مع انى بحب عمرو بس اختياراته بقت تعبانه وياريت يرجع زى الاول
المشكله ان لو عمرو نزل شريط فاضى الناس هتشتريه وهتشكر فيه
والخوف من بدوى اللى بقى فى الطالع اليومين دول
وربنا يوفق الجرينى لان شريطه اجمد منهم هما ال2
عرض للطباعة
مع انى بحب عمرو بس اختياراته بقت تعبانه وياريت يرجع زى الاول
المشكله ان لو عمرو نزل شريط فاضى الناس هتشتريه وهتشكر فيه
والخوف من بدوى اللى بقى فى الطالع اليومين دول
وربنا يوفق الجرينى لان شريطه اجمد منهم هما ال2
اولا الالبوم متنوع بدرجة كبيرة جداً ومرضى لكل الاذواق
يعنى فيه الاغانى الهاديه بتوزيعات جديدة زى : بعدت ليه ..توزيع جديد بجد ولحن جميل تحس ان الجمله اللحنية نفسها جديدة على الودان ، أه من الفراق مع التوزيع التقليدى وايقاع الدربكه اياه اللى متسجل باسم عمرو واللى عمرو بيلجأ ليه كتير لما بيبقى عايز يوجه انتباهنا وودنا للحن والكلمات بشكل مباشر اكتر من غير ميضيع تركزنا فتوزيعات وتركيبات تكنو ، وحياتى خليكيى اغنية جديدة جداً على عمرو ولازم نعترف ان عمرو بيجيد بشدة اختيار التون والنبرة والطبقة المناسبة للتعبير عن كل جملة موسيقية الاغنية ديت عمرو حط فيها عمره كله ........................توزيع ولحن وكلمات وصوووووووووووووووووت واحساس .... بقدم قلبى والعودة الى الجيتار والايقاع الاسبانى ولعشاقه الايقاع ده واللى نجح عمرو فاغانى كتييير كلمات جميلة وسهله التعبير ولحن هادئ وتوزيع بسيط
ويهمك فى ايه ......وهمهمه من البدايه بتفكرنا ببعترف ...ولحن وجمله لحنيه قوية ....ويهمك فايه؟!!!!!!!!!!....... من اللى قدامى ده واحد معرفوش مبقتش اخاف عليه اسيبه او اجرحوه .....توزيع درامى اوى لايق على التحدى فالكلمات بس كان ممكن يكون احسن ...الاغنية دى كان ممكن لو كان فيها كمان وتكون شرقى اكتر كانت هتبقى تحفت الشريط بجد ...........
دول لحد دلوقت 5 اغانى هادية ....
نيجى بقى للاغانى اللى البعض بيقول عليها اغانى تكنو وتقليد لحماقى ....باماره ايه ....عمرو بيقدم يجماعة موسيقى جديدة بجد علينا فمصر ............كله الا حبيبي ....اول مسمعتها حسيت انى فاسكندرية وقاعد مع الخواجة كرياكو من اليونان ..... لحن فيه روح يونانية من موسيقى زوربا المعروفة متغلف بالايقاع اياه لزوم المصرنة والعمرنة .....تحس انك عايز ترقص رقصة الزوربا وانت بتسمعها عمرو بعد الليلادى مصمم انه ينجح يسمعنا ايقاعات واغانى مصرية بايقاعات عالمية ...وفاصل فالثلث الاخير من الاغنية يؤكد فكره عمرو بشده بصراحة عمرو اجاد............
طمنى واللى بيقول انها اتسربت ومحروقة الاغنية ديت صدمة الشريط بجد لان كل اللى سمع الاعلان وشافه عمره مكان يتخيل ان المقطع ده كوبليه فالاغنية بالشكل ده الاختلاف فى الرأى لايفسد للود قضية بس فعلا دى اخر اغنية ممكن يتقال عليها اتحرقت...مع فاصل موسيقى تكنو وكلمات جميله بصراحة تستاهل تصور كليب الاغنية ديت ...
