الموضوع: اكتر حاجه ممكن تضايقك من الاشخاص اللى بيركبوا معاك عربيتك

كلام جميل بس ضيف عليه ان لو واحد معدي جمب العربيه و راح خابطها بأيده بحس انو ضربني علي افايا و بانزل اظبطه و رزعه الباب دي بقا ألي بتنرفزني ما هيا مش عربيتهم بقا

الحاجات اللى ممنوعة الأكل في العربية، ورزعة الباب واللعب في الكاسيت بتضيقنى بس اكثر حاجه بتنرفزنى لما الحاج يقعد جمبى وريحين مشوار و ابقى ماشى عادى مش سريع قوى يقعد يقولى على مهلك .. بعد شويه على فكرة احنا مش مستعجلين يابنى اقوله حاضر ياحاج .. شوية تاني انت بتجرى ومستعجل على اية .. شوية تاني عربية تكلكس ورايا يقولى سيبه سيبه يعدى .. ببقى خلاص عاوز انزل اولع في نفسى وساعات اقوله تجب متيجى حضرتك تسوق احسن انتوا عرفين طبعا الناس الكبيرة في السن عملين ازى

عاااااااااااااااااااااااا اا بجد دمى اتحرق

طبعا معظم اللى بيركب معايا شباب من صحابى فواخدين على بعض بس للاسف مش بيقدرو يفرقو بين الهزار وبين إحداث تلفيات
هقولكم على الى بيحرق دمى
1 - يتاعركو جوه العربية طبعا بركن فى ثوانى وانزل ويا ويله الى ايدى تطوله
2 - عركة على مين الى يقعد قدام بحاول بكل جهدى انى اوصل للباب الامامى واقفله واركن واقفل العربية كلها ومش طالع
3- حد يلعب فى التكييف يوطيه عشان سقعان يعليع عشان حران ولا اكن فيه خروف سايق هو ادرى بعربيته
4 - الى راكب ورايا يدفس رجله فى الكرسى لدرجة ان العربية القديمة كرسي السواق اتكسر مرة من غرس الرجل بغل
5- كل واحد من الى راكبين عايز يسمع حاجة ---- اطفى ال MP3 والكاسيت واخليهم يعيطو
بجد هيجيلى شلل مش قادر اكمل دلوقتى عشان اعصابى تعبت

ممكن محدش يركب معاكو تاني وخلصت ليه حرقت الدم

في اصحاب محترمه و بيحافظوا علي عربيات الناس
و في اصحاب سوء عندهم حقد عشان معاك عربيه و هما لا
و انا جربيت الاتنين
و كان اخيرهم شخص ربنا يسامحه كان اعد ورا اعد بياكل سندويتش و مغرقلي الكرسي بالكاتشاب .
و في المحترم ألي من نفسه ما يرداش ياكل جوه عشان بيحترم عربيه غيره
و علا فكره صاحبي ألي غرقلي الكنبه بالكاتشاب هوا الوحيد ألي كان نفسو ياكل جوه عشان أل ايه الجو ساقعه
و الجو كان فررررررن و الرطوبه عاليه الساعه 2 باليل

المشاركة الأصلية كتبت بواسطة mohamedezat

السلام عليكم

فى حاجه انا بعانى منها قولت طبعا لازم اشارك اخواتى فى المنتدى علشان اشوف انا ببالغ فى الموضوع ده ولا هو ده الطبيعى

المهم الموضوع مش لاقى عنوان مناسب له
بس ببساطه (هو ايه اكتر حاجه ممكن تضايقك من الاشخاص اللى بيركبوا معاك عربيتك)

سيبك من الزوجه ومن الاولاد كلنا عارفين هما بيعملوا ايه
بس انا اقصد اصحابك او حد غريب




انا مثلا الحاجات اللى بتنرفزنى

1* حد يلعب فى الكاسيت
2* اكون مشغل المكيف والاقى واحد فاتحلى الشباك او بيشرب سيجاره
3* طافية السجاير على الدواسات
4* دى بقا بتغيظنى مووووووووووووووووووووت من اللى قاعد جانبى انه يشيل تليفونه وسجايره وحاجاته فى الكونسول او ساند ايده على الكونسول
5* رزعة الباب اللى زى الشاكوش فوق الدماغ
6* اللى قاعد جانبى وعامل شيخ السواقين دوس حاسب فرمل اكبس يمين شويه ,,,,,وهكذا

انتوا بقا ايه اللى بيضايقوا ؟




,

معاك و بتحصلى الحاجات دى و بتغيظنى مووت ماعادا موضوع السجاير عشان انا عندى شرطين لما حد يركب العربية محدش يشرب سجاير او يعمل بمب