الموضوع: إيموبليزر

الأيموبلايزر بيسموه بالعربي مانع السرقة - او مانع الدوارة

علشان تفهم فكرته لازم تعرف مكونات السيستم
1- شريحة بتتثبت في مفتاح العربية - الشريحة عليها كود او شفرة معينة
2- reader او سكانر او قارئ للشريحة الموجودة في مفتاح السيارة - وبيبقي عبارة عن فبرة مدورة راكبة حوالين الكونتاكت طالع منها سلك بيتوصل بالقارئ المتصل في النهاية بوحدة الكنترول في العربية ECU
3- شفرة موجودة في الكنترول

اول حضرتك لما بتحط المفتاح في الكونتاكت بيقري القارئ الشفرة وبدوره بيوصلها للكنترول
بيبدأ الكنترول يطابق شفرة المفتاح مع الشفرة المخزنة عنده ولما بيتطابقوا بيدي الأشارة للبوجيه والرشاش injectors لبدأ عملهم ومن ثم يبدأ المحرك في الأدارة.

فقد او تلف اي جزء من الأجزاء الثلاثة معناه عدم دوارة السيارة
وعليه
لا يمكن فك الكونتاكت ومحاولة تدوير السيارة بدون مفتاحها الأصلي المشفر

الحل الوحيد لسرقة السيارة
الوصول للكنترول واعادة برمجته بالسوفت الأصلي المناسب لموديل السيارة ومسح الشفرة من عليه
وبالتالي الأمر هيستغرق مابين نص ساعة لساعتين علي حسب احترافية مستخدم الكمبيوتر

عدم وجود المفتاح هيخلي العربية تحاول الدوارة (الجزء الميكانيكال فقط) عن طريق فتح كهرباء للمارش ولكن في عدم وجود شرارة أشتعال (البوجيه) ولا حتي بنزين (الرشاش) فبذلك لا يتم اكتمال الدوارة بأي شكل من الأشكال

اتمني اكون وصلت لحضرتك فكرة عمله

لو الفيرنا الكنترول بتاعها مهيأ لتشفيره والتقاط الشفرة من المفتاح يبقي هينفع يتركبلها ايموبلايزر لأن العملية كلها في الكنترول والشفرة

تحياتي