فى واحد صاحبى قال ان فى زيت بيتحط للموتور لما يكون خفيف وبيطلع دخنة وبيقضى على الموضوع ده
، الكلام ده حقيقى، وهل له أضرار على المدى البعيد، أنا عايز اعرف اسم الزيت ده واجيبه منين لو حد عنده خبرة سابقة بالموضوع ده يا ريت يفيدنا
عرض للطباعة
فى واحد صاحبى قال ان فى زيت بيتحط للموتور لما يكون خفيف وبيطلع دخنة وبيقضى على الموضوع ده
، الكلام ده حقيقى، وهل له أضرار على المدى البعيد، أنا عايز اعرف اسم الزيت ده واجيبه منين لو حد عنده خبرة سابقة بالموضوع ده يا ريت يفيدنا
لا اعتقد ان الكلام ده ليه اساس من الصحه
يعني هو مش دعاية قوي
هو فيه شيء من الصحة .. بيكون بلزوجة أعلي شوية تسد الخلوص الزايد و في مواد سطحية لسد الخدوش ( الشبه ميكروسكوبيه )
و تنفع موتور مش متدمر قوي
طيب اسمه ايه واجيبه منين؟؟
انا معرفش زيت كامل كده ( مع انه فيه بس معرفوش )
انا كنت بحط في عربية اخويا حاجة اسمها oil treatment STP
بتتضاف علي كل تغييره زيت
طيب ده بينفع لو فى بنز بستم وهل بنز بستم بيعمل دخنة
صوت تكتكة فى الموتور "بنز بستم"
صوت تكتكة فى الماتور يبقى من حاجتين لائما صباب معوج ,لائما التاكيهات او عمود الكرنك مش مظبوطين وفيهم حاجة ,
الزيت دة معالجة مؤقتة بس لحد ماتعالج العيب
قصدك زيت الشمبر وده بيحطوه للمواتير الخفيفه كمسكن لحد ماتحوش تمن العمره او طقم الشمبر وده بيزود من لزوجه زيت الموتور وبيخليه عامل زي المربي وعيوبه انه طالما حطيته للموتور لازم تحطه علي طول (بيتحط مع كل غيار زيت ) لانك مش هتعرف تمشي منغير ه الا بعد العمره
وثانيا بيخلي العربيه تدور بالعافيه الصبح وخصوصا في الشتاء علشان الزيت بيبقي تقيل قوي
اكتب زيت شنبر في البحث في المحركات اللي في الورشة وشوف تعليق سبعاوي
هو فيه شيء من الصحة
يا جماعة الراجل هنا مش بيتكلم عن زيت الشنبر هوا بيتكلم عن بديل العمرة
و ده حسب ما شرحلي واحد ميكانيكي من فترة عبارة عن زيت بيتحط مع الزيت العادي على 3 مراحل او 3 غيارات زيت لما يكون الموتور فوت مش خف و بيسمحلك انك تمشي بالعربية كان مفيش حاجة لحد مسافة تصل للـ 40000 كم
و قالي انه ممكن يجيبهولى هو صناعة روسي بـ 90 جنيه و فيه بتاع زيت قالي عليه و قال طبعا فيه شعر و كان امريكي تمنة 250 جنيه
بس فيه ميكانيكي قالي انت ممكن تستخدمة لو مش ناوي تعمر و ناوي تجيب موتور تاني يعني توصل انك تاخد اخر ما في موتورك علشان ترميه
و برده نقدر نقول هو مش بديل للعمرة هوا نوع من انواع المسكنات
انا اول مرة اسمع عن زيت بديل للعمرة - غير زيت الشنبر وب90 و250
اللي اعرفه زيت الشنبر ابو 20 جنيه stp ونوع تاني في علبه صفرا تقريبا ب15 جنيه
وده رد سبعاوي على زيت الشنبر
وده كماناقتباس:
زيت الشنبر ممتاز للمحركات الخفيفة ، بيحميها ويضمن اعتماديتها وادائها لحد وقت العمرة وبيمنع الدخان من الشكمنا الى حد كبير، وينصح به طالما ان الموتور بقى خفيف