عوده للايقاع اياه واللى معناه ان عمرو بيقولك اسمع اللحن البسيط والكلمات .....مالك ....ولحن قريب من كان طيب وحتى فى تاوهات عمرو وان كانت كلمات الاغنية جامده وصوت عمرو جميل وبذل مجهود فالاغنية عشان يحاول يبعد عن كان طيب بس فعلاً كان ممكن اللحن يتجدد شوية ...اضعف اغانى الشريط فالالحان والتوزيع .....حلوه الايام وبداية موسيقية تحسسك انك فنيد فور سبيد وجيتار الكترونى ولحن سريع بجد والكلمات بتتغير كل شوية.... مع كوبلية ثابت مكرر ايام حلوه الايام يحبيبى معاك ولا فالاحلام ....لحن سريع بجد وتوزيع أسرع وتخلص الاغنية وتحس انك بتنهج مالجرى ....اغنية صعب تمل انك تسمعها ....
الله على حبك انت ....اغنية خفيفة وبرغم قلة الكلمات وان الجمله لحنية جامده صحيح بس مكرره بس فعلا الاغنية تشدك واذا كان فى حاجة اسمها Eye Catcher فدى ممكن نقول Ear Catcher
عينى وانا شايفه .....وعوده للايقاع الخاطف اللى هيقطع نفسنا ..... لحن جميل وسريع واداء عمرو وتحكمه فطبقات صوته رهيب فعلاً وتوزيع من اقوى توزيعات الالبوم....
وياه ................مفيش كلام يتقال ............................
بعد كل ده يتقال شريط تعبان الشريط ده بيفكرنى بشريط علم قلبى ........عمرو كل يوم بيثبت انه يستاهل المكانه اللى وصلها ...ويستاهل محبت جمهوره ..
ايه ياعم انت مزعل نفسك ليه ده كله خلاص انت 100%
الموضوع مش مستاهل تضيع الوقت ده كله لكتابه كل الردود دى
انا شايفة ان الالبوم حلو جدا و مستواه عالى كالحان و توزيع و كلمات برضو ، كفاية اه من الفراق و يهمك فى ايه ، بجد تحفة ، ده غير طمنى و وياه و عينى و انا شايفه ، البوم تحبه من اول ما تسمعه
و بالنسبة لموضوع تامر
بما انى من محبى عمرو طبعا و مبطيقش حاجة اسمها تامر
الا انى قررت انى اسمع البومه بدون تحيز ، و قلت لو فى اغنية عدلة بجد هقول ، المشكلة انى ملقيتش ، و مستحملتش اسمع اغنية كاملة على بعضها ، و اكبر دليل ان عمر ما هيبقى فى مقارنة اساسا ما بين عمرو و تامر المبيعات ، ده محدش حس بالبوم تامر ده اصلا ، الناس بتنزل تشترى البوم عمرو مخصوص ، تلاقى فيرجين فى سيتى ستارز الناس داخلة تاخد البوم عمرو و طالعة ، و هو ده عمرو دياب ، و يستاهل اللى هو وصله بعد 25 سنة ، ده الهضبة برضو يا جماعة مش اى حد.
مش حلو
هما كام اغنية بس اللي حلوين
البوم تحفة بجد و الالحان فظيييعة عالمية اصلا و طبعا الترانس و التكنو اكيد يعني الي مدخلهم في الاغاني العربي هو عمرو دياب
من اول حبيبي و لا علي بالو و كلو ماشي علي الخطوات الي هو حطها
شريط تامر فاشل بجد الا اغنية و احلم لية
و دة عشان تامر بيحاول يعمل لون جديد عشان هو جامد و اخدها افش عشان مبيخافش ههههههههههههههه
كلمات البوم عمرو حلوة جدا و في اغاني رومانسية و كلاسيك و ترانس
يعني لكول الاذواق
بجد البوم راقي جدا جدا
الله عليك ياعمرو
كمان عمرو تحسه ناضج شوية فى كلماته ، تامر دة تحسه بيكلم بنت البواب.