هام جداُ : كيف تتصرف في حالة الطوارئ

صباح الخير عليكم
في سؤال مهم جداً لازم نتكلم فيه... لو لاقدر الله حصل ظرف طارئ نتصرف ازاي بمعنى لو في واحد تعبان او في حالة حرجة ولازم ننقلة المستشفى في اسرع وقت وقررت انقلة بعربيتي - يبقى لازم اجري - لازم اخد اقصر الطرق - لازم اخد افضى الطرق كل ده معروف بس في 3 مشاكل حيقبولنا دايماً :
1- الاشارات اللي العساكر بتام فيها وممكن تفقل لاكتر من 15 ساعة
2- اللجان وشرطة المرور اللي لو قابلك واحد منهم ممكن يأخرك باي سبب حتى لو كان تافه
3- الشباب الروش اللي ممكن يفتكرك بتشد معاه وانتم عارفين الناتيجة

ازاي الواحد ممكن يتصرف في الظروف اللي زي دي ( ربنا مايكتبهاش على حد )
وايه الصح اللي المفروض يتعمل ...
هل ممكن يكون في علامة معينة توضح ان العربية فيها حالة طوارئ وتخللي اللي حواليك يخدوا بالهم ويوسعولك..؟
هل ممكن نتفق على علامة معينة للحالات دي..؟؟

حتى لو العلامه دى الكل عرف معناها الكل هايستغلها الى ان الكل يعرف انها خدعه

رحمه الله عليك ياوالدى بس حرام الواحد يقول كلمه لو

بس كان بيموت جانبى فى العربيه وانا سايق زى المجنون فى عز الزحمه الى ان وصلت للمستشفى ولكن ,,,,,,,,,,,,

اقتباس:

---

المشاركة الأصلية كتبت بواسطة rafysamy

صباح الخير عليكم
في سؤال مهم جداً لازم نتكلم فيه... لو لاقدر الله حصل ظرف طارئ نتصرف ازاي بمعنى لو في واحد تعبان او في حالة حرجة ولازم ننقلة المستشفى في اسرع وقت وقررت انقلة بعربيتي - يبقى لازم اجري - لازم اخد اقصر الطرق - لازم اخد افضى الطرق كل ده معروف بس في 3 مشاكل حيقبولنا دايماً :
1- الاشارات اللي العساكر بتام فيها وممكن تفقل لاكتر من 15 ساعة
2- اللجان وشرطة المرور اللي لو قابلك واحد منهم ممكن يأخرك باي سبب حتى لو كان تافه
3- الشباب الروش اللي ممكن يفتكرك بتشد معاه وانتم عارفين الناتيجة

ازاي الواحد ممكن يتصرف في الظروف اللي زي دي ( ربنا مايكتبهاش على حد )
وايه الصح اللي المفروض يتعمل ...
هل ممكن يكون في علامة معينة توضح ان العربية فيها حالة طوارئ وتخللي اللي حواليك يخدوا بالهم ويوسعولك..؟
هل ممكن نتفق على علامة معينة للحالات دي..؟؟

---

أعتقد لو شغلت الانتظار مع تقليب النور العالي صباحا يبقي المفروض الناس تفهم أن سائق العربية دي عنده مشكلة أو حالة طارئة و يبدأوا يوسعوا له , أنا عن نفسي بأعمل كده لكن فيه ناس كتير مابتفهمش الانوار و الاشارات دي موجودة في العربية ليه أصلا

يا جماعة الموضوع ده مهم جداً جداً واي واحد فينا ممكن يكون في الموقف ده...
فيا ريت الكل يشارك بتجربته وخبرتة لعلها تكون معلومة مفيدة تفيد اي واحد فينا عند اللزوم
شكراُ