عيبه الوحيد ان فى الأيام الباردة صباحا الموتور هيكون تقيل على المارش وممكن العربية تتاخر شوية فى الدوارة احيانا، لكنها فى النهاية بتدور طالما المارش سليم
النصيحة الاخرى هى (لا تستعمله ابدا مع محرك مش خفيف، ممنوع منعا بااااااااااتا، يستعمل فقط مع المحركات الخفيفة)
اقتباس:
ما يسبب تسليخ الشمايز هو انكسار الشمبر او ارتفاع درجة حرارة المحرك بشدة او دخول اتربة الى حيز الشميز
لكن زيت الشمبر بيحمى ضد الحاجات دى كلها
عادة اللى بيطلع فتاوى ضد زيت الشمبر هم الميكانيكية لانه بيوقف حالهم، لكن انا جربته كتير جدا، وبصراحة كان رفيق كفاح ياما شالنى فى اوقات زنقة، اخر عربية استعملته معاها كانت الريجاتا، اشتريتها بمعلومية ان موتورها خفيف على اسا انى هعمل لها عمرة، وفضلت ماشى بيها سنيتن بزيت الشمبر، وكنت باروح بيها كل حته على وجه الكرة الأرضية، بنظام "الشهر الجاى هعمل العمرة" وفى النهاية بعتها بعد سنتين برضه بمعلومية ان موتورها خفيف، واللى اشتراها منى من شهر 10 اللى فات لسة ماشى بيها بنفس الموتور الخفيف وزيت الشمبر وفاحتها شغل
اه عارف الرد ده كان عليا في سؤال عن اضرار او عيوب زيت الشنبر
عموما زيت الشنبر حاجة و الزيت او المركب الي اسمه بديل العمرة حاجة تانية و الي فوق هيا معلوماتي عنه
واحد صاحبى لسه حطه من يومين في عربيته الزيت اسمه ريسورس تقريبا كان جايبه من كارفور بس مش متأكد بى 80 جنية وهما كاتبين انه بيعالج تأكل الماتور و بيطول عمر الزيت من 3 لى 5 مرات و بيقعد من 10000 الى 15000 الف كيلو متر والنتائج بتبان مبين 200 كيلومتر لحد 1000 كيلومتر وطريقة استعمله بيفضل تغير الزيت والفلتر بعد كدة تسخن العربية كويس وتبطلها بعد كدة تجيب علبة ريسورس وترجها كويس لمدة 30 ثانية بعد كدة تحطها في فتحه الزيت بتاعه الماتور وتدور العربية وهى وقفه لمدة 10 الى 15 دقيقة.
الف شكر يا جماعة على الرد يعنى ممكن احطه يمنع الدخان والتكتكة بتاعت البساتم، ولو حبيت اعمل عمرة اعملها عادى، خده بلكوا المشكلة مش فى الشنابر دى تكتة بساتم
هل انت واثق من مصدر التكتكة يعني مش ممكن تكون تكيهات مفتوحة بتعمل صوت تكتكة و بيزيد مع السرعة
و عموما اسال على تكلفة عمرة كاملة و تمن موتور استيراد و شوف انا موضوع ان الموتور مينفعش بعد كدة قالي عليه واحد بس
و ممكن يكون عاوز يشتغلني و موضوع وضع الزيت على الموتور ميعملش حاجة يعني هايسكنة شوية لحد ما ربك يفرجها و خصوصا انه قالي قبل كدة ان زيت الشنبر بيسلخ الشمايز و ده مبيحصلش خالص عن تجربة
و انا لو مكانك ممكن استند الي مقولتين دربوا الاعور على عينة قال ما هى خسرانة و المقولة التانية قالي هايسخطوك يا قرد قال هايعملوني غزال
في كل الحالات الموتور عاوز عمرة لو الزيت خلاه يمشي شهرين كمان او لحد الشتاء علشان عمرات الشتاء افضل يبقي كدة رضا و لو فضل على حالة برده رضا
و عموما الـ 80 جنيه مش هاتودي ولا هاتجيب