البوجيهات بتتحرق كل شهر

**magedm2007** · 11-10-2007 10:41 AM

صباح الفل
كل سنة وانتم طيبيين

انا عندى عربية 127 مو 82 وكل شهر او شهرين بتتحرق البوجيهات ونوع البوجيهات
بوسنة سن طويل بحوالى 17 جنية
ومش عارف سبب حرقها بس الميكانيكى قال لى دة الكربراتير هو السبب عشان عايز يتغيرلة اكس وباب

هل الكلام دة صح ؟
وهل اغير الاكس والباب ؟ وهل بيعيش بعد التغير ولا بيخرب بعد كام شهر ؟
ولا اجيب كربراتير استيراد احسن ؟
ارجو الافادة
وشكرا

**modux** · 11-10-2007 03:12 PM

لو اعرف افيدك !!!!

ان شاء الله حد يفيدك احسن مني

**Abdallah** · 11-10-2007 03:20 PM

من رأى انك تجيب كاربراتير استيراد احسن وتخلى القديم عندك يمكن تحتاج منه حاجة كدة ولا كدة وفعلا تهبيب البوجيهات دة لكن انت ليه محاولتش تنضف البوجيهات وتركبها تانى يمكن تشتغل بدل ما تغيرها كل مرة ؟؟

**ahmed1981** · 11-10-2007 11:59 PM

المشاركة الأصلية كتبت بواسطة magedm2007

وهل اغير الاكس والباب ؟ وهل بيعيش بعد التغير ولا بيخرب بعد كام شهر ؟ ولا اجيب كربراتير استيراد احسن ؟

هات واحد إستيراد نضيف أو واحد جديد من التوفيقية
بلاش بوجيهات بوسنة خليك في الدنسو أو بوش أصلي أو شامبيون أصلي
ودور على الأصلي في أي نوع بوجيهات لأن السوق غرقان أنواع مغشوشة

**Adham** · 12-10-2007 12:11 AM

تنظيف الكاربراتير و أكس و باب عند الراجل الشهير بتاع شبرا حايكلفك تقريبا تلتين تمن كاربراتير استيراد

و مؤكد ان الكاربراتير الاستيرا احسن و أضمن

بالذات ان عربيتك فيات و حاجتها رخيصة

نقول نضف و غير أكس و باب لو العربية ياباني او الماني و قطع غيارها غالية

و بالنسبة للبوجيهات هات بوجيهات دنسو او NGK و بلاش البوش اللي في السوق 90% منة مضروب

**eng_mkhalaf** · 12-10-2007 06:28 PM

المشاركة الأصلية كتبت بواسطة Adham

تنظيف الكاربراتير و أكس و باب عند الراجل الشهير بتاع شبرا حايكلفك تقريبا تلتين تمن كاربراتير استيراد

و مؤكد ان الكاربراتير الاستيرا احسن و أضمن

بالذات ان عربيتك فيات و حاجتها رخيصة

نقول نضف و غير أكس و باب لو العربية ياباني او الماني و قطع غيارها غالية

و بالنسبة للبوجيهات هات بوجيهات دنسو او NGK و بلاش البوش اللي في السوق 90% منة مضروب

الراجل بتاع الكربراتير دجة فى الشارع عندى لو عايز تروح ممكن أجى معاك

**Adham** · 12-10-2007 10:27 PM

انا مرة من سنين كتير رحت للراجل دة في شبرا علشان انضف كاربراتير هونجا سيفيك و قعد يومين ينضف الكاربراتير

و خد 50 جنية و دة ايامها مبلغ كبير, اعتقد سنة 96 او 95 مثلا

و في الاخر الكاربراتير زي ماهوة و مافرقش اي حاجة

كان اللي موجود الراجل الكبير اللي اسمة "عم حسن" و على ماسمعت انة مات بعدها بفترة صغيرة

تقريبا كدة كان آخر كاربراتير نضفة

**sab3aawy** · 19-10-2007 09:50 PM

بص، لو انت نواى تبقى العربية كتير ومش ناوى تبيع قريب، عليك وعلى على شاهين قصاد اخبار اليوم فى شارع الجلاء، كاربراتير ويبر جديد ب 550 جنيه، لو عايز توفر شوية تروح المحل بتاع ابنه فى 155 شارع بورسعيد- طريق ابو الريش السيدة زينب، كاربراتير استراد ب 250 جنيه، وتشترى دماغك من وجع القلب لان اى حاجة هتعملها غير كدة هترجع تقرفك تانى بعد كدة