بص انا لو في حاجه طارئه زي كده مش بسيب ايدي من الكلاكس واعتقد صوت الموتور مع الفرمله الجامده اللي بتحصل دي تكفي ان كله يوسع وربنا مايجيب طوارئ تاني يارب ( عشان ساعتها مبيبقاش فارق معايا اي حاجه ولا العربيه كلها )
اما بقى مره كنت مجرور بالعربيه ومدي انتظار وبقلب نور الصبح وايدي على الكلكس لحد البطاريه ما فضيت وبرضه العربيات مصممه تعدي بعد الي جاررني او تزنق عليا وتخش وراه ازاي معرفش
المصيبه بقى ان في بتاع 20 واحد كانو حينزلو تحت الكاوتش بسبب ان الناس مصممه تعدي من قدامي وفجاءه يلاقو الحبل وكذا واحد اتشنكل فيه وكان حيقع تحت العربيه بس ربنا سطر ( والله ضارب كلاكس ومدي انتظار ومطلع ايدي بشاور عشان ميعدوش ) وبرضه الناس تبصلي شزرا وبقرف عشان ازاي اخليهم ميعدوش من على الحبل والله ناس غربيه بجد

للأسف انا في الحالات دي بستعمل السارينه وبفضل قايد النور العالي صباحا او بتقليب نور مساءا وعلفكره انا نادرا لما بستعملها عشان مش بحبها اساسا بس بتفيد جدا فحالات الطوارئ.

قي ناس بتبقي باردة جدا يعني فاكر اللي عايز يعدي ده أحسن منه علشان كده هما عملوا الحارة الشمال للتخطي و البطئ علي اليمين و لما تلاقي واحد جاي من الشمال بيقلب نور يبقي علي طول توسع له و تدي أشارة يمين و تأخد بمينك تاني لكن اللي بيحصل هنا تلاقي عربيتين ماسكين اليمين و الشمال و ماشيين جنب بعض بنفس السرعة و لا ده عاوز يعديك و لا ده عاوز يوسع لك هنا بقه بروح كابس علي الاثنين و مرة كنت مستعجل جدا كان أبني سخن و لازم ألحق أوديه للدكتور روحت داخل ببوز العربية بين عربيتين لدرجة أن المراية الشمال خبطت مراية العربية اللي في شمالي و هنا أضطر يوسع

الكلاكس مبيسكتش
صوت الفرامل
صوت الموتور

ساعتها ببقى بايع العربية بمعنى الكلمة.

اقتباس:

---

المشاركة الأصلية كتبت بواسطة eslam_nagy

الكلاكس مبيسكتش
صوت الفرامل
صوت الموتور

ساعتها ببقى بايع العربية بمعنى الكلمة.

---

بلضبط كدا
انا حتى لو خبط حد ممكن وقتها اكون قاصد (اكيد هبقى ادفله اللى هو عاوزه بعديها)
بس لو حاله حياه او موت يبقى متستناش
لو حتى تطلع على الرصيف تمشى فى جنينه على شريط المترو اى حاجه مباحه اهم حاجه تكون عملت اللى عليك

مفيش طريقة نقدر امنه نقدر نفهم بها اللي حولينا ان في حالة طوارئ ولازم يسعدونا ...؟

بص يا صاحبى فى البلاد المحترمة لما بيكون واحد سايق عربية ملاكى وعنده حالة طوارئ أو عنده مريض عايز يوديه المستشفى بيطلع من باب العربية منديل ابيض ده معناه ان فة حالة طوارئ العربيات بتوسعله والإشارات بتتفتح لكن وبقولها ببالغ الأسف لو عملنا هنا النظام ده هتلاقى كل العربيات مطلعة مناديل بيضا من البيبان

كانت الناس احترمت عربيات الإسعاف ولا المطافي أصلاً
ده يوم حريق مصنع الورق في أكتوبر الأسبوع اللي فات
عسكري المرور وقف الإشارة دقيقتين علشان المطافي تعدي الناس نزلوا اتخانقوا معاه رغم إنهم شايفين بتاع 9 عربيات مطافي ورا بعض ..
لله الأمر من قبل ومن بعد

المفروض الحكومه هيا اللى تعمل كدة لو بلغت النجدة ب 112 وقولتلهم ان معاك حالة
والطريق مش بيساعد هيبعتلك على الطريق امين شرطة ويخليه يوسعلك الطريق

