الموضوع: عايزين نوصل حقيقة للناس

ليه بس كده يا عم احمد هيا لما الجمارك تنزل تبقا كارثه طيب ياراجل دانتا ممكن تغير عربيتك و بدل الادا تبقا شاهين و ممكن احسن و من حيث الزحمه فاحنا متعودين بقالنا سنين

لأ هو الأفضل انهم ينقلوا المصالح الحكومية للمناطق الجديدة الواسعة دا هيخفف الأزدحام عن القاهرة بطريقة كبيرة جداا وكمان معظم البنوك دلوقتى بيتخطط انها تنقل فروعها الرئيسية لأكتوبر

أولا علشان تحل المشاكل المتعلقة بالزحام و التكدس السكاني يجب العمل على عدة محاور :
المحور الأول و الأهم : تخفيض أو تثبيت عدد السكان عند حد معين تستطيع المدن القائمة حاليا أستيعابه و أيضا يستطيع سوق العمل أستيعابه .

المحور الثاني : تغيير النظام بالكامل .
النظام الفاسد ....... ما هو إلا بذرة فاسدة و كل شجرة تخرج منها ستكون فاسدة كالبذرة .
بمعنى
النظام الاداري المصري الحالي هو نظام فاشل فاشل فاشل فاشل فاشل فاشل فاشل بكل المقاييس ..... و طبعا الحكومة مش عايزة تزعل الموظفين و تمشي 3/4 لأن فعلا 75 % ملهومش لزمة .
إنما بقى النظام الفاشل إللي أبتلانا به السيد المحترم رحمة الله عليه جمال عبد الناصر هو نظام من أفشل الأنظمة الادارية في التاريخ الإنساني و هو النظام الأشتراكي .
و شعار وظيفة لكل مواطن ...... و تشغيل أبناء العاملين إلى أخره من الشعارات الرنانة الفاشلة التي لا تؤدي إلا إلى الفشل و الهمجية اللي أحنا عايشين فيها .
و طبعا تغيير النظام الحالي ..... في الوقت الراهن يعتبر مستحيل .... لأن العواقب الأجتماعية كبيرة خصوصا أن أحنا دولة بتزيد في السنة مليون أرنب عايز يأكل و عايز يشرب و عايز بيت ....... و هو قاعد في بيتهم من غير ما يفكر في أي حاجة .

طبعا الهجرات العالية للقاهرة بتحصل بسبب أن أكثر الناس انجابا للأطفال هم سُكان الصعيد .......... يليهم سكان الأقاليم ...
و هذه الأماكن لن تستطيع أستعياب كل الأعداد التي تزيد سنويا عليها .......و بالتالي الناس يجب أن تجد لُقمة العيش في مكان آخر .
و من توابع الفشل الاداري ....... أن كل حاجة متمركزة في القاهرة ...... بالاضافة للفساد في الحفاظ على الأراضي الزراعية و تصاريح البناء
فتلاقي أغلب الأحياء العشوائية التي تقام في القاهرة أساسا أغلب سكانها من خارج القاهرة و بسبب الفساد و انتشاره ..... تبور الأراضي الزراعية ...... و تنتشر المنازل القبيحة المنظر التي ليس لها أي شكل جمالي أو تخطيط عمراني .

و النتيجة ........ ضياع مليون فدان من أجود أراضي مصر الزراعية في أخر 20 سنة .
و أنتشار العشوائيات بما تقدمه من قبح ..... و فساد أجتماعي داخلي ..... و تكدس رهيب لعدد كبير من السكان في مكان صغير .


و طبعا لو أستمر الحال على ما هو عليه و ازدياد السيارات و أزديات الناس أنفسهم
سيحدث ........ انفجار لا مفر منه ........

و لحل المشاكل مؤقتا حتى الحل الجذري
يجب وقف البناء تماما تماما تماما تماما تماما تماما تماما في القاهرة الكبرى
و يجب الضرب بيد من حديد لمن يبني على الأراضي الزراعية التي يأكل منها الشعب .
و يجب توعية الناس ...بمشاكل البلاد الحقيقية .
يجب تقديم وسائل مواصلات تحترم آدمية الناس و تقليل الأعتماد على السيارات الخاصة .


الحلول كثيرة ....... و التنفيذ صعب مش سهل و هايخد وقت ......
بس نبدأ ........ هي دي المشكلة .

وهو في حد اصلا من القاهرة
نسبة كبيرة جدا مهاجرين للقاهرة عشان المركزية
انا واحد من مدينة المنصورة وعمري ماهسيب المنصورة مثلا بإذن الله لأن رغم زحامها لا تقارن بالقاهرة وجحيم القاهرة بس اعرف حوالي 5 او 6 اصحابي كانوا زمايلي في الدراسة عايشين دلوقت في القاهرة.
بس الموضوع سهل
اللي مش حابب مكان ميروحوش

طب انا التخصص اللى المفروض اشتغل فيه مش موجود غير فى القاهرة يبقى اعمل ايه