دي مجموعة صور لها
http://www.daihatsu.com/catalogue/si...ery/index.html
عرض للطباعة
دي مجموعة صور لها
http://www.daihatsu.com/catalogue/si...ery/index.html
شكراااااااااا
السلام عليكم
انا يا جماعة ان شاء الله هنضم اليكم قريب لان فعلا العربية دى دخلت دماغى أوى....انا روحت فرع المعادى ( هاجبها تقسيط مباشر منهم عشان حرمانية البنوك ) وركبتها من جوة...فعلا وسع فوق الوصف وتقفيل ايه وخامات ايه ...فعلا اليابانى يكسب
انا فالاول كنت هتعاقد على فيرنا 2008 ولما ركبتها...:( فعلا زى ما الاخوة الاعضاء قالو..تقفيل زى الزفت, خامات رديئة ...دى الغير المشاكل الكتيرة ( ودة الى مقالقنى اكتر ) الى بيشفوها مع غبور افندى
انا قلت على ايه القلق ده كله الفيرنا ب69500 والسيريون ب78000 وفرق شاسع فى الامكانيات وكدة وكدة هاشتريها قسط فرقت معايا فى القسط 70 جنيه لانى هدفع نص تمنها
صليت استخارة امبارح وقلت انهردة اخش على المنتدى بتاع دايهاتسو واشوف السيريون عملة ايه؟؟...الحمد لله كل الناس بتشكر فيها
انا بقالى ثلاث ايام بخش على منتدى هيونداى واسبرانزا.....مش هاقول ان الكل بيشتكى بس الحال فعلا مايسرش سواء كان من العربية ولا من التوكيل
المهم
كلمت المعرض وقلت له انى هرحلو يوم الاثنين القادم ان شاء الله ومعى جميع الاوراق واحجز العربية السيريون
فعلا يا جماعة فكرة المنتديات من علامات تحضر الشعوب وصحتها
ادعوا لى ان كل شىء يمشى كويس وهاطمنكوا ان شاء الله
السلام عليكم
عمرو عمارة
معلش شؤال يعنى اية ( هاجبها تقسيط مباشر منهم عشان حرمانية البنوك )
هما بيقسطو من غيير فوائد
و ممكن لو سمحت تدينى رقم التليفون و العنوان بتاع فرع المعادى
التقسيط المباشر بيكون طبعا فيه زيادة فى السعرده من الناحية الشرعية مافيهوش مشكلة يعنى لو العربية مثلا ب100 الف وانت دفعت 50 الف وبقيت 50 الف هاتتحط فايدة 8%على المبلغ المتبقى عن كل سنة ... ده مافيهوش مشكلة من الناحية الشرعية ... اما حرمانية البنوك بتيجى من كذا حاجة ..منها انه مش بيكون ممتلك العربية وبيدى شيك للمعرض وده بالضبط كأنه ادالك قرض ربوى .. كمان بيكون حاطط بند ان انت لو ما سددتش قسط او اكثر يفرض عريك فوائد تاخير وغرامات وجه مش شرعى .....ده مش بيحصل مع الشركة العالمية وكيل ديهاتسو ....اقتباس:
معلش شؤال يعنى اية ( هاجبها تقسيط مباشر منهم عشان حرمانية البنوك )
هما بيقسطو من غيير فوائد
و ممكن لو سمحت تدينى رقم التليفون و العنوان بتاع فرع المعادى
وده رقم تليفون فرع المعادى25200008
شكرا جداااا
على الرد السريع
العنوان في شارع النصر من ناحية ميدان الجزائر.. الجزء الواصل من ميدان الجزائر و الاوتوستراد..
لو جاي من الاوتوستراد.. هيبقي قبل ميدان الجزائر علي اليمين.. بحوالي 300 متر..
ولو جاي من ميدان الجزائر.. هيبقي علي شمالك و انت طالع..
هتلاقيه حاطط عربيات سيريونب رة علي الرصيف كده..
واضح قوي..