اقتباس:

---

alislemanالمفروض الحكومه هيا اللى تعمل كدة لو بلغت النجدة ب 112 وقولتلهم ان معاك حالة
والطريق مش بيساعد هيبعتلك على الطريق امين شرطة ويخليه يوسعلك الطريق

---

اعتقد ده احسن وأضمن حل

اقتباس:

---

المشاركة الأصلية كتبت بواسطة alisleman

المفروض الحكومه هيا اللى تعمل كدة لو بلغت النجدة ب 112 وقولتلهم ان معاك حالة
والطريق مش بيساعد هيبعتلك على الطريق امين شرطة ويخليه يوسعلك الطريق

---

موت يا ح.........................

اقتباس:

---

المشاركة الأصلية كتبت بواسطة alisleman

المفروض الحكومه هيا اللى تعمل كدة لو بلغت النجدة ب 112 وقولتلهم ان معاك حالة
والطريق مش بيساعد هيبعتلك على الطريق امين شرطة ويخليه يوسعلك الطريق

---

ده انت راجل طيب وعلي نياتك

علامة اية بس

كانو وسعو للأسعاف اللى عليها سارينة صوتها بيفضح الدنيا

اقتباس:

---

المشاركة الأصلية كتبت بواسطة alisleman

المفروض الحكومه هيا اللى تعمل كدة لو بلغت النجدة ب 112 وقولتلهم ان معاك حالة
والطريق مش بيساعد هيبعتلك على الطريق امين شرطة ويخليه يوسعلك الطريق

---

أعتقد ان رقم النجدة 122 مش 112

اقتباس:

---

المشاركة الأصلية كتبت بواسطة eslam_nagy

موت يا ح.........................

---

حمااااااااااااااااااااااا اااار
لان انا عملتها و كان معايا واحد صاحبى تعبان و بلغت 112 ولا الهواء ربع ساعة ولا حد عبرنى ولا عملى اهتمام
احنا فى بلد ارخص حاجة فيه البنى ادم لان فيه منه كتيير
وطبعا الحكومة مش فاضية للتفاهات دى ايه يعنى لما واحد يموت ولا يتحرق المهم مصلحة البلد
عن تجربة انا كنت بايع الدنيا و مافيها
كسر اشارات+سرعة+كلاكسات+جرى بدون استخدام الفرامل

والغريبة ان وانا بجدد الرخصة مكانش عليها مخالفات قولت سبحان الله

حسبى الله و نعم الوكيل

افتكر مرة وانا ف دبى واحد كان ماشى بسرعة وكان واضح انه معاه حالة حرجة وكان مولع الانتظار وشوية ولقيت عربية شرطة بتجرى وراه وبتقول ف المكريفون وااسسسسسسسع واسسسع بس بالامارتى

أرقام الطوارئ فى مصر
الإسعاف

123

المطافئ

180

إستعلامات الكهرباء

121

شرطة النجدة

122

غرفة العمليات بالإدارة العامة للمرور

22402233

حوادث المرور

0121110000

مكافحة جرائم المعلومات

0227921487

لإدارة العامة لمكافحة المخدرات

0224820001

شرطة السكة الحديد

145 - (02) 5797054

إستعلامات الدليل (تليفونات)

140-141-142

خدمة الترنك الدولي

120

شكاوى التليفونات

16- 188

استعلامات مطار القاهرة

(02) 22675882 - 090077777

استعلامات تصدع المبانى (القاهرة)

(02) 3912458

غرفة طوارئ البتروكيماويات

(02) 22622249

استعلامات الساعة الناطقة

150

إستعلامات مركز علاج التسمم بالدمرداش (القاهرة)

(02) 24823314

مطافئ القاهرة

180- (02) 3910115

طوارئ الكهرباء (الإسكندرية)

(03) 3935724 - 3935725

استعلامات وزارة الدخلية

128

شرطة المسطحات المائية (القاهرة)

