متاريس الشرطة في وسط الشارع بدون لازمة
امبارح كنت راجع البيت حوالي الساعة 6 مساء و قبل أكاديمية مبارك للأمن بأعدي عربية نقل و ميكروباص من اليمين و أذا بي فجأة ألاقي عربية ربع نقل ساحبة وراها خلاط أسمنت و بتقطع الطريق من اليمين للشمال ببطء متناهي طبعا أديت كلاكس مع نور و أخدت أقصي اليمين , لحد هنا مافيش أي مشكلة
المفاجاة بقي الحديد و الاقماع اللي مالهاش أي لازمة اللي حاطينها امام باب الاكاديمية و قافلة نص الشارع طبعا كنت ماشي ساعتها علي حوالي 100 كم/ساعة لقيت نفسي داخل وسط المتاريس دي و علي طول ضربت فرملة مع غرزة و عديت من وسط المتاريس دي و بقيت قدام الثلاث عربيات (النقل و الميكروباص و الربع نقل) وسط حالة من الهلع و الذهول شوفتها علي وش العساكر اللي علي باب الاكاديمية
نفسي حد يقولي أيه فايدة اللي هما عاملينه ده و لو بالليل وواحد ماشي علي اليمين و ماشافش العوائق دي هايكون أيه الحال خاصة انهم مرة يحطوها و مرات يشيلوها يعني مافيش لجان و لا حاجة , أن شاء الله هأصور لكم المنظر النهاردة علشان تشوفوا بتوع الشرطة بيعملوا فينا أيه.
معلش طولت عليكم , صباحكم زي الفل أن شاء الله