الموضوع: اكتر حاجه ممكن تضايقك من الاشخاص اللى بيركبوا معاك عربيتك

مش بحب اى حد يوسخ العربيه اجمالا
رزعة الباب اللى زى الشاكوش فوق الدماغ
اللى قاعد جانبى وعامل شيخ السواقين دوس حاسب فرمل اكبس يمين شويه ,,,,,وهكذا
دول عادى بلنسبه لى
* حد يلعب فى الكاسيت

كل ده و حياتك بس أنا بقي لساني طويل لو لاقيت حاجة مش عاجباني بأتكلم علي طول و مافيش مانع أني أركن و أقوله أنزل خدلك تاكس أعمل فيه اللي أنت عايزه , كلهم في الاول كانوا بيزعلوا بس دلوقتي خلاص فهموا أن ده نظامي و أن عربيتي نظيفة و بأحافظ عليها و بيحترموا ده

و بالنسبة للزوجة و الاولاد نفس الكلام و التعليمات بتسري عليهم , عندي عربيتي دي مكان مقدس واجب أحترامه من الجميع

طبعا كل الحاجات دي تغيظ ...... و لكن أنا حاطط قواعد في العربية :
ممنوع التدخين في السيارة ....... و كمان الجين 2 مفيهاش أصلا طفاية سجاير .
ممنوع الأكل في السيارة .
ممنوع الشرب في السيارة إلا من العلب المعدنية ( الكانز ) .
ممنوع القاء اي زبالة من السيارة مهما كانت صغيرة و عندي كيس زبالة في السيارة لهذا الغرض .
أول حاجة بأطلب من اللي يركب معايا أنه يربط الحزام . ( نص الناس بتقولي ملوش لزمة !! )

موضوع الموسيقى أو الكاسيت ........ مش بيداقني قوي لأني نادرا لما بأشغل موسيقى أساسا أو أي شئ آخر أثناء القيادة و بحب أكون مركز مع الطريق .
بأقفل القفل المركزي بتاع التحكم في الزجاج علشان مش كل شوية واحد يقعد ينزل و يطلع الزجاج .

و بكدا بعمل تحكم في العربية و في الناس اللي رااكبه معايا من غير ما أحرج حد علشان أنتوا عارفين الشعب المصري ........ بيموت في العشم .