(02) 5244606 -(02) 2188223

الإدارة العامة لشرطة البيئة والمسطحات

0225247130-0225258511

مصلحة الأمن العام

115

الإدارة العامة للأموال العامة

0227921262-0227921261-0227921260

إستعلامات السكة الحديد (القاهرة)

(02) 5753555

استعلامات الدليل الدولي (تليفونات)

144

خدمة ترنك المحافظات

10

مراكز اعطال التليفونات

188

استعلامات الأرصاد الجوية (القاهرة)

(02) 24834625

استعلامات تصدع المبانى ( الجيزة)

(02) 5733186

غرفة طوارئ هيئة البترول

(02) 25184799

الإسعاف (الإسكندرية)

(03) 3920506 -(03) 3925810

المطافى (الإسكندرية)

(03) 3934206/7

شكاوى خدمات مياه الشرب والصرف الصحى والكهرباء بمحافظة الجيزة

154

شرطة السياحة

126-0225327800 -0253292812

شرطة الآثار بالإسكندرية

(03) 4845594 -(03) 4865977

الإدارة العامة لشرطة التموين

0227957029 - 0227947604

الإدارة العامة لإتصالات الشرطة

128 ( 90 رقم )

الإدارة العامة للمعلومات و التوثيق

0227921490-0227921491- 0227921487

إستعلامات السكة الحديد (الإسكندرية)

(03) 3921133 -(03) 3923207

الإستعلام عن فاتورة التليفون

177

ارسال البرقيات بالتليفون

124

استعلامات تسجيل المخابرات الدولية (القاهرة)

(02) 5777120

استعلامات الإذاعة للتليفزيون (القاهرة)

(02) 5767369

الهيئة المصرية العامة للثروة المعدنية

(02) 24825604

غرفة طوارئ وزارة البترول

(02) 26711430 - (02) 26711425

يارب ما نحتاجها أبداً بس اهى من باب العلم بالشئ

مش هقدر أقولك إني بعد حدوث حادث لأختي و انا راكب بيها سيارة الإسعاف و مشغلين السارينة بتاعة الإسعاف و الراجل شغال تقليب نور و انا شغال وسع يا ملاكي وسع يا ميكروباص في المايك بتاع السارينة .. و شفت الأتي :

1) ناس بتزنق علينا
2) واحد يبقي ماشي عالشمال نقوله وسع يقوم مدينا إشارة شمال !
3) واحد نقوله وسع فيه حالة في العربية يدينا إشارة يمين في شمال !!
4) ناس مش واخدة بالها تماماَ أو عاملة نفسها مش واخدة بالها .

الحقيقة كان من الحاجات اللي حرقت دمي و جابتلي إكتئاب بعد مرور الظرف ده .. لأن حسيت قد إيه وصلنا لدرجة إن خلاص أرواحنا بقت رخيصة عند بعض .. يعني مش كفاية بنموت بعض في الحوادث و بنسوق بمنتهي الغباء .. كمان مبنعديش عربية الإسعاف اللي جاية تنقذ اللي كسرناه في الحادث !!

فعلاَ حاجة تحسسك إنك عايش في غابة .

اقتباس:

---

المشاركة الأصلية كتبت بواسطة eslam_nagy

موت يا ح.........................

---

متشكر جدا لحضرتك
بس صدقنى انا لما ولدى اتوفى اقلبت الدنيا ب 112 اللى مش عجباك وجبتله عربيتين اسعاف فى خلال 10 دقائق

اقتباس:

---

المشاركة الأصلية كتبت بواسطة dode2002

ده انت راجل طيب وعلي نياتك

---

صدقنى انتم اللى مش عارفين تتصرافو زعق وشد وبهدل الدنيا
انا مرة زميل ليا وقع من فوق السطح بلغتهم وقولتلهم لو الراجل دة مات هوديكم كلكم فى داهية خلال ربع ساعة كان كل حاجة محلولة وعربية اسعاف وصلت وكان مخلين دكاترة فى انتظارة فى المستشفى مع العلم كان الكلام دة الساعة 4 الفجر

الدنيا عشها غصب

اقتباس:

