyptianmafia** · 03-07-2009 11:58 AM

ya man ever since they started making the ads for that place they were making in Obour and I knew it would be a total joke and a scam at the same time.....

ma3lesh......