الموضوع: اكتر حاجه ممكن تضايقك من الاشخاص اللى بيركبوا معاك عربيتك

كل اللي انتوا قولتوه ده كوم وان حد يتريق علي عربيتي كوم تاني
اعمل اللي تعملوا بستحمل واكتم جوايا واحط في قلبي واسكت
انما تتريق علي عربيتي يبقي انزل منها

ان واحد يركب جنبى والاقى رجلية على الكونسول
وان نفسي الى يركب جنبى يرجع الكرسى ويوطى ظهرة ويحسسنى انة كرسى فوتية وانا سواق العيلة بتاعتة
ياسلام بقا لو معاة سيجارة وانا مشغل المكييف ومش راضى يطفيها
لا ولو معديين من جنب مكان زحمة او تجمع بنات او كدة ويفتح الزجاج ويعلى الكاسيت
لا ولو ركب معايا واحد غريب وفضل يفتح فى الطفاية (نفسى اعرف ليية ) ويفتح درج التابلوة ويرفع وينزل فى الزجاج
ولو سألنى العربية دى بكام
ولو مسك زراير الكاسيت وحسسنى انها زراير الة كاتبة
ولو قالى هات المفتاح اريح فى العربية شوية


يبقى يومة اسود فى كحلى فى نبيتى


اخر مرة كانت مع ابن عمى كنا بنلف من جنب مركز دروس ثانوية تقريبا والبنات طالعة من المركز ودة فتح الازاز وعلى الكاسيت على الاخر وهايبتدى يعاكس
رحت ببساطة قلتلة انزل .... ونزلتة قدام المركز
لقيت واحدة كبيرة شكلها مدرسة البنات او والدة واحدة منهم قالتى ( ياريت يابنى الناس كلها زيك كدة الواحدة تتطمن على بناتها فضلت فرحان بالكلمة دى اوىىى مش عارف لية )



ومرة تانى ركب معايا ابن صاحب والدى وكنت باوصلة فلقيتة اول ماركب بيقولى :
هيا يامحمد على كدة عربيتك دى تعملها كام

(مع العلم انها عربية والدى )
فقلتلة وبكل رخامة :
ليييية هو ابوك ناوى يشتريها منى ؟؟؟ فقالى لا
قلتلة خلاص لما تحبوا تشتروها ابقى اسألنى

ومن يومها وهوة مش بيطيقنى

الشماسه بتاعت الراكب
تلاقيه اول ما يركبها ينزلها ويفتح المرايا يعد يتفرج على نفسه هههههههههههههه
او مفيش شمس وينزلها برده بدون داعي
بتجنن من الحركه دي واروح قافلها ويفتحها وهكذا بقى لحد ما ازعق ههههههههههههه وساعات بيفضل قاتحها برده