السلام عليكم
من فضلكم انا كنت عايز احتفل بمرور سنة على جوازي وكنت عايز اعزم زوجتى في مكان بالمواصفات الاتية:
1- يكون يطل على النيل
2- هادي مفهوش دوشة
3- اكله يكون نضيف
تنصحوني بايه لاني ماليش خبرة كبيرة في مصر
عرض للطباعة
السلام عليكم
من فضلكم انا كنت عايز احتفل بمرور سنة على جوازي وكنت عايز اعزم زوجتى في مكان بالمواصفات الاتية:
1- يكون يطل على النيل
2- هادي مفهوش دوشة
3- اكله يكون نضيف
تنصحوني بايه لاني ماليش خبرة كبيرة في مصر
روح Nile City
المركب اللي في الزمالك مش المبني :)
هتلاقي اربع خمس مطاعم كلهم زي الفل اختار على مزاجك
خليك فى المطاعم العائمه زى نيل كروز
حاجه جامده مووووت
او على قدنا يعنى
مطعم كليوباترا بجوار صن سيت وده مطعم عائم وبند واوبن بوفيه وحاجه اخر شياكه هات رقمه من الدليل واعرف مواعيد حفلاته هى كل ساعتين ع العموم وسعر التكت 125 شامل كل حاجه واسال ع السعر ممكن يكون زاد
وفى مركب تانى فى المعادى امام مستشفى السلام الدولى بس ده مطعم ثابت
لو معاك فلوس كتيييير يبقى المطعم الدوار في جراند حياة (بس لازم تلبس جاكت ومش لازم كرافتة وممنوع الجنيز والكاوتش، dressing code بقى)..ولو مش عايز تبعزق وتعيش في نفس الجو يبقى المطعم الدوار بتاع برج القاهرة. اما بقى لو عايز حاجة فيها live band اجنبي ورومانسي (وأرخص) يبقى مركب نايل بكين (كورنيش مصر القديمة) بس اتصل واسأل عن مواعيد الـband كان المعني اسمه مستر عمرو وكان بيغني اروع الأغاني الأجنبية الرومانسية
وعلسان لازم تحجز خد عندك المعلومات دي
تليفونات برج القاهرة (اسأل إذا كان في Dressing code ولا لأ)
http://www.cairotower.net/cairotower/
نايل بكين (مافيس dressing code)
http://www.peking-restaurants.com/index1.html
والف مبروك وعقبى التأبيدة (25 سنة) في كل السعادة بإذن الله :36_3_18[1]:
خد ده عندك متجرب و تحفة و هتدعيلى...... الويندوز بتاع رمسيس هيلتون....... فيو رائع للقاهرة من ارتفاع كبير، بيانو و باند و مزيكا هادية وممكن تطلب اغنيات رومانتيك...... دانس فلوور حلوة..... من الاخر حلو جدا فى المناسبات الخاصة......
و على فكرة انت ممكن تخطف رجلك لوحدك فى السريع للاماكن اللى قلناهالك عشان تتأكد ان المكان عاجبك و فيه المواصفات اللى انت عاوزها - عشان المناسبات الخاصة لا يفضل فيها المفاجات- لانها اذواق برضه ولو عجبك المكان اعمل الحجز بالمرة......
revolving (جراند حياة )
زي ما قال استاذ هشام علي ضمنتي