طلب إحاطة لإنشاء معهد للرقص الشرقي ودينا ترحب للتدريس فيه

**sab3aawy** · 02-07-2009 08:58 AM

وايه المشكلة
الرقص البلدى فن تاريخى من ايام الفراعنة، من ايام راقصة الدولة القديمة الفنانة:" هز-وسط-رع"
وحتى العصر الحالى الذى اصبح الرقص فيه اسلوب حياه يمارسه كل نجوم الاعلام والأقتصاد والسياسة ، من الرقص على كافة الأحبال الى الرقص على مشاعر رجل الشارع الى الرقص على التيارات السياسية ، كله رقص،
احنا اصلا بلدنا كلها بترقص على السلم ، لا اللى فوق شافوها ولا اللى تحت سمعوها

يبقى ايه المشكلة اننا نعلم الناس الأصول الكاديمية للرقص حتى يتم الرقص بكافه انواعه السالف ذكرها وفقا للأصول القياسية المتعارف عليها والاسلوب الاحترافى العالى الجودة

ويبقى عندنا شباب وبنات زى الورد مؤهلهم الدراسى: ليسانس رِقاصة(بكسر الراء) شعبة هز وسط ، منهم اللى هيشتغلوا بمؤهلاتهم فى الملاهى والمسارح والفنادق والخيم الرمضانية، ومنهم اللى هيتعينوا فى وضائف تانية كما هو الحال فى بلدنا لكن "مؤهلاتهم" دى هتخليهم يرتقوا فى سلم النجاح بسرعة الصاروخ، واللى غيرهم يعمله فى عشر سنين، هم يعملوه فى سنة واحدة ونص

سيبوا الناس تفتح المعهد ، خلينا نتعلم ازاى نعمل الحاجة الوحيدة اللى احنا فالحين فيها بشكل اكاديمى ومدروس

**Terrible_DaRsH** · 02-07-2009 09:55 AM

و برده لو خرجنا رقاصات متعلمين هيروحوا يقعدوا على القهوة لانهم فى حالة ان اشتغلوا مش هياخدوا الاجر ( فلوس ) ..

و الا متبقاش مصر !

**نور القمر** · 02-07-2009 12:09 PM

مش كفاية خلوا اللي يسوى واللي ميسواش بيعايرنا بشارع الهرم والفكرة الزفت اللي واخدينها عن الشارع وسكانه
كمان هايفتحولنا معاهد تعليم رقص علشان ما نقدرش نفتح عينينا في حد بعد كدة
وبدل ما بيقولوا على مصر بلد الازهر هاتبقه بلد الرقص والرقاصين رسمي

**moudy88** · 02-07-2009 12:38 PM

ده على كده كباريهات شارع الهرم هتبقى تبع وزارة التعليم العالي

**هيثم** · 02-07-2009 12:44 PM

حاجه حلوه خالص
ومش بعيد بعد شويه
يقننو بيع المخدرات ( اشمعنا هيا )

**jisso82** · 02-07-2009 01:29 PM

المشاركة الأصلية كتبت بواسطة iceheartedgirl

بس يا تري اختبارات القدرات فيه هتكون ازاي؟؟؟

والعملي بتاعه هيكون في انهي ملهي ليلي؟؟؟

وهل هيكون تابع لتتعليم العالي..ام العاري؟؟؟

ولو ان من الافضل ان يكون تابعا لمركز الزلازل

ههههههههههههههههههههههههه ه

الكلام ده تهريج طبعا يا جماعة أقصد الموضوع مش مشاركة iceheartedgirl
لأن الموضوع ده ماينفعش إطلاقا يبقى بجد
كل اللى عدى على البلد دى كوم و ده كوم تانى خالص
الله الحافظ من العقليات اللى بتحكم

**النوبي** · 02-07-2009 04:34 PM

المشاركة الأصلية كتبت بواسطة jisso82

ههههههههههههههههههههههههه ه

الكلام ده تهريج طبعا يا جماعة أقصد الموضوع مش مشاركة iceheartedgirl
لأن الموضوع ده ماينفعش إطلاقا يبقى بجد
كل اللى عدى على البلد دى كوم و ده كوم تانى خالص
الله الحافظ من العقليات اللى بتحكم

اقسم لك مفيش مستحيل في البلد دي

**Samah AbdAllah** · 02-07-2009 04:59 PM

لما يبقوا متعلمين احسن برده

عشان الملاهى لميت واى واحدة عاوزة ترقص وبقيت مهذلة

بس لازم ياخد من مجموع كبير زى الطب والهندسة عشان مايلمش كل من هب ودب

واى واحدة تفشل وتجيب 50% تقول ارقص

-

-

الموضوع: طلب إحاطة لإنشاء معهد للرقص الشرقي ودينا ترحب للتدريس فيه

LinkBack

أدوات الموضوع

عرض

-

-

-

-

-

المواضيع المتشابهه

طلب إحاطة من السادة الأعضاء

الصحراوي الشرقي

رجال يحترفون الرقص الشرقي في تركيا

الكلمات الدلالية لهذا الموضوع

المفضلات

المفضلات

ضوابط المشاركة