---

المشاركة الأصلية كتبت بواسطة mobitic

أعتقد ان رقم النجدة 122 مش 112

---

لا 112 من على الموبيل احسن وافضل لو لوحة المفاتيح مقفولة بتاعت الموبيل هيكتب الرقم بردة

اقتباس:

---

المشاركة الأصلية كتبت بواسطة askafrawy

حمااااااااااااااااااااااا اااار
لان انا عملتها و كان معايا واحد صاحبى تعبان و بلغت 112 ولا الهواء ربع ساعة ولا حد عبرنى ولا عملى اهتمام
احنا فى بلد ارخص حاجة فيه البنى ادم لان فيه منه كتيير
وطبعا الحكومة مش فاضية للتفاهات دى ايه يعنى لما واحد يموت ولا يتحرق المهم مصلحة البلد
عن تجربة انا كنت بايع الدنيا و مافيها
كسر اشارات+سرعة+كلاكسات+جرى بدون استخدام الفرامل

والغريبة ان وانا بجدد الرخصة مكانش عليها مخالفات قولت سبحان الله

حسبى الله و نعم الوكيل

---

صدقنى هى مش عايز غير كدة عيشها بالعافية

على فكرة انا حاولت اساعد مش اكتر
واسف لو حد مش عاجبة كلامى

اقتباس:

---

المشاركة الأصلية كتبت بواسطة alisleman

لا 112 من على الموبيل احسن وافضل لو لوحة المفاتيح مقفولة بتاعت الموبيل هيكتب الرقم بردة

---

كويس اهى معلومة جديدة خدتها من حضرتك
وعلى العموم متزعلش اكيد زمايلنا فى المنتدى ما يقصدوش كل ما فى الحكاية ان الحوار سخن شوية مع ذكريات غير سعيدة لهم فى مواقف مشابهة
تقبل تحياتى واحترامى

اقتباس:

---

المشاركة الأصلية كتبت بواسطة alisleman

على فكرة انا حاولت اساعد مش اكتر
واسف لو حد مش عاجبة كلامى

---

ياعم بتتاسف علي ايه
فكرتك رائعه بس صدقني مبيحصلش الكلام ده ممكن حصلت معاك صدفه مره تصيب ومليون تخيب

شكرا عالفكرة والنصيحة

المشكلة فى اهمالهم هم ياريت يقدروا ظروف الناس اللى بتتصل بيهم وانها ممكن توصل لحياة او موت

احنا عددنا في المنتدى مش قليل ومن كل المحافظات واكيد في مننا بيتقبلوا من وقت للتاني بالصدفة حتى لو ميعرفوش بعض..
انا ليا اقتراح وارجو انكم تقلولي رأيكم
ايه رايكم لو نعمل علامة مميزة للمنتدى اي عضو لا قدر الله بيقابل موقف حرج يعمل العلامة دي وبالتالي كل الاعضاء اللي عارفنها ممكن يدخلوا ويسعدوا باللي يقدروا يعملوه ..
ممكن صح..

اقتباس:

---

المشاركة الأصلية كتبت بواسطة rafysamy

احنا عددنا في المنتدى مش قليل ومن كل المحافظات واكيد في مننا بيتقبلوا من وقت للتاني بالصدفة حتى لو ميعرفوش بعض..
انا ليا اقتراح وارجو انكم تقلولي رأيكم
ايه رايكم لو نعمل علامة مميزة للمنتدى اي عضو لا قدر الله بيقابل موقف حرج يعمل العلامة دي وبالتالي كل الاعضاء اللي عارفنها ممكن يدخلوا ويسعدوا باللي يقدروا يعملوه ..
ممكن صح..

---

علامة مميزة يعنى إيه ؟؟؟
لو قصدك استيكر على العربية وان الباقى يشوفها فدى مطبقة فعلا استيكر المنتدى ودا بيتباع فى أكتر من مكان
وعموماً فكرتك كويسه جدا وربنا يقدرك على فعل الخير

اي علامة ...!
مفيش حاجة في دماغي حفكر واقولكم