سؤال عن عمرة الموتور

**ahmedali** · 01-07-2009 01:59 PM

يا جماعة انا عربيتي طلع كان معمولها عمرة بس المتور شغال كويس اوى هل ده حاجه تعيبها ؟

**Mohamed_Ibiza** · 01-07-2009 02:47 PM

مش حكاية تعيبها بس اكيد هيكون فيه فرق بينها وبين السيارة صاحبة الموتور الاساسي اللي بحالة كويسة والتفاوت موجود بين كل السيارات سواء بحالة جية او ممتازة او عادية وهكذا

فعمرة الموتور ان دلت هدل عن سوء استخدام او اهلاك السيارة وفي كلا الحالتان لا يمكن مقارنتها بالسيارة صاحبة الموتور الفبريكة

**ahmedali** · 01-07-2009 05:28 PM

طيب انا ادامي موتور استيراد 1300 سي سي بحالة كويسة اوى فبريكة وفيه تكييف وباور وعاوز اركبه هل ده لما اجى ابيع هيموت سعر العربية ولا لاء واسف انى طولت عليكو في الاسئلة

**Mohamed_Ibiza** · 01-07-2009 05:45 PM

ياباشا طول براحتك احنا هنا كلنا عشان نساعد بعض

بس قبل متفكر في انك تركب الموتور الاستيراد ده ... حضرتك عايز تركبه ليه ؟؟؟ هل الموتور الاصلي بعد العمرة مقصر معاك ... عام مشاكل ... اداءه مش كويس ... لو كان كده يبقى وقتها لك حق تغيره اما لو كان شغال معاك زي الفل بعيدا عن اذا كانت معموله عمرة او لا يقى حرام انك تغيره ؟؟؟؟؟

وواضح من كلامك انك عايز تسقط عشان تبيع .... ملوش لازمة لانك هتدفع فلوس ع الفاضي لان اللي بيشتري عمره مهيدفعلك تمن حاجة انت عاملها في العربية اللي بيشتري بيدفع التمن اللي تساويه العربية في حدود سعر العربية

**ahmedali** · 01-07-2009 05:59 PM

لا يا استاذ محمد انا مش عاوز ابيع انا لسا شاري من 4 ايام انا عاوز اركب عشان التكييف والباور لكن الماتور اصلا مالوش صوت وناعم اوى وكمان سعات ما بخدش بالى ان العربية دايرة من كتر ما صوته ناعم وسحبه حلو اوى وفي مطالع الكباري تمام بس كل الفكرة عشان انا عاوز اركب تكييف وباور بس فقولت ان المتور كامل مع حاجته اوفر ليا فياريت تنصحنى

**M.Mostafa80** · 01-07-2009 06:29 PM

لو كدا يبقى 1600 بحاجتو أحسن

**Mohamed_Ibiza** · 02-07-2009 03:59 AM

تمام يا استاذ محمد

لو هتسقط يبقى تسقط 1600

**BiGGuY** · 15-07-2009 12:11 PM

ططيب انا كنت عاوز اسال حضراتكم عن حاجة انا عندي ابيزا 94 ومكدبش عليكم حالتها دلوقت بقيت مش تمام ومحتاجة عمرة وشوية حوارات فانا قولت بالمرة فكرت اني اسقط موتور فكنت عاوز اسقط موتور بالمرة علشان الباور والتكييف والكلام ده فايه الفرص اللي قدامي وياريت تفيدوني باقل حاجة لاعلي حاجة وكمان عاوز اعرف لو عملت عمرة هتكلفني كام تقريبا

**BiGGuY** · 25-09-2010 06:14 PM

ياااااااااااااااااااااااا اااااه من 15-7 -2009 ولا رد
سنة وتلت شهور ولا رد
ده انا كنت لسه هحط رد في الموضوع بس من عادتي احب اقرا الموضوع كله من اوله لاخره بكل الردود علشان سؤالي او ردي ميبقاش مكرر ومضيعة للوقت علي الفاضي صدمت اني اخر واحد كنت رادد وحتي الان ولا رد
عل العموم ما زال سؤالي قائم لان عربيتي للاسف طلعت اصيلة وصامدة حتي الان

**ahmedtunning** · 10-10-2010 10:21 AM

المشاركة الأصلية كتبت بواسطة ahmedali

طيب انا ادامي موتور استيراد 1300 سي سي بحالة كويسة اوى فبريكة وفيه تكييف وباور وعاوز اركبه هل ده لما اجى ابيع هيموت سعر العربية ولا لاء واسف انى طولت عليكم في الاسئلة

انت كدا عمرك ماهتنزل العربية الارض انت بتزود عليها امكانيات كل اشعب المصري محتاجها يعني انا لو قدامي عربيتين وواحده فيها تكيف وو احده مفيهاش هتختار اني حتي ولو كان الفرق ايه ؟؟؟؟؟؟